Skip to main content
91

Dette jobopslag er udløbet

Atuarfinnut siunnersortitut

Ilinniartitaanermut Aqutsisoqarfik atuarfinnut siunnersortissarsiorpoq
 
Ilinniartitaanermut Aqutsisoqarfik atuarfinnut siunnersortimik immikkut ilinniutinik suliaqarnissamut soqutiginnittumik taamatullu immikkut teknikkikkut nutaaliornernik soqutigisaqartumik piaartumik imaluunniit isumaqatigiissuteqarneq naapertorlugu atorfinittussamik sulisussarsiorpoq.
Atorfik ukiunut 3-nut inuttalerneqartussatut neqeroorutaavoq, sivitsuisoqarnissaanullu periarfissaqarluni.
Atorfik Ingerlatsinermi paasisitsiniaasarnermilu immikkoortortaqarfimmi inissitaavoq, immikkoortortaqarfimmilu suleqatigiit akornanni teamlederip ataani inissisimasuulluni.
Paasititsiniaasarnermut immikkoortortaqarfik nutarsaavigineqaleruttorpoq, tamatumani suliniuteqarfiit nutaat sammineqarnissaanut paasisimalikkanillu siammarterisarnermik ingerlatsivinnguleruttorluni. Tamatumalu saniatigut teknikkikkut paasisat nutaat toqqammavigalugit eqiterisoqarfiulluni. Taamaattumik sullarissumik paasisimasaminillu siammartererusussuseqartumik soorlu atortorissaarutit atorneqarsinnaanissaat siunertaralugu assersuutigalugu iPads-it atornissaanut piareersaanissamut piginnaanilimmik suleqatissarsiorpugut.

Ilinniartitaanermut siunnersortip suliassarissavai

  • Paasisimasanik siammarterineq, kajumilersitsiniaaneq aammalu ilinniartitsisunik atuarfinnillu atuartitsineq atortorissaarutinillu atortoqarnernik aqqutissiuussineq
  • Atuartitsinerit ingerlaasissaanik piareersaanerit, sammisassanik allattuinerit, videokkut ”spots”-inik suliaqarnerit aammalu Facebooki quppersakkallu aqqutigalugit saqqummiisarnerit
  • Workshops-inik aaqqissuussinerit
  • UV-atorlugu atortorissaarutissanik suliaqarnerit
  • Atortussanik suliaasimasunik nalilersuinerit aammalu atukkiuttakkanik nakkutilliillunilu nutarsaanerit
  • Atorniartartunik kiffartuussillunilu ilitsersuinerit
  • Attartukkanik atorniartunillu nalunaarsuinerit
  • Suleqatigisartakkat peqatigalugit suleqataanerit – tamatumani atuarfinnut siunnersortit immikkoortortaqarfinnillu allanik avataaneersuunillu suleqateqartarnerit.

 
Illit pillutit:
Qinnuteqaateqartoq piukkunnaatilik tassaassaaq:

  • Ilinniartitsisutut ilinniagalik aamma ilinniaqqissimaneq iluaqutaassaaq
  • Meeqqat atuarfiini ilinniartitsisutut misilittagaqarluartoq
  • Nunatsinni meeqqat atuarfiinik, kulturimik inuiaqatigiinnillu ilisimaarinnilluartuusoq
  • Qarasaasiatigut atortorissaarutinik digitaliusunik assigiinngitsutigut atuinissamut misilittagalik
  • Perorsaanerup ilinniartitsisarnerullu iluani nutaaliornernut tunngatillugu paasisimasaqarluartuusoq
  • Sapinngisamik kalaallisut danskisullu allattariarsornikkut oqaasitigullu piginnaaneqarluartuusoq
  • Torersumik suleriaaseqartoq, akisussaassuseqarluartoq aaqqiissutissanillu ujartuillaqqittuusoq
  • Piumassuseqarluartuusoq, nammineersinnaassuseqartoq taamatulli suleqatikkuminartuusoq
  • Eqaatsumik nutaaliorusussuseqarlunilu ingerlaaseqartoq.


 
Ilinniartitaanermut Aqutsisoqarfik
Ilinniartitaanikkut Aqutsisoqarfik politikkikkut ingerlatsiviup ataani inissisimasuuvoq, Naalakkersuisoqarfimmik politikkikkullu ingerlatsiveqarfinnik suleqataasarnermi saniatigut ineriartortitsinermik nutaaliornermillu suliaqartuulluni. Ilinniartitaanikkut Aqutsisoqarfik suliassat periutsillu tungaasigut maannakkorpiaq nutarsaavigineqarpoq. Tamatumanilu illit aqqutissiueqataassaatit.
Suliffeqarfik tamatigoortuuvugut, suliassanillu assigiinngitsorpassuarnik isumagisaqartuulluta. Tamatuma saniatigut aqutsisoqarfittut isumagisassagut arlaqaalupput, soorlu atuakkanik saqqummersitsisarnerit, naqiteriveqarnermik, qaammarsaanermik atorniartarnermillu ingerlatsinermillu immikkoortunik ingerlatsiveqarfiulluta. Suleqatigiit katilluta 50-t missaanik amerlassuseqarpugut, anguniartuartarparpullu persuarsiornartumik ingerlatsinngikkaluarluta ilisimasatigut qaffasissumik inissisimasuunissarput.
 
Nunarput Namminersornerusullu pillugit suli paasisaqarnerorusukkuit ugguuna paasiniaasinnaavutit: www.nanoq.gl, atorfiit.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk