Skip to main content
152

Avatangiisinut Upalungaarsimanermullu Immikkoortortaqarfimmi AC-fuldmægtigi

Avatangiisinut Upalungaarsimanermullu Immikkoortortaqarfik sulisussamik pikkorissumik tunniusimasumillu, Kalaallit Nunaata minguinnerulernissaanut ikiuunnissamut tamatigoortunik piginnaaneqarluartumik pissarsiorpoq.
 
Suliffeqarfik naatsumik
Avatangiisinut Upalungaarsimanermullu Immikkoortortaqarfimmi, Pinngortitamut Avatangiisinullu Naalakkersuisoqarfiup ilagisaasi suleqataalissaatit. Immikkoortortaqarfimmi sulineq avatangiisini pissanganartuni suliatigullu unammillernartuni, suliatigut ineriartornissamut periarfissaqarfiulluartuni ingerlanneqarpoq.
 
Avatangiisinut Upalungaarsimanermullu Immikkoortortaqarfiup suliassaqarfiit arlallit akisussaaffigai, ilaatigut eqqagassat, imeq imigassaq, sinerissami qanittumi immami avatangiisit, imeq errortuutikoq, ASN, poortuutissat, suliffeqarfiit annertuumik mingutsitsisut upalungaarsimanerlu. Aamma immikkoortortaqarfiup avatangiisinik innarlitsaaliuinissaq pillugu nunani tamalaani isumaqatigiissutit arlallit akisussaaffigai. Immikkoortortaqarfimmi atorfiit akuerisat tassaapput immikkoortortaqarfimmi pisortatut atorfik aamma AC-fuldmægtigitut atorfiit 12-it.
 
Suliffeqarfimmi pitsaasunik suleqateqarfiusumi, pingaartorsiorfiunngitsunik avatangiiseqarfiusumi aammalu toqqissisimanermik ineriartornermillu pingaartitsiviusumi suleqataalissaatit.
 
Suliassatit
 
Ulluinnaat pissanganartut, suliassanik assigiinngitsorpassuarnik suliaqarfiusut, akuttunngitsumik naalakkersuinikkut suliaqartunit, innuttaasunit kommuninilluunniit saaffiginnissutinik suliaqarnissamik apeqqutaatitsiviusut naatsorsuutigisinnaavatit. Ilaatigut eqqagassalerinermi aaqqiissutissanut pitsaasunut sinaakkutissat suliarisassagitit naatsorsuutigaarput, taakkununngalu plastikkinik ajornartorsiuteqarnerup eqqumaffiginissaa kaaviiaartumillu aningaasaqarnerup aallunneqarnissaat ilaatinneqarput.
Sulinermi Naalakkersuisoqarfimmi immikkoortortaqarfiit allat aamma Namminersorlutik Oqartussani oqartussaasut allat, kiisalu avataani suleqatit suleqatigineqassapput.

Suliassat ilaatigut tassaassapput:

  • Naalakkersuinikkut suliaqarnermi kiffartuussineq, taakkununnga allakkiat, naalakkersuinikkut isummernissamut tunngavissiat aamma naalakkersuinermi oqariartuutit suliarineqartarneri ilaallutik
  • Namminersorlutik Oqartussani oqartussaaffiit akimorlugit tusarniaanernik ataqatigiissitsineq
  • Inatsisinik, nalunaarutinik malittarisassanillu suliaqarneq iluarsiisarnerlu
  • Avatangiisinik suliassaqarfimmi suliat ineriartortinneqartut
  • Kommuninut suliffeqarfinnullu siunnersuisarneq ilitsersuisarnerlu
  • Paasissutissiissutinik ilitsersuutinillu suliaqarneq
  • Avatangiisinik suliassaqarfimmi ineriartortitsinermi suliat
  • Pisortanik kiffartuussineq

Immikkoortortaqarfimmi sulisut allat qanillugit suleqatigilissavatit, aammalu avatangiisinik suliassaqarfimmit tamarmiusumit suliassanik tigusaqartassaatit. Ilinniakkat, tunngavitit soqutigisatillu apeqqutaallutik suliassanik, assersuutigalugu eqqagassalerinermik aaqqiissutissanut, imermut imigassamut, immami avatangiisinut, uuliaarluertoqarnissaanut upalungaarsimanermut, ASN-imut, suliffeqarfinnut annertuumik mingutsitsisunut, imermut errortuutikumut, poortuutissanut eqqagassanullu tunngasunik tigusaqartassaatit.
 
Naatsorsuutigisavut
Kissaatigaarput:

  • ilinniagartuutut ingerlaqqiffiusumik ilinniagaqassasutit imaluunniit sulianut attuumassutilinnik allanik tunuliaqutaqassasutit
  • Avatangiisinut suliassaqarfik ataatsimut isigalugu soqutigisaqarfigissagit ilisimasaqarfigissagillu
  • Sulianik aqutsinermik misilittagaqassasutit, taakkununngalu aningaasaqarneq imaluunniit missingersuutinik malinnaaneq ilaapput
  • Aaqqissuussaanermi naalakkersuinikkut aqunneqartumi sulinermik misilittagaqassasutit
  • Pisortat ingerlatsivianni suliffeqarfimmiluunniit siunnersuisarfiusumi sulinermik misilittagaqassasutit
  • Ajornartorsiutit pisariusut oqaatsit ersarissut atorlugit ingerlateqqinnissaannut piginnaaneqassasutit
  • Suleqatikkuminartuussasutit kiisalu suliat amerlasuut ataatsikkut ingerlannissaannut piginnaaneqassasutit
  • Oqaatsinut piginnaaneqarluassasutit, taakkununngalu tuluttut, danskisut kalaallisullu oqaatsit ilaapput


Suliat isumagisavit naalakkersuinikkut eqqumaffigineqarnerat iluaraat aammalu ajornartorsiutit pisariusut oqaatsit ersarissut atorlugit ingerlateqqinnissaat piginnaaneqarfigaat. Namminersorlutit, tunniusimallutit, pitsaasumik isumagissaarlutillu sulisinnaanissat pingaartipparput.

Atorfik Nuummi inissisimavoq. Illoqarfik periarfissarpassuaqarpoq, soorlu kulturip illorsua, filmertarfik, naluttarfik, timigissartarfik, kaffisorniartarfiit peqatigiiffiillu assigiinngitsut. Aamma Nuup eqqaani pinngortitami sisorartarfeqarpoq golfertarfeqarlunilu, kiisalu qajartornissamut, aalisarnissamut, imaatigut angallammik angalanissamut, nunami pisuttuarnissamut aalalluartunullu sunngiffimmi allarpassuarnik sammisaqarnissamut periarfissaqarpoq.

Paasissutissat amerlanerusut
Atorfik pillugu annertunerusumik paasisaqarusukkuit immikkoortortaqarfimmi pisortaq Karen Anne Arleth telefon (+ 299) 34 54 65-imut attaveqarfigisinnaavat.

Qinnuteqarneq:
Qinnuteqarnissamut 15. August. 2019 killigitinneqarpoq
1. oktober 2019-imi imaluunniit piaartumik atorfinitsitsisoqassaaq
Oqaloqatiginninnerit sap. ak. 34 aamma 35-imi ingerlanneqarnissaat naatsorsuutigineqarpoq.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk