Skip to main content
108

Dette jobopslag er udløbet

Avatangiisinut Upalungaarsimanermullu AC-fuldmægtigi

Avatangiisinut Upalungaarsimanermullu Immikkoortortaqarfik pikkorissumik tunniusimasumillu, Kalaallit Nunaata minguinnerulernissaanut suleqataanissamut tamatigoortunik piginnaaneqarluartumik pissarsiorpoq.

Suliffeqarfik naatsumik
Avatangiisinut Upalungaarsimanermullu Immikkoortortaqarfimmi, Ilisimatusarnermut Avatangiisinullu Naalakkersuisoqarfimmut ilaasumi suleqataalissaatit. Immikkoortortami sulineq avatangiisini pissanganartuni suliatigullu unammillernartuni, suliatigut ineriartornissamut periarfissaqarluartumi ingerlanneqarpoq. 

Avatangiisinut Upalungaarsimanermullu Immikkoortortaqarfiup suliassaqarfiit arlallit akisussaaffigai, taakkununnga eqqakkat, imeq imigassaq, sinerissamut qanittumi immami avatangiisit, imeq errortuutikoq, ASN, poortuutissat, suliffeqarfiit annertuumik mingutsitsisut upalungaarsimanerlu ilaallutik. Aamma Immikkoortortaqarfiup avatangiisinik illersuineq pillugu nunani tamalaani isumaqatigiissutinik arlalinnik aqutsineq akisussaaffigaa. Immikkoortortaqarfimmi atorfillit tassaapput immikkoortortaqarfimmi pisortaq aamma AC-fuldmægtigit aqqaneq marluk.

Suliffeqarfimmi pitsaasunik suleqateqarfiusuni, pingaartorsiunngitsumik pissusilersorfiusumi aammalu toqqissimanissamik ineriartornissamillu pingaartitsiviusumi suleqataalissaatit.

Suliassatit
Ulluinnaat pissanganartut, suliassanit assigiinngitsorpassuarnit, amerlanertigut saaffiginnissutit politikerit, innuttaasut kommunilluunniit tungaanniit tiguneqarnerinik apeqqutaatitsiviusunit sunnersimaneqartut naatsorsuutigisinnaavatit. Ilaatigut pitsaasumik eqqagassalerinissamut sinaakkusiussat tunngavigalugit sulisarnissat naatsorsuutigaarput, taakkununngalu Naalakkersuisut 2020-2031-mut eqqagassalerinermut pilersaarutaata ingerlanneqarnissaa aamma suliassat Avatangiisinut Aningaasaateqarfimmit aningaasalersorneqartut suliarisarnissaat ilaatinneqarput. Suliami Naalakkersuisoqarfiup immikkoortortaqarfii allat, aamma Namminersorlutik Oqartussani oqartussaasut allat kiisalu avataaniit suleqatit, pingaartumik kommunit aamma kommunit ataatsimoorlutik eqqagassalereqatigiiffiat ESANI A/S suleqatigineqartassapput.
 
Suliassat ilaatigut tassaassapput:
 

  • Politikkikkut kiffartuussinerit, taakkununnga allakkiat, politikkikkut isummernissamut tunngavissat aamma politikkikkut oqariartuutit ilaallutik
  • Kommuninut suliffeqarfinnullu siunnersuisarnerit ilitsersuisarnerillu
  • Inatsisinut iluarsiissutinik, nalunaarutinik malittarisassanillu suliaqarneq
  • Avatangiisinut suliassaqarfimmi ineriartortitsinermi suliat
  • Ilisimatitsissutinik ilitsersuutinillu suliaqarneq
  • Avatangiisinut suliassaqarfimmi ineriartortitsinermi suliat
  • Pisortanik kiffartuussineri


Immikkoortortaqarfimmi sulisut allat qanimut suleqatigilissavatit aammalu avatangiisini suliassaqarfimmi tamarmiusumi suliassanik tigusisassaatit. Ilinniartitaanerit, tunuliaquttatit soqutigisatillu apeqqutaallutik assersuutigalugu eqqagassanut aaqqiissutissat, erngup imigassap, immami avatangiisit, uuliaarluertoqarnissaanut upalungaarsimanerup. ASN-ip, suliffeqarfiit annertuumik mingutsitsisut, erngup errortuutikup, poortuutissat eqqakkallu iluini suliassaqartassaatit.

Naatsorsuutigisavut
Kissaatigaarput:

  • Ilinniagartuutut ingerlaqqiffiusumik ilinniagaqassasutit imaluunniit sulianut attuumassutilinnik allanik tunuliaqutaqassasutit
  • Avatangiisinut suliassaqarfik ataatsimut soqutigisaqarfigissagit ilisimasaqarfigalugulu
  • Sulianik aqutsinermik misilittagaqassasutit, taakkununngalu aningaasaqarneq missingersuutinillu malinnaaneq ilaatinneqarput
  • Aaqqissuussaanermi politikkikkut aqunneqartumi misilittagaqassasutit
  • Pisortat ingerlatsivianni imaluunniit suliffeqarfimmi siunnersuisarfiusumi misilittagaqassasutit
  • Ajornartorsiutit pisariusut oqaatsit ersarissut atorlugit ingerlateqqinnissaannut piginnaaneqassasutit
  • Suleqatikkuminartuussasutit kiisalu sulianik ataatsikkut amerlasuunik ingerlatsinissamut piginnaaneqassasutit
  • Oqaatsinik piginnaaneqarluassasutit, taakkununngalu tuluttut, danskisut kalaallisullu oqaatsit ilaapput


Suliassat suliarisavit politikkikkut eqqummaariffigineqarnerat iluarisimaarsinnaassavat, aammalu ajornartorsiutit pisariusut oqaatsit ersarissut atorlugit ingerlateqqinnissaannut piginnaaneqarfigilluassavat. Namminersorlutit, tunniusimallutit, pitsaasumik isumagissaarlutillu sulisinnaanissat pingaartipparput.

Paasissutissat amerlanerusut
Atorfik pillugu annertunerusumik paasisaqarusukkuit immikkoortortaqarfimmi pisortaq Karen Anne Arleth oqarasuaat (+ 299) 34 54 65-imut attaveqarfigisinnaavat.

Qinnuteqaat:
Qinnuteqarnissamut killigitinneqarpoq 22. oktobari 2020
1. decembari 2020-mi imaluunniit piaartumik atorfinitsitsisoqassaaq
Oqaloqatiginninnerit sap. ak. 44-mi ingerlanneqarnissaat naatsorsuutigineqarpoq

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk