Skip to main content
63

Dette jobopslag er udløbet

Atuarfinnut siunnersorti ilinniusianik suliaqartussaq

Ilinniartitaanermut Aqutsisoqarfiup immikkoortortaa Ilinniusiorfik nutaamik periusissioreerluni maanna suleriutsimik nutaamik atuutsitsilerniarluni suliaqaruttulerpoq, ilaatigut meeqqat atuarfianni  atugassanik ilinniusianik nutaanik suliaqartoqarluni. Ilinniusiat saqqummersitaareersut maanna digitalimik saqqummersinnissaat aamma suliniutaavoq. Suliaq aqutsisoqarfiup siunnersortai avataaneersullu immikkut sulisorisat suleqatigalugit ingerlanneqarpoq.

Ilinniartitaanermut Aqutsisoqarfik Ilinniusiorfimmi atorfinittussamik matumuuna atuarfinnut siunnersortimik ilinniusianik suliaqartussamik, nutaamik eqqarsartariaasilimmik ilinniusianillu nutaaliaasunik suliaqarnissamut paasisimasaqartumik angusaqarusussuseqartumillu sulisussarsiorpoq, sapinngisamik pinngortitalerinermi matematikkimilu ilisimasaqartumik.
Piaartumik atorfinitsitsisoqassaaq immikkulluunniit isumaqatigiissuteqarnikkut.

Atorfik pillugu:
Aaqqissuisoqarfimmi ilinniusianik digitaliusunillu ineriartortitsinerit, nalimmassaanerit, siammaterinerit oqaatsitigullu aaqqissuinerit ingerlanneqartarput. Atuarfimmi siunnersortit allat peqatigalugit suleqatissatsinnut naatsorsuutaavoq suliap manuskriptimiit naqitanngorlugu naammassinissaata tungaanut aqutsisuunissaa, tamanna ilaatigut nammineq ingerlanneqartarlunilu suleqatigiinnikkut ingerlanneqartassaaq. Suliaqarnermuttaaq ilaavoq atuakkiortunut titartaasunullu sinaakkusiinissaq utertitsinissarlu.

Illit pillutit:
Qinnuteqartoq piukkunnaatilik naatsorsuutigaarput:
 

  • Naleqquttumik ilinniagaqarsimasoq
  • Pamersaanermik kiisalu didaktikimut nutaajunerusumut ilisimasaqassasoq
  • Aaqqissuisutut suliaqarnermik misilittagaqassasoq IT-millu atuisinnaassasoq
  • Inuiaqatigiinnik meeqqallu atuarfiannut tunngasunik ilisimasaqartuussasoq
  • Sulianik aqutsilluartoq projektinillu  arlalinnik ataatsikkut ingerlatsisinnaasoq
  • Nutaaliorsinnaasoq  suliffeqarfinnullu allanut suleqateqalernissamik aqqutissiuussisinnaasoq
  • Kalaallisut qallunaatullu qaffasissumik atuisinnaassuseqarluartoq


Ilinniartitaanermut Aqutsisoqarfik pillugu:
Ilinniartitaanermut Aqutsisoqarfik politikikkut aqutaavoq, assigiinngissitaartorpassuarnillu suliaqarluni, ilaatigut allaffissornikkut suliassat politikimut tunngassuteqartut, ineriartortitsineq paasissutissanillu ingerlatitseqqiisarneq. Taamaattumik suliffeqarfipput sulisoqarpoq assigiinngitsorpassuarnik misilittagaqartunik ilinniagaqarsimasunillu. Suleqatigiit 50-it missaanniippugut, persuarsiortorsuunngikkaluarluta sammisatsinnut tunngasutigut qaffasissumik pitsaassusilinnik naammassisaqartarnissamik pingaartitsisuuvugut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatigiinninniarsinnaasut attuumassuteqarfigisap akornanni isumaqatigiissutaat atorfininnerup nalaani atuuttut naapertorlugit ingerlanneqassapput. Tjenestemandit pillugit inatsisit tunngavigalugit Kalaallit Nunaanni pisortani atorfeqartunut atugassarititaasut malillugit atorfeqareersimaguit, tjenestemanditut atorfilinnut atugassarititaasut malillugit atorfinitsitsisoqarsinnaavoq. 

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqarnissamut killigititaq 19. Marts 2020

Paasissutissat allat
Atorfik pillugu annertunerusumik paasisaqarusukkuit  uunga saaffiginnissinnaavutit:
Immikkoortortami pisortaq Mette R. Larsen
merl@nanoq.gl
+299 346291

Kalaallit Nunaat imaluunniit Namminersorlutik oqartussat pillugit paasisaqarnerorusukkuit, una takuuk www.nanoq.gl 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.
 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk