Find job
Dette jobopslag er udløbet
Atuarfinnut siunnersortinik marlunnik ilinniusianik suliaqartussanik
Ilinniartitaanermik Aqutsisoqarfiup immikkoortortaa Ilinniusiorfik nutaamik periuseqarluni ilinniusianik nutaanik pilersuinissamik suliniuteqaleruttorpoq. Tassunga ilaapput meeqqat atuarfianni atuartitsissutini kisitsinermi, pinngortitalerinermi, fagimi Kalallisut aammalu digitalimik ilinniusianik nutaanik inerisaaneq. Suliaq aqutsisoqarfiup siunnersortai avataaneersullu immikkut sulisorisat suleqatigalugit ingerlanneqarpoq.
Taamaattumik Ilinniartitaanermut Aqutsisoqarfik Ilinniusiorfimmi atorfinittussanik matumuuna atuarfinnut siunnersortinik ilinniusianik suliaqartussanik marlunnik, nutaamik eqqarsartariaasilinnik ilinniusianillu nutaaliaasunik suliaqarnissamut paasisimasaqartunik angusaqarusussuseqartunillu sulisussarsiorpoq.
Piaartumik atorfinitsitsisoqassaaq immikkulluunniit isumaqatigiissuteqarnikkut.
Atorfik pillugu:
Suleqatissatta atuarfinnut siunnersortit ilinniusianik suliaqartut allat qanimut suleqatigissavai, suleriutsinik ingerlatseriaatsinillu nutaanik atuutilersitsissaaq immikkut faginut ataasiakkaanut ilisimasaqartunik nutaamik periuseqarnikkut suleqateqassalluni. Ilinniusiorfimmi sulianik nutaanik ineriartortitsineq kiisalu ilinniusianik suliareqqiinikkut ineriartortitsineq ingerlanneqartarpoq. Atuarfinnut siunnersortip ilinniusianik suliaqartussap suliarineqartunik manuskriptimiit naqitanngorlugu naammassinissaata tungaanut aqutsisuunissaa naatsorsuutaavoq.
Illit pillutit:
Qinnuteqartoq piukkunnaatilik naatsorsuutigaarput:
- Ujartorneqartumut naleqquttumik ilinniarsimassasoq
- Pamersaanermik kiisalu didaktikimut nutaajunerusumut ilisimasaqarnissaq
- Aaqqissuussisutut suliaqarnermik misilittagaqassasoq IT-millu atuisinnaassalluni
- Aqutsilluartuussasoq, akisussaassuseqartoq naammassisaqarusussuseqartorlu
- Nutaaliorlunilu ineriartortitsisinnaasoq
- Eqaatsumik periuseqassasoq namminersorsinnaalluartuullunilu
- Kalaallisut qallunaatullu qaffasissumik atuisinnaalluassuseqassasoq
Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik politikikkut aqutaavoq, assigiinngissitaartorpassuarnillu suliaqarluni, ilaatigut allaffissornikkut suliassat politikimut tunngassuteqartut, ineriartortitsineq paasissutissanillu ingerlatitseqqiisarneq. Taamaattumik suliffeqarfipput sulisoqarpoq assigiinngitsorpassuarnik misilittagaqartunik ilinniagaqarsimasunillu. Suleqatigiit 50-it missaanniippugut, persuarsiortorsuunngikkaluarluta sammisatsinnut tunngasutigut qaffasissumik pitsaassusilinnik naammassisaqartarnissamik pingaartitsisuuvugut.
Atorfik pillugu annertunerusumik paasissutissat immikkoortortami aqutsisumut Mette Rasmussen Larsenimut saaffiginninnikkut piniarneqarsinnaapput Oqarasuaat toqqaannaartoq 34 62 91, e-mail: merl@nanoq.gl .
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job