Skip to main content
122

Dette jobopslag er udløbet

AU-mi Aningaasaqarnerup sulisoqarnerullu iluani aqutsinikkut aaqqiissutissatigut ilinniartoq

AU - ØR
AU-mi Aningaasaqarnerup sulisoqarnerullu iluani aqutsinikkut aaqqiissutissatigut ilinniartoq.
Aningaasaqarnermut Sulisoqarnermullu Aqutsisoqarfik Aningaasaqarneq aamma Isumalluutinik aqutsinermi AU-tut ilinniartussarsiorpoq 1. august 2021-imi aallartittussamik.

Nuummi Qitiusumik Naatsorsuuseriffimmi suliffimmik misiliissaatit,  taamaasillutillu Aningaasaqarnermut/immikkut ittunut naatsorsuuserivimmut, Akiligassaqarfigisanik- aamma Akiligassalinnik Naatsorsuuserivimmut, Nakkutilliisarneq missingersuutinillu malitseqartitsisarnermullu paarlakaajaattumik attaveqartassallutit.
Pingaartipparput inuttut ilinniakkannullu tunngatillugu ineriartorluarnissat anguniarlugu ulluinnarni unamminartunik misigisaqartinnissat. Uatsinni naatsorsuinermik aningaasaqarnermullu ilisimasaqarlualissaatit misilittagaqalerlutillu siunissami suliffissannut iluaqutaalluarsinnaasunik.

Neqeroorutigaarput  
Suliffik tamatigoortoq, sammisamut inuttullu ineriartorfittut periarfissalik. Siunissami sulisinnaanissannut tunuliaqutissannik pitsaasunik tuninissat pingaartipparput.
Pisortani allaffissornermi, missingersuusiornermi naatsorsuusiornermilu, aningaasaqarnermik aqutsinermi, sullissinermi, attaveqaqateqarnermi paasisaqarnerussaaq aamma siammasissumik naatsorsuusiornermik aamma aningaasaqarnermik paasisimasaqalissaaq.

Aningaasaqarnermut Sulisoqarnermullu Aqutsisoqarfimmi ilinniartutut naatsorsuutigaarput illit:

  • Piffissaq eqqorlugu takkuttartutit
  • Pitsaasumik isumalik kiffartuussilluarusuttorlu
  • Unammilligassat piareersimaffigigukkit

Aningaasaqarnermut Sulisoqarnermullu Aqutsisoqarfik pillugu uani paasisaqarnerugit: www.asa.gl
Atorfik pillugu sukumiinerusumik paasissutissanik pissarserusukkuit uunga Emilie NajâraK Brandt, oqarasuaammut 34 64 54 saaffiginnissinnaavutit e-mail: embr@nanoq.gl  imaluuniit  Sidse Høy, oqarasuaammut 34 67 97 saaffiginnissinnaavutit e-mail: siho@nanoq.gl

Qitiusumik Naatsorsuuseriffik ulluinnarni DcR-imik taajorneqartoq
Qitiusumik Naatsorsuuseriffik Aningaasaqarnermut Sulisoqarnermullu Aqutsisoqarfimmi immikkoortortaavoq aammalu Namminersorlutik Oqartussani nunap karsiata naatsorsuutaanut akisussaanerpaalluni. DcR sulisunik 40-nik sulisoqarpoq.

Aningaasaqarnermut Sulisoqarnermullu Aqutsisoqarfik
Ulluinnarni ASA-mik taagorneqartoq, Namminersorlutik Oqartussat ataatsimoorussamik kiffartuussinermut sullissivigaat.  Maannakkut ASA 140-t missaanni sulisoqarpoq ilaatigut naatsorsuutit saqqummiunneqartarnerannut, pisiortornermi politikimut, isumaqatiginninniarnernut tunngasunut, aningaasarsiaqarnermut sulisoqarnermullu politikimut, Sulisoqarnermut immikkoortortap ineriartortinneranut, nutserisoqarnermut kiisalu illuutit ingerlanneqarnerannut akisussaasuulluni.

Akissarsianut atorfinitsitaanermullu tunngasut
Akissarsiat atorfinitsitaanermilu atugassarititaasut, taakkununnga ilaallutik atorfininnermi soraarnermilu angalasinnaanermut kiisalu pisattat nassiunneqarneranni aalajangersakkat aallaavigalugit Kalaallit Nunaanni Namminersorlutik Oqartussat sulilertussallu kattuffiata isumaqatiginninniarsinnaatitaasup akornanni isumaqatigiissutit naapertorlugit pissapput.

Ineqarneq
Atorfimmut atatillugu sulisunut inissiamik innersuussisoqanngilaq. Qinnuteqartorli Namminersorlutik Oqartussani atorfeqarnerminut atatillugu sulisutut ineqareersimaguni, sulisunut inissiamik innersuussiffigineqarsinnaanini attatiinnassavaa. Atorfiullu atorfigiunnaarnerani kingusinnerpaamillu pilersaarut naammassineqarpat qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.
E-mailikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk