Skip to main content
88

Dette jobopslag er udløbet

Atuisartoqarnermut Unammilleqatigiinnermullu Aqutsisoqarfik nutserisussarsiorput

Aqutsisoqarfik mikivoq ulapaarfiullunilu. 2019-mi suliat tamakkerlugit aalajagiussat 765-it taavalu Atuisartuniik saaffiginninnerit 194-siusimallutik. Aqutsisoqarfimmi suleqatigiit 14-vugut, affai allatseqarfimmiipput affaalu Inatsisilerituujullutik.

Aqutsisoqarfik avammut attaveqarnerit pitsanngorsarniarlugit allaffimmi nutserisussarsiorput. Aqutsisoqarfiuvugut siammasissumik suliaqartartut, immikkullu ilisimasalinnik sulisoqarpugut taamaattumillu aamma oqaatsit aalajangersimasut atortarlugit.

Atuisartoqarnermut Unammilleqatigiinnermullu Aqutsisoqarfiup isumaginninnermut, ineqarnermut aamma atuisartoqarnerup iluani suliat amerlanerpaat aalajangiiffigisarpaat. Isumaginninerup iluani suliat ilaatigut imaqarsinnaasarput soorlu innarluutilinnut tungasut, meeqqat tapersersorneqarnissaat, utoqqalinersiat, pisortatigut ikiorsiissutit aamma isumaginninnermi tunniuttakkat allat. Ineqarnerup iluani suliat tassaasinnaapput malittarisassat, aserfallattaaliuineq aamma nuunnermi naatsorsuutit. Atuisartoqarnerup iluani suliat ilaatigut tassaasinnaaput soorlu naammagittaalliutit, amingaatit aamma kiffartuussinermut tungasut.  Aammattaaq suliassat Unammilleqatigiiffimmiit, pinngortitaleriffimmiit aammalu Avatagiisinut tunngasut suliarineqartassapput.

Atuisartoqarnermut Unammilleqatigiinermullu Aqutsisoqarfik tassaavoq Atuisartoqarnermut aalajangiisartut, Unammilleqatigiinnermullu aalajangiisartut, allatseqarfiat, aamma allatseqarfiuvoq Isumaginninermi Naammagittaalliuteqarfimmut, Ineqarneq pillugu Maalaaruteqartarfimmut, Siusinaartumik pensionisiaqarnermut Maalaaruteqartarfimmut, Pinngortitaq pillugu maalaaruteqartarfimmut, Pinngortitap Innarlitsaaliorneqarnissaanut Ataatsiitsitaliamut, Pisortat Pisiortortarneranni Neqerooruteqartitsinermi Maalaaruteqartarfimmut aamma Nalunaarasuartaateqarneq pillugu Maalaaruteqartarfimmuttaaq allatseqarfiulluni. Aqutsisoqarfik  Atuisoq-mut aamma Isumaginninnermi aningaasaqarnerup Ingerlatsesoqarneranut Nalunaarsorneqarneranik sulliaqartarpoq. Kiisalu Atuisartoqarnermut Unammilleqatigiinnermullu Aqutsisoqarfiup tuniniaasarneq aamma unammilleqatigiinneq nakkutigai.  

Suliassaraatit:

  • Aalajangiinerit kukkunersiorlugit.
  • Naammagittaalliuutinik meeqqanut innarluutilinnullu suliat takussutissartai nukinginnartumik nutserlugit.
  • Tusagassiorfinnut nalunaarutit nittartakkatsinnilu qarasaasiatigullu attaveqaqatigiittarfiisigut nutaarsiassat atuaqqissaarlugit.
  • Qitiusumik allaffeqarfimmiittoq Nutserisoqarfik suleqatigalugu kiisalu Oqaasiliortut peqatigalugit taagusersuutit ineriartortinnissaannut ataqatigiissaarineq.


Naatsorsuutigaarput:

  • Aaqqissuussaasumik sapiissuseqartumillu suliat salliussinnaagitit
  • Suleqatigiilluarsinnaanerit immikkoortut assigiinngittuni
  • Inuttut alapernaatsuusutit.
  • Illit sungiussisimasumik IT-mut tunngasut soorlu MS Outlook aammalu Word suliaqarsinnaaneq.


Iluaqutaavoq:

  • Illit naleqquttumik ilinniagaqarsimanerit, bachelor nutserinermut aammalu oqalutsitut Ilisimatusarfimmiik
  • Suliarisartakkatsinnut tunngasut nutserlugit misilittagaqarfigigitit
  • TMS review misilittagaqarfigigit.


Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit Allattoqarfimmi pisortaq Nivi Strunz-imut nstr@nanoq.gl -mut
Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl. aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl.

Qinnuteqarneq
Qinnuteqarfissap killinga 28. juli 2020.
Piffissami qinnuteqaateqartut oqaloqatigineqartassapput.
Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Atorfiniffissaq: Ulloq 1. august 2020-i imaluunniit immikkut paaseqatigiinnikkut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk