Skip to main content
91

Dette jobopslag er udløbet

Atuarfinnut siunnersortimik pisortaq Ilinniusiorfimmi

Ilinniartitaanermut Aqutsisoqarfik ilinniutinik ineriartortitsinerni Atuarfinnut Siunnersortimik, suleqatigiinni/immikkoortortami pisortatut inissisimasussamik suleqatissarsiorpoq.  
 
Ilinniartitaanermut Aqutsisoqarfimmi Atuarfinnut siunnersortitut atorfik, immikkut ilinniutinik saqqummersitsisarnernik suleqatinillu aqutsisuusussamik sapinngisamik piaartumik isumaqatigiissuteqarnikkulluunniit inuttalerneqartussamik suleqatissarsiorpoq. Atuarfinnut siunnersorti ulluinnarni Ilinniusiorfimmi/ilinniutissanik saqqummersitsivimmi pisortaassaaq.
Atorfik pineqartoq saqqummersitsivimmi Ilinniusiorfimmi Ingerlatsinermut Attaveqaateqarnermilu immikkoortortaqaqarfimmi inissisimasuuvoq, atorfillu Ingerlatsinermut Attaveqaateqarnermullu immikkoortortaqarfiup pisortaata ataani inissisimasuulluni.
Ilinniusiorfik nutarsarneqaleruttorpoq, ilaatigut saqqummersitsisarnerni suliniutinik nutaanik ineriartortitsiviulluni, tamatumani fagi kalaallisut digitaliusunik atortoqarluni nutaanik suleriaaseqarluni suleqateqarlunilu ineriartortitsinerit ingerlanniarneqarlutik. Taamaattumik suleqatissarsiorpugut nutaaliornissani aqqutissiuussinissani siuttorisinnaasatsinnik.

Atuarfinnut siunnersortip suliassai makkuussapput:

  • Aaqqissueqatigiinni akisussaalluni aqutsisoq, tamatumani meeqqat atuarfiini oqaatsitigut atugassanik analogiusut digital-iusunillu suliaqarnerit ineriartortitsinerillu isumagalugit suliniuteqarnerni.
  • Saqqummersitsisarni ineriartortitsillunilu nutaaliornerit
  • Suliniuteqarnerni pilersaarusiornerit, aqutsinerit missingersuusiornerillu
  • Ilinniusiorfiup Ilinniartitaanermullu Aqutsisoqarfiup immikkoortortaasalu akornanni suleqatigiinnerup qulakkeerniarnissaa
  • Avataani suleqatigineqartartut ineriartortitsilluni suliniuteqarnerni suleqatigineqartarnissaat qulakkiissallugu
  • Saqqummersitassatut suliat pitsaasuullutillu inatsisinut naapertuuttuunissaat qulakkeerniartassallugit
  • Atuarfinni qarasaasiatigut ingerlatsinerit ineriartortinneqarneranni peqataasarnissaq
  • Nalunaarusiat, akissuteqaatit, nassuiaatit takoqqusaarutillu suliarisassallugit
  • Soqutigisaqarfiit allat peqatigalugit suliniuteqarnerit – atuarfinnut siunnersortit immikkoortortaqarfiillu avataanilu suleqatigisartakkat allat suleqatigisassallugit.

 
Illit pillutit:
Qinnuteqaateqartoq piukkunnarluartoq:

  • Naapertuuttumik ilinniagaqarsimanissaq, sapinngisamik pisortassatut ilinniarsimasuuneq
  • Meeqqat atuarfianni ilinniartitsisutut misilittagaqarneq, taamatullu ilinniusiortarsimaneq
  • Nunatsinni atuarfeqarfimmik, kulturimik inuiaqatigiinnillu ilisimaarinnilluarneq
  • Qarasaasialerinermi assigiinngitsunik atortoqarluni sulisinnaaneq aammalu suliniuteqarnerni aqutsillaqqissuuneq
  • Perorsaanerup, ilinniartitaanerup ilinniusiornerullu silarsuaanik ilisimaarinnilluarlunilu ineriartornernik qaammaasaqarluarneq
  • Sapinngisamik kalaallisut danskisullu allattariarsornikkut oqaatsisigullu piginnaaffeqarluarneq
  • Torersumik, akisussaassuseqartumik ineriartortitsiffiulluartumillu suleriaaseqartuuneq
  • Tamatigoortuullunilu assigiinngitsunik suliaqarsinnaassuseqarneq

Ilinniartitaanermut Aqutsisoqarfik
Ilinniartitaanikkut Aqutsisoqarfik politikkikkut ingerlatsiviup ataani inissisimasuuvoq, Naalakkersuisoqarfimmik politikkikkullu ingerlatsiveqarfinnik suleqataasarnermi saniatigut ineriartortitsinermik nutaaliornermillu suliaqartuulluni. Ilinniartitaanikkut Aqutsisoqarfik suliassat periutsillu tungaasigut maannakkorpiaq nutarsaavigineqarpoq. Tamatumanilu illit aqqutissiueqataassaatit.
Suliffeqarfik tamatigoortuuvugut, aqutsisoqarfittullu suliassatta saniatigut assigiinngitsorpassuarnik isumagisaqartuulluta, soorlu atuakkanik saqqummersitsiveqarpugut, naqiteriveqarpugut taamatullu paasititsiniaaffeqarlutalu atukkiuttakkanik katersaqarluta. Aqutsisoqarfimmit annertunerusumik atualertussanik atuartunik, efterskolertunik atuarfinnillu namminerisamittut ingerlanneqartunik sullissisartuulluta. Suleqatigiit katilluta 50-t missaanik amerlassuseqarpugut, anguniartuartarparpullu persuarsiornartumik ingerlatsinngikkaluarluta ilisimasatigut qaffasissumik inissisimasuunissarput.
 
Nunarput Namminersornerusullu pillugit suli paasisaqarnerorusukkuit ugguuna paasiniaasinnaavutit: www.nanoq.gl, atorfiit.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk