Skip to main content
122

Dette jobopslag er udløbet

Beton-imik sulialimmik misilittagalimmik Teknikimik Ilinniarfiup ilinniagaataata nutaap Issittumi Sanaartortup aqunnissaanut

Teknikimik Ilinniarfik - KTI 2021-imi ilinniakkanik nutaanik Sisimiuni aallartitsilerpoq. Taamaattumik beton-imik suliaqarnermik misilittagalimmik aqutsillunilu inerisaasussamik pissarsiorpugut.

Ujartorparput ilinniartitserusuttoq, ilinniartitsissutinik pikkorissaanernillu nutaanik inerisaarusuttoq, aammattaaq inuusuttunik sullisserusuttoq ilinniarnerminnilu aallussititserusuttoq.

Atorfik pillugu
Atorfik neqeroorutigaarput ilinniakkanik sisamanik aallartitseqataaffigisinnaasat Kalaallillu Nunaanni sanaartornikkut ineriartortitseqataallutit. Atorfik suliamut teknologimullu angusaqarusussuseqartoq.
Issittumi Sanaartortoq ilinniagaq tamakkiisuuvoq pikkorissarnerlu, maannakkumut ukuninnga imaqarluni:

  • Kuitsivilerineq
  • Igutserineq
  • Illup qaliliineq
  • Fliset inimillu isugutattulerineq

Ulloq suliffigisaq allanngorartoq pingaartipparput, illit ilinniartitsisutut aqutsisutullu sulianik sunneeqataasassallutit. Ilinniakkanut naatsunut aqutsisuunermi suleqatigiiteqimattat Sanaartornermik Ilinniarfimmi sulisut suleqatigalugit pisassaaq.

Ineriartornermi, pilersaarusiornermi, piviusunngortitsinerni naliliinernilu peqataassaatit atuangarsornermi timitaliillunilu ilinniarnermi. Aamma naatsorsuutigissavat allanik suliassaqarnissat soorlu piffiit akimorlugit projekteqarnerit Sanaartornermullu Ilinniarfimmi inerisaanerit.

Naatsorsuutigaarput:

  • Beton-imik suliaqarnermut tunngasumik ilinniangaqarnissat
  • Qarasaasiamik atuisinnaasutit
  • Ulapaarnermi suliat amerlasuut ataatsikkoorsinnaagitit, ullullu ilusilersorsinnaallugu
  • Immaqa pilersaarusiornermik ilinniartitsinermillu misilittagaqartutit
  • Allanngorartumik sulisinnaasutit, piginnaasaqarlutillu piumassuseqartutit ilinniartitsisut allat suleqatigisinnaagitit
  • Ajornanngippat marluginnik oqaaseqartutit (kalaallisut danskisullu)

Ammasuusutit teknologi, inuit inuiaqatigiillu pillugit soqutigisaqartutit. Unamminartut, suut aalanerannut malinnaaneq, sulineq allanngorartoq soqutigisarigitit, teknologiskimi aaqqissuussaanermilu.

KTI Sanaartornermik Ilinniarfimmi pilluta

Ullormut suliffik allanngorartoq pingaartipparput, ilinniartitsisutut aqutsisitullu suliamut sunneeqataasinnaallutit. Suleqatigiinneq akimuillunilu suleqatigiinneq kissaatigaarput, ilinniartut ilikkangaqarnissaat ukkataralutigu, ilinniartitsisullu piginnaasaannik ineriartortitsineq ilinniartitsinermi, sulissussineq immikkullu ilisimasaqarneq.

Uagutsinnut suleqatigiinneq tunngaviulluinnarpoq suullu aalanerannut malinnaasumik ataatsimoorusussuseqarpugut, nutaaliaasunik ininik ilinniartitsiveqartumi.

Sanaartornermik Ilinniarfik ilinniarfiuvoq nutaaliaasoq, ilinniartitsinermi atortut pisariaqartut nutaaliaaqisut pigalugit sannaviillu ilusilersorluakkat. Atuarfik ineriartortuaannartuuvoq inuiaqatigiillu pisariaqartitsinerat malillugu ilaartorluni.

Kissaatigaarput suliat siammasissut akimullu suleqatigiinneq, atuartup ilikkagaqarnissaa pingaarnerutillutigu, kiisalu ilinniartitsisut piginnaasaminnik ineriartorsinnaanerat ilinniartitsinermi, avitseqatigiinnermi pikkorissutsimilu. Uagutsinnut suleqatigiinneq tunngaviulluinnarpoq suullu aalanerannut malinnaasumik ataatsimoorusussuseqarpugut, nutaaliaasunik ininik ilinniartitsiveqartumi.

KTI Namminersorlutik Oqartussat ataaniippoq, Nuummi Sisimiunilu inuussutissarsiornermik ilinniarfeqarluni Saviminilerinermik Ilinniarfik, Sanaartornermik Ilinniarfik, Aattsitassalerinermik Ilinniarfik, Oqaatsinik Pikkorissaavik, kiisalu ilinniarnertuunngorniarfiit GU, GUX, e-GUX Nunanilu Avannarlerni Ilinniarnertuunngorniarfik.
KTI ingerlatsilluni suleqatigiinnissamik Danmarks Tekniske Universitet-ilu isumaqatigiissuteqarpoq -  ARCTIC – DTU, ingeniørinngorniarfiit marluk. Taakku saniisigut ilinniartut ineqarfii 360 missaa amerlatigisut Sisimiuni ingerlataralugit.

Atorfininneq isumaqatigiissuteqarnikkut. Kissaatigaarput atorfininneq qaammatinik pingasunik misiliutaaqqaassasoq.

Paasissutissat allat
Sukumiinerusumik atorfik pillugu paasissutissanik paasiniaasinnaavutit Ilinniarnermi Ittuusumut John Plambek på e-mail: jopl@kti.gl imaluunniit tlf: +299 867630 +299 532824.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk