Skip to main content
122

Dette jobopslag er udløbet

Atuisartoqarnermut Unammilleqatigiinnermullu Aqutsisoqarfik Immikkoortortami pisortassarsiorpoq

Atuisartoqarnermut Unammilleqatigiinnermullu Aqutsisoqarfik Unammilleqatigiinnermut- tuniniakkanullu immikkoortortaqarfik pisortassarsiorpoq. Inatsisilerituutut nukittuujullutit piginnaaneqarluarnissat pisariaqartinneqarpoq, nunatsinnilu inuussutissarsiornikkut inerisaasoqarluarnissaa siunertaralugu sunniisinnaasumik piginnaaneqarnissat pisariaqarpoq, unammilleqatigiinnermut tuniniaanermullu malittarisassaasut nakkutigilluaqqullugit.

Aqutsisoqarfiup unammilleqatigiinnermut tuniniaanermullu suliassaatai akisussaaffigissavatit, kiisalu suliassaqarfimmi nutaami inunnik isumaginninnikkut aningaasaqarnikkullu suliffeqarfiit aamma suliassaqarfittut nakkutigissallugit. Unammilleqatigiinnermut Aqutsisoqarfik marlunnik allaffornikkut sullissisuuvoq, tassanilu aqutsisoqarfimmut atasunik aalajangiisartoqarlunilu ataatsimiitsitaliaqarpoq: Unammilleqatigiinnermi Aalajangiisartut aamma Pisortat Pisiortortarneranni Neqerooruteqartitsinermut Ataatsimiititaliaq.

Akisussaaffeqarfiit
Akisussaaffeqarfitit pingaarnerusumik makkuupput:

  • Massakkut suliamik tunngasutigut isumalluutitigullu inerisaaneq pitsanngorsaanerlu isumagissallugu, suliassaasut suliaqarfiillu ingerlalluaqqullugit
  • Unammilleqatigiinnermut tuniniaanermullu suliaqarfimmi pitsaassusilimmik sukkasuumillu suliaqarnissaq angujumallugu, tamatumani aamma ilaapput sullissinermi tunuarsimanani naammassinnissinnaaneq
  • Inatsisiliorluni piareersaanermi immikkoortortap suliassaqarfii ataqatigiissaarneqarnissaat isumagissallugit Naalakkersuisoqarfittut akisussaasoq peqatigalugu
  • Sulisoqarnikkut tunngasut
  • Nunat assigiinngitsut akornanni suleqatigiinnermi peqataaneq
  • Suliffeqarfiit misissorneqarnerini ataqatigiissaarisuulluni
  • Pisortat aalajangigassatigut pitsaassusilimmik suliaqarnissaat peqataaffigisallugit Aqutsisoqarfimmilu pisortaasoq isumaqatigalugu aalajangeriikkat atuutilernissaat suliassaqarfiup iluani isumaqatigiissutaasut naapertorlugit

Piginnaasanut piumasaqaataasussat
Naatsorsuutigaarput, illit:

  • Nunatsinni naalakkersuinikkut aqutamik ingerlatsinermi misilittagaqarnissat, Kalaallit Nunaanniusinnaavoq, tamatumani aamma Naalakkersuisumut sullissinissaq, tunulequtaasussanik oqaaseqaasiorneq saqqummiinerlu
  • Inatsisilerituutut ilinniarsimasutit, ukiualunnillu misilittagaqarlutit
  • Pisortat suliffeqarfiini siuisinnerusukkut sulisimanermi uppernarsarneqarsinnaasunik naammassisaqarsimasutit
  • Sulisoqarnermi aqutsinermi misilittagaqartutit
  • Nunat assigiinngitsut akornanni sulisinnaasutit


Suliassanut tunngasut nikerarlutillu ilanngussorfiulluarmata, pilersaarusiornerit, salliutitsisarnerit aaqqissuussisarnerillu aammattaaq ataqatigiissaarisarnerit pillugit pitsaasunik sakkortuunillu piginnaaneqarnissamut piumasaqaatitaqarput.

Atuisartoqarnermut Unammilleqatigiinnermullu Aqutsisoqarfik pillugu
Atuisartoqarnermut Unammilleqatigiinnermullu Aqutsisoqarfik suliffeqarfiuvoq pissanganartoq ineriartupiloortorlu. Sulianik ingerlatsineq sulianillu periuutsit eqqumaffigaagut, sulianullu tunngatillugu illit kinaassutsit atorlugu sunniuteqarnissannut periarfissaqarluarputit. Ulluinnarni suliffeqarfik inussiarnisaartumik ammasumik persuarsiornanilu suliffeqarfiuvoq.
Unammilleqatigiinnermut- tuniniakkanullu immikkoortortaqarfiup saniatigut Atuisartoqarnermut Unammilleqatigiinnermullu Aqutsisoqarfik ataani allanik aamma immikkoortortaqarfeqarpoq, Allattoqarfik  aamma Maalaarutinut Sullissivik. Maalaaruteqartarfiup Sullissiviani aalajangiisartut arfinilliupput aamma ataatsimiititaliat inatsilerisinikkut suliani assigiinngitsuni sullitsisuupput. Suliffeqarfiit akornanni, suliassanillu isumaginninneq aqutsisoqarfiup iluani suleqataaffigisarpavut, ilisimasavut piginnaaneqarfigisavullu akornatsinni avitseqatigiissutigisarlugit.

Aningaasarsiatigut atorfinitsitaanermilu atugassarititaasut
Atorfik akissaateqarfimmi LR 38-mi maanna inissisimavoq.

1. april 2021 LR 38-mi akissarsiat imak isumaqagitiissutigineqarnikuupput qaamammut  Kr. 56.370 ukiumullu Kr. 676.441 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussoq, qinnuteqartorlu tjenestemand-tut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataanni atorfeqartut isumaqatigiissutaasimasut naapertorlugit aningaasarsiaqarnatit sulinngiffeqarnissamut periarfissinneqarnikuupput, Tjenestemand-itut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut.  Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq.   Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit: Aqutsisoqarfimmi pisortaq Freja Lisby Nielsen, +299 34 28 41, frln@nanoq.gl.

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl.

Qinnuteqarneq
Kingusinnerpaamik qinnuteqarfissaq: 28. juni 2021.

Piffissami qinnuteqaateqartut oqaloqatigineqartassapput.

Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Atorfiniffissaq: Ulloq 1. august 2021-i imaluunniit immikkut paaseqatigiissuteqarnikkut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk