Find job
Dette jobopslag er udløbet
Atuarfinnut siunnersorti nutaaliorsinnaasoq tusagassiutinut digitaliusunut IT-mullu ilinniartitseriaatsimut pikkorissoq
Atuarfinnut siunnersorti nutaaliorsinnaasoq tusagassiutinut digitaliusunut IT-mullu ilinniartitseriaatsimut pikkorissoq
Ilinniartitaanermut Aqutsisoqarfik nutaaliorsinnaasumik teknologiinut digitaliusunut IT-mullu tunngasunik ilisimasalimmik atortussanik suliaqarnermik, paasissutissiinermik attaveqaqatigiinnermillu suliaqartussamik suleqatissarsiorpoq. Atorfik Ilinniartitaanermut Aqutsisoqarfiup atorniartitsinermut ingerlatsitseqqiisarnermullu immikkoortortaani Siammaavimmi, eqqarsaatinik isumassarsianillu nutaasunik isumaliutiginninnissamut inissaqartitsilluarfiusumi inissisimavoq. Suleqatissattalu suliarisalerumaagassani nammineerluni ilusilersueqataaffigiumaarpai. Augustip aallaqqaataani 2023 isumaqatigiissuteqarnikkulluunniit inuttalerneqartussaq inuttassarsiunneqarpoq.
Atorfik pillugu
Suleqatissarput Ilinniartitaanermut Aqutsisoqarfiup nittartagaata Facebookiatalu ataqatigiissarnerinut ineriartortinneqarnerinullu aamma ingerlatitseqqiinermik suliassanut allanut siulersortaassaaq, webinareqartoqarneranut onlinemillu pikkorissartoqarneranut teknikkikkut tunngasutigut filmilianik immiussisuullunilu killuisuussalluni kiisalu meeqqat atuarfiini IT-mik teknologiimillu atuartitsinermut tunngatillugu atuarfinnut siunnersorti suleqatigissallugu. Suleqatissarputtaaq atorniartitsisarnermut immikkoortortami ulluinnarni suliaasartunik suleqataasarumaarpoq. Aqutsisoqarfimmiittut attaveqaqatigiittarnerannik avataaniittunillu attaveqaqateqartarnermik immikkoortortanilu allaniittunik suleqateqarnermik pitsanngorsaaqataassaaq.
Qinnuteqartoq piukkunnaatilik
- Sitecoremut nittartakkanillu aaqqissuussinermut ilisimasaqarpoq
- Inoqatinut attaveqaatinik ilisimasaqarpoq
- Onlinenimik ataatsimiittarfinnik ilisimasaqarpoq, tamatumunnga webinarit onlinemillu pikkorissaanerit ilanngullugit
- Filminik immiussinermut, killuinermut allagartalersuinermullu ilisimasaqarpoq
- Ingerlatitseqqiinermik soqutigisaqarpoq
- Teknologiinik digitaliosunik atuartitsinermi atortussanik soqutigisaqarpoq
- Aaqqissuussaasumik, akisussaassusilimmik naammassinninnissamillu siunertalimmik sulisarpoq
- Nutaaliorsinnaasuuvoq isumassarsiullaqqissuullunilu, namminersorsinnaavoq aammali suleqateqallaqqissuulluni
- Marluinnik oqaaseqartuunissaa kissaatiginarpoq; kalaallisut qallunaatullu, aammalu oqaatsisigut allakkatigullu oqaasinnguillaqqissuulluni.
Ilinniartitaanermut Aqutsisoqarfik pillugu
Ilinniartitaanermut Aqutsisoqarfik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani inissisimavoq. Aqutsisoqarfik amerlasuunik assigiinngitsorpassuarnik siunertalinnik suliassaqarfeqarpoq, tamakkualu saniatigut aqutsisoqarfiup qangaaniilli isumagisartagaanik suliassaqarfeqarluni ilaatigut namminerisamik ilinniusiorfeqarluni, naqiterinermik kiisalu paasissutissiinermut atorniartitsinermullu immikkoortortaqarluni. Aqutsisoqarfiup meeqqat atuarfii, efterskolit friiskolillu pingaarnertut suliassaqarfigai. Suleqatigiit suliassaqarfinni assigiinngitsuni pitsaassutsit qaffasissumiitsinnissaannik nakkutiginnittut 50-it missaanniippugut.
Aningaasarsiatigut atorfinitsitsisarnermilu atugassarititaasut
Akissarsiaqarnermut atorfinitsitaanermullu atugassarititaasut Naalakkersuisut aamma Ilinniartitsisut Meeqqat Atuarfianneersut Kattuffiat (IMAK-ip) akornanni isumaqatigiissut atuuttoq malillugu atorfinitsitsisoqassaaq.
Qinnuteqaateqartoq Kalaallit Nunaanni suliffeqarfiit iluanni tjenestemanditut tjenestemandit inatsisaat aallaavigalugu atorfeqarsimappat, tjenestemanditut atorfinitsinneqarsinnaavoq.
Akissarsiat atorfeqarnermilu atukkat, taassuma iluani atorfininnermi soraarnermilu angalasinnaanermut pigisallu nuunnissaannut piginnaatitaanerit, atorfininnerup nalaani Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni isumaqatigiissut naapertorlugu aalajangerneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Atorfik pilllugu saaffiginninneq
Atorfik pillugu paasissutissanik annertunerusunik pissarsinissamut tikilluaqquneqarputit attavigissallugu Teamlederi Sófiârak Tobiassen oqarasuaat (+299) 34 62 79, e-mail soto@nanoq.gl
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut “qinnuteqaat nassiuguk” toorlugu nassiutikkit. E-mailik-kut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job