Skip to main content
94

Dette jobopslag er udløbet

Attaveqatigiinnermut Sulisussarsiorpugut

Attaveqatigiinnermut sulisussarsiorpugut

Meeqqanut inersimasunullu naleqquttunik allallaqqippit? Ussassaarutit pissanganasaarlugit saqqummerfissaannut assigiinngitsunut naleqqussarsinnaavigit? Taava immaqa illiuvoq attaveqaqatigiinnermut sulisortaassarput, ulloq 1. decembar 2021 aallarnerfigalugu isumaqatigiissuteqarnikkulluunniit sulilertussaq.
Suliassannut pingaarnerpaanut ilaapput avammut suliffiullu iluani attaveqatigeeriaatsit atorlugit suliaqartarnissaq, kiisalu Team Oplevelsemiissaatit kulturikkut sammineqarsinnaasunik aaqqissuussanik pilersitsinerit ineriartuutaasinnaasut suleqataaffigalugit.
Attaveqaqatigiinnermi sulisutut suliavit saniatigut inersimasunut aamma meeqqanut atuagaateqarfimmi vagteqartassaatit.  Taamaalillutit atuisut isertartullu kissaataannut pisariaqartitaannullu malinnaasinnaaniassagavit avammut attaveqaatit ineriartortinnissaat pillugu.
Suliassatit makkuussapput:

  • Qallunaatuumiit kalaallisuumut nutserisuuneq suleqatinut kiisalu atuisunut saaffiginnissutinik.
  • Nittarsaassinermik suliaqarneq, soorlu videot, assit aamma oqaatsit assigiinngitsunut saqqummiussassat soorlu allagarsiinerit, annoncit, allagartarsuit il.il. illoqarfiup iluani illoqarfiullu avataani saqqummertartunut ingerlateqqitassatut kiisalu atuagaateqarfiup Facebookianut nittartagaanullu.
  • Qarasaasiaq atorlugu nittarsaassassat paasissutissallu nutartertarnissaat
  • Pisortaq qanimut suleqatigalugu Nunatta Atuagaateqarfianik nittarsaassineq.
  • Team Oplevelsemi qanimut suleqataaneq tassanngaaniillu paasissutissanik siaruarterineq.

Piginnaasat:

  • Qaffasinnerusumik ilinniarsimasuussasutit attaveqaqatigiittarnernut tunngasunik( Tusagassiortoq, kulturformidlereq, markedsføring il.il.)
  • Kalaallisut qallunaatullu oqaaseqatigiiliullaqqissuussasutit allallaqqillutillu
  • Avammut attaveqarnernut periusissianik attaveqariaatsinillu suliaqarnermik misilittagaqassasutit
  • Video aamma assilerineq (Photoshop, InDesign il.il.) ilisimassagitit misilittagaqarfigalugilluunniit

Inuttut piginnaasat:

  • Namminersuuteqallaqissaatit namminersorsinnaassuseqarlutillu
  • Suliassatit pitsaasumik ataqatigiissaarsinnaagitit piffissaliussallu killinga malissinnaallugu
  • Kalaallit kulturiat oqaluttuarisaanerallu soqutigissagitit
  • Kalaallisut qallunaatullu oqaaseqaasiullaqqittuussasutit


 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk