Skip to main content
92

Dette jobopslag er udløbet

Attaveqaqatigiinnermut sulisoq nunat tamalaat Issittumi Hub-iata allaffeqarfiani

Attaveqaqatigiinnermut sulisoq nunat tamalaat Issittumi Hub-iata allaffeqarfiani
Suleqatigiinni inuttakitsuni attaveqaqatigiinnermi suliassanik assigiinngisitaartunik amerlasuunillu suliaqarnissamik nuannarisaqarpit? Pilersaarusiornermik tusagassiorfinnullu tunngasunik suliaqarnermik sungiussisimasuuit, sakkunillu digitaliusunik aqutsilluarsinnaavit? Allallaqqippit oqaluttuarineqarsinnaasunullu, sullinniakkanut assigiinngitsunut siammarterneqartussanut tappiffeqarpit? Taamaassapput tassaasinnaavutit nunat tamalaat Issittumi Hub-ianni attaveqaqatigiinnermut suleqatitaassarput.

Kalaallit Nunaat Danmarkilu nunat tamalaat akornanni Issittimi HUB-mik (IAH) suleqatigiillutik pilersitsipput, nunat tamalaat Issittumi Ilisimatusarnermi suleqatigiinnerannik nukittorsaasussamik, kiisalu ilisimatusarnerup, ilinniartitaanerup, inuiaqatigiit, aqutsinerup inuussutissarsiornerullu akornanni atassuteqaqatigiissitsisussamik. IAH-p annertuumik angusaqarfiusarnissaa naatsorsuutigineqarpoq, Hub-imi Issittumi qitiusumik asseqanngitsumillu inissisimasumi anguniakkat takorluukkallu anguniarneranni sulinermi attaveqaqatigiinneq pingaarutilimmik inissisimavoq.

Suliffik pillugu
Maligassiuilluartumik anguniagaqarususseqartumillu attaveqaqatigiinnermi sulisussarsiorpugut, suleqatigiit pingasuuvugut - illit, AC-fuldmægtigi allaffeqarfimmilu pisortaq. Attaveqatigiinnermi sulisutut IAH-p attaveqatigiinnermi paasissutissiisarnermilu suliaanik suliaqassaatit, pilersitsisarlutit, isumaginnittuullutit ineriartortitsisuussallutillu, ilaatigut suleqataaffigissallugit Issittumi ilisimatusarnerup iluani soqutigisalippassuit atassuteqarnerannik nukittorsaanissaq, Kalaallit Nunaannut ilisimatusarnikkut soqutiginnilersitsiniarneq, ilisimatusarnerullu nunagisami nunanilu allani inuiaqatigiinnut iluaqutaaneranik ersarissaaqataasussaavoq.

Suliassatit pingaarnerit

  • IAH-p attaveqatigiinnikkut sulineranik sanarfeqataaneq, nukittorsaaneq ingerlatsinerlu
  • Attaveqatigiinnerup sannaa pillugu toraagaqarluni anguniakkanik aaqqissuussineq – IAH-mullu pilersaarusiorneq; tamatumani ulluinnarni sulinitsinni siunissaq qaninnerusoq ungasinnerusorlu eqqarsaatigalugit attaveqaqatigiinnermi aqqutissanik sakkussanillu eqqortunik atuinissamik qulakkeerinninneq
  • IAH-p tusagassiorfinnut attaveqarnera, pilersaarusiornermullu akisussaaffeqarneq ulluinnarni siunissarlu ungasinnersusoq eqqarsaatigalugit. Tamatumani oqaluttualianik sumiiffinni ataasiakkaani, nunami tamarmi nunanilu allani tusagassiorfinnut tuniniaanermik paasisimasaqartussaavutit kiisalu nutaarsiassat qanoq pilersinneqartarnerannik ineriartortarnerannillu paasisimasaqartuullutit. Tamatuma saniatigut allaffeqarfimmi pisortamut siulersuisunullu ingerlaavartumik siunnersortitut atuuffeqassaatit


