Skip to main content
91

Dette jobopslag er udløbet

Atuisartoqarnermut Unammilleqatigiinnermullu Aqutsisoqarfiup Maalaaruteqartarfia Unammilleqatigiinnermilu Sullissivia suleqatissassiorput

Atuisartoqarnermut Unammilleqatigiinnermullu Aqutsisoqarfimmi suleqataarusuppit?
 
Atuisartoqarnermut Unammilleqatigiinnermullu Aqutsisoqarfiup Maalaaruteqatarfia, Unammilleqatigiinnermilu Sullissivia suleqatissarsiorput. Kalaallit Nunaanni niuerfiit ingerlalluartut sullippavut unammilleqatigiinnerullu pisariinnerusumik atugassaqartinneqarnissaat aqqutissiuunniartarpagut atuisartunullu sullissineq pisariinnerulernisaanut anguniagaqarluta. Taamatuttaaq anguniagaavoq Kalaallit Nunaanni isumaginninnermi sullissinerup sivikillisarnissaa.
 
Maalaaruteqarfik
Maalaaruteqartarfimmi Isumaginninneq pillugu maalaarutinut tunngasunik suliassanik suliaqartartussaavutit.
Isumaginninnermi Maalaaruteqarnermi Aalajangiisartut aalaajangiinerit maalaarutigineqartut isumagisarpai, aammalu kommunini, Isumaginninnermut, Inatsisinillu Atuutsitsinermut Naalakkersuisoqarfimmit aalajangerneqarsimasut. Maalaaruteqartarfiup pisortaqarfiit isumaginninnermik suliaqartut naammagittaalliuutigineqartarneri suliarisarpai, naammagittalliuutinik suliaqarnermi inatsilerinermi pitsaassuseq
ajunnginnerpaaq anguniagaalluni. Maalaaruteqartarfiuttaaq saniatigut Ineqarnermut maalaaruteqartarfik, Avatangiisit Pinngortitarlu pillugit maalaaruteqarnermi ataatsimiititaliat annertunngikkaluamik suliaqarfigisarpai.

Eqqortumik peqqisaartumillu ilinnartinneqassaatit, suleqativillu avitseqatigilluartarnissaannut periarfissaqarluartassallutit. Suliassat misilittakkat tunuliaqutillu aallavigalugit agguaanneqartassapput. Taamatuttaaq suliffimmut aammma ilaasinnaavoq inatsisissanik siunnersuutinik tusarniaanerit.
 
Suliassat pillugit Maalaaruteqartarfimmi suliassatit pingaarnerit makkuupput :

  • Isumaginninneq pillugu maalaarutinik suliassanik isumaginninneq
  • Siusinaarluni pensionisiaqarneq pillugu maalaarutinik isumaginninneq
  • Ineqarneq pillugu maalaarutinik isumaginninneq
  • Isumaginninnermi inatsisilerinermut tunngasunik siunnersuisarnerit
  • Eqqartuussinermut tunngasunik siunnersuineq
  • Maalaaruteqartarfiup iluani allaffissornikkut suliassat

Tamatuma saniatigut Maalaaruteqartarfimmi aamma makkua suliarisinnaassassavatit:

  • Ministerinik sullissineq tunuliaqutigineqarsinnaasunik saqqummiussassanillu suliaqarnerit
  • Inatsisissanik peqqussutissanillu suliaqarnerni piareersaaqataanerit

Illit pillutit piumasaqaatit:

  • Isumaginninnermi inatsisilerinermut soqutigisaqartuunissat
  • Sulianik sullissinermi piginnaasaqalluassasutit
  • Aaqqissuussaalluartumik pitsaasumillu suleriaaseqassasutit
  • Politikkikkut ingerlatsiveqarfimmi suleqataaneq misilittagaqarfigissagit
  • Nammineerlutit suleqatigisatillu peqatigalugit sulianik ingerlatsisinnaassassasutit
  • Sulinermi suleqatinnut innuttaasunillu immikkut ilisimasaqanngikkaluanut pitsaasumik attaveqarniartassasutit
  • Sulianut atuumassutilinnik ilinniagaqarsimasutit, ajornanngippat kandidatitut

 
Unammilleqatigiinnermut Allattoqarfik
Unammilleqatigiinnermut Allattoqarfimmi sulisutut isumaginninnermi suliassat pikkoriffiginissaat pingaaruteqarpoq aammalu unammilleqatigiinnermi inatsit, kiffartuussinermi inatsit taamatuttaaq atuisartoqarnermut inatsit suliaqarfigisassavatit. Pinngitsoortinniassallugit suliarisarpavut eqqungitsumik akinik isumaqatigiisiortarnerit niuerfinnilu saqquminerusut niuerfinnik equsitsinissaat pinngitsoortissallugu.
 
Suliassatit pingaarnerusumik ukuussapput:

  • Unammilleqatigiinnermi suliassatut takkussimasut, tamatumani saaffiginnittunik isumaginninneq
  • Kiffartuussinissamik neqerooruteqartunik misissuineq
  • Suliffeqarfinni misissugassanik ataqatigiissaarineq
  • Unammilleqatigiinnermut atuisunullu eqqartuussisarnermi siunnersuineq
  • Unammilleqatigiinnermut atuisunullu inatsisiliassat nalunaarusiassallu
  • Unammilleqatigiinnermut aalajangiisartut allaffeqarnikkut sullinnissaat, ukiumoortumik ataatsimiinnerit 1-2

Unammilleqatigiinnermi Allattoqarfimmi sulisutut aamma makkuninnga suliaqassaatit:

  • Naalakkersuisunut sullissineq, tamatumani tunulequtaasussanik allagaqarnikkut aammalu oqalugiaatissat
  • Inatsisiliornermi piareersaataasumik peqataaneq nalunaarusianillu suliaqarneq
  • Nunani Avannarleqatigiinni unammilleqatiginnermi suleqatigiinnermi peqataaneq

Naatsorsuutigaarput illit:

  • Unammilleqatigiinnermi eqqartuussissarnermut aammalu tuniniaasarnermut eqqartuussinermut soqutigisaqartutit
  • Sullisseriaatsinut piginnaaneqarluartuusutit
  • Sulinermi aaqqissugaalluartumik pitsaassusilimmillu sulisinnaasutit
  • Suliffeqarfimmi Naalakkersuinikkut aqunneqartumi ilisimasaqarluartoq
  • Namminersorluarluni sulisinnaasoq aammalu suleqatiminut suleqatiginnillaqqissoq
  • Suliamik tunngasutigut atortussianik atuinermi attaveqaqatigiillaqqissoq – aamma inunnut immikkut ittumik ilinniarsimasuunngitsunut.
  • Sulianut atuumassutilinnik ilinniagaqarsimasutit, ajornanngippat kandidatitut

 
Atuisartoqarnermut Unammilleqatigiinnermullu Aqutsisoqarfik pillugu 
Atuisartoqarnermut Unammilleqatigiinnermullu Aqutsisoqarfik suliffeqarfiuvoq pissanganartoq ineriartupiloortorlu.
Sulianik ingerlatsineq sulianillu periuutsit eqqumaffigaagut, sulianullu tunngatillugu illit kinaassutsit atorlugu sunniuteqarnissannut periarfissaqarluarputit. Ulluinnarni suliffeqarfik inussiarnisaartumik ammasumik persuarsiornanilu suliffeqarfiuvoq. Unammilleqatigiinnermut Allattoqarfik Maalaaruteqartarfillu saniatigut Atuisartoqarnermut Unammilleqatigiinnermullu Aqutsisoqarfik ataani Unammillernermut Qitiusumik Allattoqarfik ilaavoq. Suliffeqarfiit akornanni, suliassanillu isumaginninneq aqutsisoqarfiup iluani suleqataaffigisarpavut, ilisimasavut piginnaaneqarfigisavullu akornatsinni avitseqatigiissutigisarpavut.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq
Atorfinnut atatillugu pequteqanngitsumik inissaqartitsisoqarsinnaavoq malittarisassat sukkulluunniit atuuttut malillugit. Inimut innersuunneqartumut ineqarnermut akiliut qularnaveeqqusiissullu malittarisassat sukkulluunniit atuuttut malillugit akilerneqassapput. Atorfimmut atatillugu inigisaq atorfeqarnermut ilaatinneqarpoq soraarnermilu inigisaq qimanneqassalluni.
 
Ineqarnermut akiliut inigisallu pitsaassusaa inigisap qanoq pisoqaatiginera, kiap inaataatigineraa il.il. apeqqutaatillugit nikerarsinnaapput. Atorfimmut atatillugu inigisamik innersuunneqarneq utaqqinarsinnaavoq, taamaattumik inissiigallartoqarsinnaalluni, matumani illoqatigiinnut minnernut akunnittarfimmiluunniit, taakkulu akileraarutaasussaapput.
 
Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit: Immikkut siunnersorti Frederik Flindt Hansen, +299 34 58 40, frfh@nanoq.gl imal. aqutsisoqarfimmi pisortaq Freja Lisby Nielsen, +299 34 28 41, frln@nanoq.gl.

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl

Qinnuteqarneq
Piffissami qinnuteqaateqartut oqaloqatigineqartassapput.

Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Atorfiniffissaq: Ulloq 1. juni 2019-i imaluunniit immikkut paaseqatigiinnikkut.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk