Skip to main content
91

Dette jobopslag er udløbet

Atuagaatilerisoq

Atuakkanik naleqquttunik ilinniartunut ilinniartitsisunullu siammartererusuppit? Atuakkanik atorniartarfiup siammartereriaasia nukittorsarusuppiuk?Taava Ilisimatusarfiup atuakkanik atorniartarfiani atorfissaqartippatsigit. 

Atorfik
Ilisimatusarfiup atuakkanik atorniartarfiani sulisoq aapperniarparput. Atuakkanik atorniartarfimmi Groenlandica Nunattalu Atuagaateqarfia suleqatigilluarpavut. Atorfimmut atatillugu ilinniartut, ilinniartitsisut illoqarfimmilu innuttaasut amerlasuut sullinneqartarput, ukiui, soqutigisaat inuunerminnilu inissisimanerat apeqqutaatinnagu. Uagutsinnut pitsaasumik sullissinissaq pingaaruteqarpoq. Atuakkanik sammisanut aalajangersimasunut tunngasunik soqutigisaqartuuguit iluaqutaassaaq, saniatigullu atuakkat oqaatsillu ilinniartunut ilinniartitsisunullu soqutiginarsarsinnaagukkit iluaqutaassalluni.   

Suliassat

  • Paasissutissiinermi sakkussanik pisiortorneq ingerlatitseqqiinerlu, taakkununnga ilaallutik pisiniarneq, allaffissorneq, pisartakkanik nutarterineq atorunnaarsitsinerlu.
  • Ilisimatusartunut, ilinniartitsisunut ilinniartunullu paasiniaavissanik innersuussineq atuakkanillu (kalaallisut, qallunaatut tuluttullu) sammisamut aalajangersimasumut tunngasunik siunnersuineq ilitsersuinerlu.
  • Atorniartarfiup atortorissaarutaanik elektroniskiusunik siammarterineq.
  • Atorniartarfiup ammanerata nalaani saaffiginnitunik kiffartuussineq kiisalu arfininngornikkut paarlakaajaalluni nakkutilliineq.
  • Paasissutissanik ujartuineq.
  • Atuakkanik atortunillu nalunaarsuineq.
  • Avataanit atorniakkanik inniminniineq.

Piginnaasat

  • Sammisamut naleqquttumik ilinniagaqarneq, soorlu paasissutissiinermut ilisimatusarneq, bibliotikaritut ilinniagaqarneq DB, cand. scient. bibl. kiisalu/imaluunniit suliamut tunngatillugu immikkut ilisimasaqarneq.
  • Kalaallit, qallunaat tuluillu oqaasiinik piginnaasaqarluarneq.
  • Paasissutissiinermi sakkussanik piniarnermik suliaqarnermillu misilittagaqarneq.
  • Ilinniartitsinissamut, siunnersuinissamut siaruarterinissamullu kajumissuseqarneq.
  • Suliffiup ingerlanerani ilinniartut sulisullu sullinnissaannik soqutigisaqarneq.
  • Sullissillaqqissuuneq.
  • Piffissap ilaani suliffiup ulapaarfiusinnaanera piareersimaffigissavat – pingaartumik ilinniarnerup aallartinnerata nalaani.

Piffissaq atorfiniffissaq
1.juli 2019 imaluunniit isumaqatigiissuteqarnikkut. Atorfik ulloq naallugu suliffiuvoq, sap. akunneranut suliffik 40 tiimiulluni.

Qinnuteqaat nassiuguk 
Atorfik pissanganartikkukku suleqataarusukkuillu qinnuteqarit (CV-llu misissorluarlugu) kingusinnerpaamik 31. maj 2019.

Qinnuteqaatit nassiutsinnagu eqqaamasassat: Apeqqutissaqaruit Ilimmarfiup pisortaa Henriette Nolsøe Rosing attavigisinnaavat oqarasuaammut 38 56 03-mut e-mailerlutilluunniit  henr@uni.gl-imut. Apeqqut sunaluunniit pingaaruteqarpoq.

Ilisimatusarfik pillugu
Ilisimatusarfik 750 missaannik ilinniartoqarpoq 100-nik sulisoqarluni, Issittullu ilisimatusarnikkut misissuiffigineqarnerani qitiulluni.

Ilisimatusarfittut mikisunnguugaluarluta nukittoquterpassuaqarpugut, soorlu:

  • Suliffeqarfiit namminersortut pisortanillu aqunneqartut sullippagut
  • Oqaatsit, oqaluttuarisaaneq il.il., inuiaqatigiilerineq peqqinnissarlu ilisimatusaatigaavut
  • Avatitsinnik suleqateqarneq pingaarteqaarput, maani nunatsinni nunanilu allani
  • Suliffeqarfinnut pisortallu ingerlataannut attaveqarluarnissaq pingaartipparput
  • Nunarsuup ilaani sukkasuumik ineriartorfiusumi ilisimasanik nutaaliornermillu pilersueqataavugut

Oqaasinnaaraarput: Through research, education and cooperation Ilisimatusarfik is Shaping the Arctic (ilisimatusarneq, ilinniartitsineq suleqatigiinnerlu aqqutigalugit Ilisimatusarfik Issittumi ilusilersueqataavoq).

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk