Skip to main content
89

Dette jobopslag er udløbet

Atuakanik atorniartitsisoq

Atuakkanik atorniartitsisorput pensionerluni suliunnaassammat Nuummi Peqqissaanermik Ilinniarfimmi atuakkanik atorniartitsisutut paasissutissiisartutullu atorfik pissanganartoq inuttassarsiuunneqarpoq.
 
Januaarip aallaqqaataani 2010 tamatumaluunniit kinguninngua ilinniarsimasumik atuakkanik atorniartitsisussarsiorpugut.
 
Neqeroorutigisinnaavagut:
v  Suliassatigut annertuumik nammineersinnaatitaaneq
v  Ullormut sullivik kusanartunik avatangiisilik
v  Suleqatit pimoorussisut kajumissusillillu
v  Ilinniagaqassutsikkut ilinniartitsinikkullu unammilligassat
 
Piginnaasat:
v  Atuakkanik atorniartitsisutut ilinniarsimaneq.DB / Cand.Scient.Bibl
v  Atuakkanik atorniartarfimmik ingerlatsinermik inerisaanermillu misilittagaqarneq
v  Nittartakkamik ingerlatsinermik paasissutissanillu inerisaanermik misilittagaqarneq
v  Sulianik ingerlatsinermi aaqqissuussamik akisussaassuseqartumillu pissuseqarneq
 
Tamatuma saniatigut ammasuullutillu ujartuisuussaatit ilinniakkallu akimorlugit suleqatigiinni akuunermik nuannarisaqarnissat naatsorsuutigaarput. Ilinniartunik pikkorissartunillu atuakkanik atorniartarfimmik atuilluartuusunik qanimut attaveqassaatit, taammaammat inuusuttut akornaniinnissaq kajungerissavat.
 
Atuakkanik atorniartitsisutut atuarfiup atuakkanik atorniartarfianik ingerlatsineq, atuakkanik atorniartarfimmik atuinissamut paasissutissiineq, ulluinnarni aningaasartuutissatut missingersuutit assigisaallu akusussaaffigissavatit. Atuakkanik atorniartitsisoq atuagassatut nalunaarsukkat naapertorlugit, atuakkanik ilinniartunut pikkorissartunullu tuniniaqqitassanik pisiortortarpoq.
 
Paasissutissiisartutut ilinniarfiup nittartagaanut nutaarsiassanik aaqqissuineq paasissutissanillu katersineq, ataqatigiissaarineq saqqummiussinerlu akisussaaffigissavatit.
 
Nunatsinni Peqqinnissaqarfimmi portørit annaassiniartartut, klinikassistentit kigutigissaasullu, peqqissaanermi ikiortit sundhedsassistentillu kiisalu tapersersuisut Peqqissaanermik Ilinniarfimmi ilinniartitaasarput. Ilinniarfik pikkorissaanermut immikkoortortaqartortaaq 30-it missaannik sulisoqarpoq.
 
Sap. ak. nal.ak. suliffiusartut 40-pput.
 
Aningaasarsiatigut atorfinitsitaanermilu atugassarititaasut
Atorfininnerup nalaani kattuffiup isumaqatiginninniarsinnaatitaasup Namminersorlutillu Oqartussat isumaqatigiissutaat atuuttoq naapertorlugu atorfinitsitaanermi atugassarititaasut naapertorlugit akissarsiaqartitsisoqassaaq taamatullu angalanermut pisattanillu nassiussinermut akiliussisoqassal-luni. 
 
Ineqarneq
Atorfininnermut atatillugu inissamik neqeroortoqanngilaq. Namminersorlutik Oqartussani atorfeqarnermut atatillugu inissamik innersuunneqarsimasut inigisartik pigiinnarsinnaavaat
 
 
Paasissutissat allat
Atorfimmut tunngasut pillugit paasissutissat sukumiinerusut ilinniarfiup pisortaanut Lisa Ezekiassen-imut oqarasuaatikkut: 349953, e-mailikkut: lie@nanoq.gl.
 
Kalaallit Nunaat Namminersorlutillu Oqartussat pillugit annertunerusumik paasisaqarusukkuit nittartakkami www.nanoq.gl -imi atorfiit pillugit immikkoortoq alakkarsinnaavat.
 
Qinnuteqaat
Qinnuteqarfissaq kingulleq 8. november 2019
 
Qinnuteqartunik oqaloqateqarnissap sap. ak. 46-mi pinissaa naatsorsuutigineqarpoq.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk