Skip to main content
108

Dette jobopslag er udløbet

Atuakkialerinermik soqutigisalik

Nunatta Atuagaateqarfiani Team Nunarput kalaallisut atuakkanik atuakkialerinermillu soqutigisalimmik suleqatissarsiorpoq novembarip 1-ianni 2020 aallartittussamik.

Team Nunarput tassaavoq Nunatta Atuagaateqarfiani immikkoortortaq kalaallisut atuakkanik, atuakkiortunik nunatsinnilu pingaartitatsinnik avammut nittarsaassinermik akisussaaffilik.

Oqalugiartitsinerni, saqqummersitsinerni allanilluunniit aaqqissuussinerni nunatsinni naleqartitatta ileqquttalu ilanngunneqartarnissaannik pingaartitsisuuvugut aaqqissuussallu kalaallisut ingerlanneqartarnissaannik qulakkeerinniniartarluta. Teaminut allanut suleqataasassaatit ataatsimullu aalajangersimasumut attuumassuteqassallutit.
Nunatsinni innuttaasunut atuagaateqarfinnut siunnersortaavugut pikkorissaasarlutalu.

Pingaarnertut suliassatit:

  • Atuakkanik kalaallisuunik nunatsinni innuttaasunut atuagaateqarfinnut teamleder suleqatigalugu agguaassineq nittarsaassinerlu.
  • Nunatsinni innuttaasunut atuagaateqarfinnit atuagaateqarfeqarnermut tunngasunik apeqqutissaqartoqartillugu ilitsersuisuusarneq.
  • Kalaallisut atuakkiortut atuakkallu pillugit saqqummersitalioqataasarneq.
  • Atuagaateqarfiup kalaallisut atuakkanik peqqumaataasivianut tuniniagassanik pisiniartarneq, nalunaarsuisarneq tuniniaanerlu.
  • Nunatsinni innuttaasunut atuagaateqarfinnit ukiumoortumik nalunaarusiap katersorneraniit saqqummernissaanut suleqataaneq.
  • Atuagaateqarfimmiittuutisiaqartitsinermut tunngasunik suliassanut teamlederi peqatigalugu akisussaaqataaneq.
  • Avammut nittarsaassinermi kalaallisut allaqqasunik kukkunersiuisarneq.
  • Atuakkialerinermut tunngatillugu kalaallisuumiit qallunaatuumut killormulluunniit nutserisinnaaneq.
  • Meeqqanut inersimasunullu atuagaateqarfimmi atuagaatilerisut paarlakaallutik sullissisarnerannut peqataasarneq.


Kissaatigaarput:

  • Minnerpaamik Ilisimatusarfimmit bacheloritut tassungaluunniit assingusumik imaluunniit atuagaatilerisutut ilinniarsimassaatit.
  • Kalaallisut atuarsinnaallutillu allassinnaassaatit
  • Kiffartuussinissamut piginnaaneqassaatit atuisunullu assigiinngitsunut sullissisinnaassallutit.
  • Akisussaassuseqarnermik, suliassanut tulleriiaarillaqqinnermut, namminersuuteqanissamik, suleqateqarsinnaanissamillu pingaartitsisuussasutit.
     

Uagut pilluta:
Atuagaateqarfik Nuummi atuagaateqarfiuvoq nunatsinnilu qitiusumik atuagaateqarfiulluni, illoqarfiup qeqqaniippoq innuttaasunillu atorluarneqartuulluni. Ulluinnarni sulinitsinni aallutaraagut ullutsinnut malinnaanissaq, eqeersimaarneq, ilisimasanik kulturimillu aaqqissuussanut malinnaasutut siammarterineq kiisalu illoqarfimmi ilisimasanik kulturimillu saqqumilaartitsineq, taamaalilluta misigisaqartitsisinnaalluta, ilinniartitsisinnaallutalu atuagaateqarfimmilu 4-rums modelle atorlugu ingerlatsisuulluta.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk