Skip to main content
112

Dette jobopslag er udløbet

Atuisartoqarnermut Unammilleqatigiinnermullu Aqutsisoqarfik unammillernermik tuniniaanermillu immikkut ilisimasalimmik Inatsisilerituumik pissarsiorput

Atuisartoqarnermut Unammilleqatigiinnermullu Aqutsisoqarfiup allattoqarfiani suleqatitaarissavatsigit?

Atuisartoqarnermut Unammilleqatigiinnermullu Aqutsisoqarfik inatsisilerituumik/ inuussutissarsiutinut inatsisilerituumik Unammillernermut- aamma Neqeroortitsinermullu Sullissivimmi Qitiusumik Allattoqarfimmut pissarsiorpoq. Nunatsinni niuerfiit ingerlalluartuunissaat anguniarlugu suliniuteqarpugut aammalu atuisartunut pitsaanerpaamik atugassaqartitsiniarluta, tamannalu anguneqarsinnaavoq niuerfiit pitsaalluinnartumik unammilleqatigiippata. Soqutigisat naapertorlugit suliassanik aaqqissusisinnaanermik periarfissarissaarpoq.

Suliassat naapertorlugit sullissinermut piginnaaneqartariaqarpoq, unammilleqatigiinnermut eqqartuussisarnermik suliaqassaatit, tuniniaanermik eqqartuussissarneq aammalu atuisunut eqqartuussisarneq. Niuerfinnut annertuumik ilisimasaqalissaatit kiisalu Unammilleqatigiinnermut Allattoqarfiup sulinermini misissueriaatsitut sakkugisartagaat ilisimasaqarfigilissavatit. Niuernikkut isumaqatigiinneq pinaveersaartinniarlugu suliniuteqarpugut kiisalu niuernermi pissaaneqarpallaartoqannginnissaa qulakkeerumallugu suliniuteqarluta tassami niuernermut ajalusoortitsisoqannginnissaa anguniaratsigu.

Suliassatit pingaarnerusumik ukuussapput:

  • Unammilleqatigiinnermi suliassatut takkussimasut, tamatumani saaffiginnittunik tigusineq
  • Tuniniakkanik misissuineq
  • Suliffeqarfinni misissugassanik ataqatigiissaarineq
  • Unammilleqatigiinnermut atuisunullu eqqartuussisarnermi siunnersuineq
  • Unammilleqatigiinnermut atuisunullu inatsisiliassat nalunaarusiassallu
  • Aalajangiisartut allaffeqarnikkut sullinnissaat, ukiumoortumik ataatsimiinnerit 1-2

Unammilleqatigiinnermi Allattoqarfimmi sulisutut aamma makkuninnga suliaqassaatit:

  • Naalakkersuisunut sullissineq, tamatumani tunulequtaasussanik allagaqarnikkut aammalu oqalugiaatissaq
  • Inatsisiliornermi piareersaataasumik peqataaneq nalunaarusianillu suliaqarneq
  • Nunani Avannarleqatigiinni unammilleqatiginnermi suleqatigiinnermi peqataaneq

Ilinnut
Naatsorsuutigaarput illit:

  • cand.jur-itut imaluunniit cand.mer.jur-itut ilinniarsimanissat
  • Unammilleqatigiinnermi eqqartuussissarnermut aammalu tuniniaasarnermut eqqartuussinermut soqutigisaqartutit
  • Sullisseriaatsinut piginnaaneqarluartuusutit
  • Sulinermi aaqqissugaalluartumik pitsaassusilimmillu sulisinnaasutit
  • Suliffeqarfimmi Naalakkersuinikkut aqunneqartumi ilisimasaqarluartoq
  • Namminersorluarluni sulisinnaasoq aammalu suleqatiminut suleqatiginnillaqqissoq
  • Suliamik tunngasutigut atortussianik atuinermi attaveqaqatigiillaqqissoq – aamma inunnut immikkut ittumik ilinniarsimasuunngitsunut.


Atuisartoqarnermut Unammilleqatigiinnermullu Aqutsisoqarfik pillugu
Atuisartoqarnermut Unammilleqatigiinnermullu Aqutsisoqarfik suliffeqarfiuvoq pissanganartoq ineriartupiloortorlu.
Sulianik ingerlatsineq sulianillu periuutsit eqqumaffigaagut, sulianullu tunngatillugu illit kinaassutsit atorlugu sunniuteqarnissannut periarfissaqarluarputit. Ulluinnarni suliffeqarfik inussiarnisaartumik ammasumik persuarsiornanilu suliffeqarfiuvoq. Unammilleqatigiinnermut Allattoqarfik

Maalaaruteqartarfillu saniatigut Atuisartoqarnermut Unammilleqatigiinnermullu Aqutsisoqarfik ataani Unammillernermut Neqeroortitsinermullu Sullissivik Qitiusumik Allattoqarfik ilaavoq, aamma Maalurutinut Sullissivik. Maalaaruteqartarfimmi Sullissivik aalajangiisartut arfinillit aamma ataatsimiititaliat inatsilerisinikkut suliani arsigiinngittuni sullitarivai. 
Suliffeqarfiit akornanni, suliassanillu isumaginninneq aqutsisoqarfiup iluani suleqataaffigisarpavut, ilisimasavut piginnaaneqarfigisavullu akornatsinni avitseqatigiissutigisarpavut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsi- taanermi soraarnermilu angalanissamut akiliunneqarnissamut pisattallu nassiun- neqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Paasissutissat allat
Atorfiit pillugit suli paasisaqarnerorusukkuit ukua attaveqarfigisinnaavatit: Aqutsisoqarfimmi pisortaq Freja Lisby Nielsen, +299 34 28 41, frln@nanoq.gl.

Atuisartoqarnermut Unammilleqatigiinnermullu Aqutsisoqarfik pillugu ugguuna qimerluuigit: www.aua.gl.

Kalaallit Nunaat aammalu Namminersorlutik Oqartussat sukumiinerusumik paasisaqarfigerusukkukkit ugguuna alakkerterit: www.naalakkersuisut.gl.

Qinnuteqarneq
Kingusinnerpaamik qinnuteqarfissaq: 10. oktober 2019.

Piffissami qinnuteqaateqartut oqaloqatigineqartassapput.

Qinnuteqaatit qarasaasiakkut immikkut paasissutissartalerlugu nassiuguk.

Atorfiniffissaq
Atorfiniffissaq: Ulloq 1. december 2019-i imaluunniit immikkut paaseqatigiissuteqarnikkut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk