Find job
Dette jobopslag er udløbet
Atuagaatilerisoq - allagarsiuteqqitaq
Suleqatissarsiorpugut novembarip aallaqqaataanni 2023 sulilertussamik imaluunniit isumaqatigiissuteqarnikkut atorfinitsinneqartussamik.
Ulluinnarni suliassavit pingaarnersarissavaa IT-systemimut aqutsisuuneq. Atorfinnut ilaassaaq inersimasunut meeqqanullu atuagaateqarfimmi sulisut allat assigalugit suliaqartarnissaq. Atorniartitsineq, ilisimasassanik ingerlatitseqqiinerit kiisalu suliassanik nalinginnaasunik immikkoortortami Team Servicemi suliaqartarneq.
Suliassarissavatit:
- Ulluinnarni suliffeqarfimmi IT-systeminut tunngasunik ingerlatsineq nakkutilliinerlu
- Cicero systemadministratori
- Suliffeqarfiup nittartagaanik marluusunut akisussaasuunissaq, Inleadip nittartagaliaa katak.gl aamma Unnuk Kulturisiorfiup nittartagaa kulturnat.gl
- Atuisunut IT-mut ilitsersuillunilu ikiuisarnissaq
- Inersimasunut meeqqanullu atorniartarfimmi sullissineq atorniartitsinerlu
- Team Servicemi suliassanut assigiinngitsunut suleqataaneq
Naatsorsuutigaarput:
- Qarasaasiamut tunngasunut nalinginnaasumik atuisinnaanermit qaffasinnerusumik piginnaaneqassasutit
- Nittartagaliornermik misilittagaqartutit (HTML, CSS)
- Atuagaateqarfiit bibliotekssystemia Cicero ilisimasaqarfigingit
- Tamakkiisumik isiginnillaqqissuusutit ilusilersorlugillu takussutissiorsinnaasutit
- Suleqateqallaqqittuusutit suleqatillu allanik ilinniagaqarsimagaluartut suleqatigilluarsinnaagitit
- Atuagaatilerisutut bibliotekar, DB imaluunniit cand.scient.bibl. assigisaanilluunniit ilinniagaqarsimanissat
Kalaallisut oqaatsinik ilisimasaqarneq iluaqutaasinnaavoq piumasaqaataanngilarli
Neqeroorutigaagut:
- Suleqatit piginnaasaqarluartut, misilittagaqarluartut suleruussuseqartullu suleqatigissavatit
- Inuttut suliffimmilu ineriartornissamut kiisalu inuttut ineriartornissamut periarfissagissaartoq
- Suliffik ataatsimoorfiusoq, ammasoq inussiarnersumillu oqaloqatigiissinnaanermik pingaartitsisoq
- Suliffik allanngoriartortoq, inissisimaffigaa nunarsuaq alianaattoq illoqarfillu sunngiffimmi sammisassarpassualik asimilu misigisassat imaannaanngitsut
Uagut pilluta:
Atuagaateqarfik Nuummi innuttaasunut atuagaateqarfiuvoq nunatsinnilu qitiusumik atuagaateqarfiugami innuttaasunut tamanut sullissisuusoq. Illoqarfiup qeqqani inissisimanermini innuttaasunit atorluarneqartarpoq.
Suliffeqarfik teaminut sisamanut agguataarneqarpoq: Team Groenlandica, Team Nunarput, Team Oplevelser aamma Team Service. Suliffeqarfik aaqqissuussarpassuaqarfiuvoq, soorlu ukiumut ataasiarluta Unnuk Kulturisiortitsisarpugut illoqarfiullu kulturikkut pikialaartitsinerani peqataasarluta, soorlu Nuuk Nordisk Kultufestivaleqaleraangat.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job