Makkua ilinnut neqeroorutigaavut
Atorfik suliffeqarfimmi suleqatigiinnermik pingaartitsiffiusumi persuarsiorpalaanngitsumi unammillernarluartoq tamatigoortorlu. Suliffimmi eqaatsumik savituffiullunilu nikerarsinnaasorujussuarmi piginnaasaatit isumassarsiullaqqissutsillu atorlugit suliniutinik nutaanik ineriartortitsillutillu aallartitsisassaatit inerniutaasussanullu ilusilersueqataasassallutit. Nunatsinni nunanilu allani suliatsinnut soqutigisalippassuarnut attaveqaataassaatit. Susassaqarfinnik suliassanillu allanngortoqartarsinnaammat, sulianik ineriartortitsisoqartassaaq piffissallu ingerlanerani suliassat aamma nutaanik ilasinnaammata, suliassanik naleqqussaanissamut nutaanillu suliassaqalernissamut periarfissaqarpoq.

Makkuninnga piginnaasaqarnissat pingaartinneqarpoq

  • Ilinniagaqarnikkut tulluartumik tunuliaqutaqarputit – soorlu attaveqaqatigiinnermi, tusagassiornermi imaluunniit ilisimatusarfimmi ilinniakkamik assingusumik ilinniagaqarsimavutit
  • Issittumi ilisimatusarnermut ilisimatusarnerlu pillugit paasissutissiisarnermik paasisimasaqartuuvutit soqutigisaqartuullutillu aammalu Kalaallit Nunaanni inuiaqatigiinni politikkikkullu pissutsini
  • Attaveqaqatigiilluarnissaq uummateqarfigaat tusagassiornermilu sakkunik aqutsilluarsinnaallutit
  • Nittartagalerineq, SoMe aaqqiissutillu allat digitaliusut misilittagaqarfigaatit
  • Danskisut Tuluttullu oqalussinnaanerit allassinnaanerillu qaffasissumiipput kalaallisullu oqalussinnaaneq iluaqutaaginnassaaq


Naatsorsuutigaarput inuttut imaattuusutit:

  • Pitsaassutsimik qaffasissumik pingaartitsisuuvutit, suliat imarisaannut paasisimasaqarluartuuvutit, sumiiffinni ataasiakkaani, nunami tamarmi nunanilu allani pisunut malinnaalluartuuvutit
  • Isumassarsiannik saqqummiussisinnaassuseqarluartuuvutit, suleqatikkuminartuullutit IAH-llu siunniussaanut inissisimaffianullu akuersaartuullutit
  • Piffissamik atuinerit nammineerlutit aaqqissuulluarsinnaavat ulapaarfimmilu tamatigoortumik isiginneriaaseqartuaannarsinnaallutit
  • Sullarissuuvutit pitsaanerpaanillu tunniussaqarusuttuullutit
  • Nutaanik pilersitsinnaassuseqartuuvutit, nutaaliorsinnaasoq, alaatsinaatsoq attavigisanullu attaveqallaqqissoq


Atorfinitsinneqarneq
Kissaatigineqarpoq atorfininneq 1. april 2021 pissasoq imaluunniit ulloq atorfiniffissaq aamma isumaqatigiissutigineqarsinnaavoq

Akissarsiaqartitaanermut atorfeqarnermullu tunngasut
Pinngortitaleriffimmi atorfeqassaatit IAH-p allaffeqarfiani pisortaq akisussaasoralugu.

Atorfik Danmarkimi Kalaallit Nunaannilu Aningaasanut Inatsimmit aningaasalersugaavoq.
Atorfik aalaakkaasumik atorfiuvoq Aningaasanut Inatsisip aningaasaliisarnera naapertorlugu atorfiusoq. Atorfik maannamiit Aningaasanut Inatsimmit 2022-p tungaanut aningaasaliiffigineqareerpoq.

Atorfik tamakkiisumik atorfiuvoq (sap.ak. akunneranut akunnerni 40-ni suliffiusartoq), Nuummi allaffeqarfimmi inissisimavoq. Atorfimmut atatillugu angalasarnissaq naatsorsuutigineqassaaq.

Atorfinitsitaanermi akissarsiaqartitaanermilu atugassarititaasut naapertorlugit atorfinittoq atorfininnermut soraarnermullu atatillugu nuunnermi akiliutsilluni angalanissamut pisinnaatitaaffeqarpoq Namminersorlutik Oqartussat kattuffiullu isumaqatigiissuteqarfigisap akornanni isumaqatigiissutaasut naapertorlugit.
 
Ineqartitaaneq
Atorfimmut atasumik ineqartitsoqarsinnaanngilaq. Atorfimmut qinnuteqartoq Namminersorlutik Oqartussani atorfigisaminut atasumik ineqareersimaguni, atorfimmut atasumik inimik qinnuteqarnissamut pisinnaatitaaffini malillugu inini tigummiinnarsinnaassavaa. Atorfimmut atasumik inigisaq atorfimmut atasuummat, atorfigisamit soraarnermi qimanneqassaaq.

Atorfimmut qinnuteqarnissamut ulloq killissarititaasoq: 7. februar 2021.
International Arktisk Hub atorfillu pillugit annertunerusumik paasisaqarusukkuit IAH-p allaffeqarfiani pisortamut Anna-Sofie Skjervedal saaffiginninnissamut tikilluaqqusaavutit oqarasuaammut uunga: tlf. +299 36 12 89, mail: iah@iah.gl 

Qinnuteqarnermi CV, ilinniagaqarsimanermut – pikkorissarsimanernut allagartat, kiisalu allagartat allat attuumassuteqartut ”Send ansøgning” toorlugu nassiunneqassapput.
e-mailikkut qinnuteqaatinik tigusineq ajorpugut.

Internationale Arktiske Hub pillugu 
International Arktisk Hub Kalaallit Nunaanni kalaallit, danskit nunanilu tamalaaneersut ilisimatusartartut sulineranni Issittumillu soqutigisaqartut tunngaviattut asseqanngitsumik atuuffeqassaaq. IAH-p suliaanut ilaapput ilisimatusarnermut tapertaasunik suliniuteqartarnerit. Ilisimatusartartut Kalaallit Nunaanni Issittumilu ilisimatusartartoqatigiiaat akornanni suleqatigiinnermik oqaloqatigiittarnernillu aallarnisaasarneq; Kalaallit Nunaanni eqqaanilu ilisimatusarnissamut periarfissanik ataatsimut isiginninnissamut aqqutissiueqataaneq; maannakkut ilisimatusarnerit Kalaallit Nunaanni ilinniartitaanermut avatangiisinut ilanngutsinneqartarnissaannik suliniuteqartarneq, kiisalu ilisimatusarnermi, inuussutissarsiornermi suliffissuaqarnermillu susassareqatigiiaanik suleqatigiissitsillunilu ataatsimoortitsisarneq ilisimasanillu ingerlatitseqqiisarneq. Politikkikkut anguniakkat, takorluukkat IAH-mullu najoqqutassatut isumaqatigiissutit pillugit paasisaqarusukkit uani atuakkit.
Ineqartitaaneq
Atorfimmut atasumik ineqartitsoqarsinnaanngilaq. Atorfimmut qinnuteqartoq Namminersorlutik Oqartussani atorfigisaminut atasumik ineqareersimaguni, atorfimmut atasumik inimik qinnuteqarnissamut pisinnaatitaaffini malillugu inini tigummiinnarsinnaassavaa. Atorfimmut atasumik inigisaq atorfimmut atasuummat, atorfigisamit soraarnermi qimanneqassaaq.

Atorfimmut qinnuteqarnissamut ulloq killissarititaasoq: 7. februar 2021.
International Arktisk Hub atorfillu pillugit annertunerusumik paasisaqarusukkuit IAH-p allaffeqarfiani pisortamut Anna-Sofie Skjervedal saaffiginninnissamut tikilluaqqusaavutit oqarasuaammut uunga: tlf. +299 36 12 89, mail: iah@iah.gl 

Qinnuteqarnermi CV, ilinniagaqarsimanermut – pikkorissarsimanernut allagartat, kiisalu allagartat allat attuumassuteqartut ”Send ansøgning” toorlugu nassiunneqassapput.
e-mailikkut qinnuteqaatinik tigusineq ajorpugut.

    Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk