Skip to main content
154

Dette jobopslag er udløbet

Bibliotekar

Atuagaatilerisoq, allagaatilerisoq imaluunniit assigisaanik ilinniagaqarsimasumik Groenlandica atorfinittussarsiorpoq, Nunarput Inuilu pillugit Atuagaateqarfik.

Ulloq atorfiniffissaq 15. februar 2019 imaluunniit isumaqatigiissuteqarnikkut pissaaq.

Atorfik pillugu
Eqqumeeqqinnaanik soqutigisaqarpit? Suliassarpassuaqaraluarlutit itinerusunik aallutaqarlutit suliaqarsinnaanermik piginnaaneqarpit? Nammineersinnaassuseqarluarpit, suliassanut aalajangersimasunut ilisimasaqarluarpit aammalu suliassarisartakkavit suliassavit  avataatigut allanik suliaqarsinnaaneq ammaffigisarpiuk, taava illiusimassaaq ujagarput.
Groenlandicami, Nunarput Inuilu Pillugit Atuagaateqarfimmi, digitalinik suliaqarsinnaasumik, nutaanik inerisaasinnaasumik, nutaanik suleqateqarsinnaasumik sullisserusussuseqarluartumik suleqatissarsiorpugut.
Groenlandica Nunatta Atuagaateqarfiata immikkoortortaraa tassanilu Teamit arlaannut ilanngunneqassaatit sapaatip-akunneranut tiimialunni suliaqartartussatut.

Naatsorsuutigisinnaavat makku suliarisassallugit:

  • Katalogisering
  • Atugassanik pisiniartarneq
  • Nittartakkami / Inuit attaveqatigiittarfiini aaqqissuussisarneq
  • Saqqummersitassanik/aaqqissuussinernut oqaaseqaasiornerit
  • Paasissutissanik ujaasineq / misissuineq
  • Ilimmarfimmi vagteqartarneq, arfininngornerni paarlakaalluni vagteqartarnerit

Kissaatigaarput

  • Suliassanut assigiinngiiaartunut suliaqarnissamut ammasuussasutit
  • Katalogiseriinermik misilittagaqassasutit soqutiginnissasutillu, suliassat pingaarnerit ilagimmassuk
  • Nittartakkakkut Facebookikkullu Groenlandica saqqumilaartissinnaagit
  • Ammasuussasutit, inussiarnersuussasutit, isumassarsiullaqqissoq, tatitooq suleqatiginnilluarsinnaasorlu
  • Ilisimasanik soqutiginartumik pissanganartumillu suliffeqarfimmut tamarmut ingerlatitseqqiisinnaasoq
  • Oqaatsinik arlalinnik atuisinnaasoq
  • Kalaallit Nunaannut soqutigisaqartuunissat paasisaqarusussuseqartorlu

Uagut pilluta

  • Groenlandicap Ilisimatusarfik Ilimmarfimmi illoqatigaa
  • Groenlandicap kulturikkut kingornussassanik katersineq, immikkoortiterineq nalunaarsuinerlu suliarisarpai
  • Suliffik periarfissarpassualik suleqatigiiffiulluartoq.
  • Suliffik ineriartortuarnissamik pingaartitsisoq
  • Suliffik pinningaartunik avatangiisilik sunngiffimmilu silami sammisassarpassuarnik periarfissalik.


Oqaloqateqarnerit pissapput sapaatip-akunnera 5-imi.

Paasissutissat erseqqinnerusut
Atorfik pillugu paasisaqarnerorusukkuit pisortaq attavigisinnaavat Elisa Petersen (elisa@katak.gl – tlf.: +299 348921). Atuagaateqarfiit pillugit annertunerusumik paasisaqarusukkuit www.katak.glalakkararuk.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk