Skip to main content
156

Dette jobopslag er udløbet

Atuagaatilerisoq (Oplevelsesskaber)

Nunatta Atuagaateqarfia sammisassaqartitsisartussamik oktobarip aallaqqaataani 2022-mi atorfinittussamik isumaqatigiissuteqarnikkulluunniit aallartittussamik sulisussarsiorpoq.

Pingaarnertut atorfigissavat sammisassaqartitsiniartartuni (Team Oplevelser) suleqataanissaq. Tassani suliassaapput sammisassaqartitsilluni misigisassarsiortitsineq atuagaateqarfiup pisussaaffiinut soorlu isumassarsiorfittut, ilikkarfiusinnaasutut, ukkassilluni suliaqarfittut kiisalu atuagaateqarfiup neqeroorutigisartagaanut sullississutigisartagaanullu tunngasunik attaveqaqatigiilluarnermik pilersitseqataanissaq.

Taamaammat isumassarsiullaqqissumik aammalu sullisserusuttumik kiisalu ilinniartitserusuttumik siammartererusuttumillu atorfinittussarsiorpugut.

Aaqqissuussanik pilersaarusioqataasarnerup saniatigut atuagaateqarfiup ammanerata nalaani atuisunik sullissinissat naatsorsuutigissavat. Atuagaatilerisutut sullissininni atuisutsinnik ilisarinninnerulersinnaavutit suullu ingerlateqqikkusunnerlugit takulluarsinnaalissavatit.

Pingaarnertut suliassarissavatit:

  • Suliuniutinik ineriartortitsineq 4rumsmodelilu atorlugu qaammatikkaartumik misigisassanik sammisaqartitsineq
  • Saqqummersitat aaqqissuussinerillu pillugit oqaasertaliorneq
  • Aaqqissuussanut saqqummersitanullu atatillugu illoqarfeqatinik, nunarput tamakkerlugu nunarsuarmioqatinillu attavissarsiorneq
  • Atuagaateqarfiup atugassaataanik siammasissumik nutaaliortumillu atuisut assigiinngitsut eqqarsaatigalugit paasissutissiorneq
  • Inuit attaveqatigiittarfiini nutaaliortumik saqqumilaartitsineq
  • Atuagaateqarfiup ammanerata nalaani atuisunik sullissineq

Naatsorsuutigaarput:

  • Atuagaatilerisuussasutit Bibliotekar DB/cand. scient. bibl., cand. mag imaluunniit tassunga naleqquttumik kulturimut tunngasumik ilinniagaqarsimasuussasutit
  • Sulianik pilersaarusiornermik naammassinninnermillu misilittagaqassasutit
  • Nutaaliortuussasutit misigisassanullu assigiinngitsunut kiisalu aamma inip pisatsersorneranut atuagaateqarfiup iluani 4 rumsmodel atorlugu isumassarsiullaqqissuussasutit
  • Oqaatsit tungaatigut, allattariarsornermi oqaluttariarsornermilu qaffasissumik piginnaaneqarluassasutit
  • Siammarterisinnaanermik, uppernarluartumillu siammarterisinnaanermik piginnaasaqassasutit, nutaaliortumik aamma imaluunniit paasissutissiilluartunik imalinnik siammarterisinnaasutit
  • Eqaatsumik suleriuseqassasutit, sullissilluarusuttuussasutit allanngortoqarsinnaaneranullu piareersimasinnaasutit
  • Kalaallit kulturiannut ataqqinnittuusutit inuiaqatigiinnilu pimoorussillutit sullisserusussuseqassasutit
  • Atuagaateqarfiit bibliotekssystemiat CICERO misilittagaqarfigissagit, misilittagaqarfigigukku iluaqutaassaqaaq piumasaqaataanngilarli       

Kalaallisut oqaatsinik ilisimasaqarneq iluaqutaasinnaavoq piumasaqaataanngilarli.

Neqeroorutigaagut:

  • Sammisassaqartitsisartussamik atorfik pissanganartoq unammillernartorlu
  • Suleqatit piginnaasaqarluartut, misilittagaqarluartut suleruussuseqartullu suleqatigissavatit
  • Inuttut suliffimmilu ineriartornissamut periarfissagissaartoq
  • Nammineq akisussaassuseqarneq
  • Suliffik ataatsimoorfiusoq, ammasoq inussiarnersumillu oqaloqatigiissinnaanermik pingaartitsisoq
  • Suliffik allanngoriartortoq, inissisimaffigaa nunarsuaq alianaattoq illoqarfillu sunngiffimmi sammisassarpassualik asimilu misigisassat imaannaanngitsut

Uagut pilluta:
Nunatta Atuagaateqarfia Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisoq. Illoqarfiup qeqqani inissisimanermini innuttaasunit atorluarneqartarpoq.
Suliffeqarfik teaminut sisamanut agguataarneqarpoq: Team Groenlandica, Team Nunarput, Team Oplevelser aamma Team Service. Suliffeqarfik aaqqissuussarpassuaqarfiuvoq, soorlu ukiumut ataasiarluta Unnuk Kulturisiortitsisarpugut illoqarfiullu kulturikkut pikialaartitsinerani peqataasarluta, soorlu Nuuk Nordisk Kultufestivaleqaleraagat.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk