Skip to main content
89

Dette jobopslag er udløbet

Atorfik killiligaasumut Atuagaatilerisoq

Ilinniartunut ilinniartitsisunullu atuakkanik pitsaasunik siammartererusuppit, atuakkanillu atorniartarfiup siammartereriaasia nukittorsarusuppiuk, sapaatsip akunneranullu 30 tiimit sulisarusuppit - taava Ilisimatusarfimmi atorfimmut killiligaasumut atorfissaqartippatsigit.

Atorfik
Ilisimatusarfimmi atuakkanik atorniartarfimmi sulisup aapparilissavaatit, tassanilu ulluinnarni Groenlandica Nunattalu Atuagaateqarfia suleqatigilluarpavut. Atorfimmut atatillugu ilinniartut, ilinniartitsisut illoqarfimmilu innuttaasut annertuumik sullinneqartarput, tamaasalu, ukiui, soqutigisaat inuunerminnilu inissisimaneri apeqqutaatinnagit, pitsaasumik sullisissagitit pingaartipparput. Pitsaasuussaaq atuakkanik sammisanut aalajangersimasunut tunngasunik soqutigisaqartuuguit, aammalu atuakkat oqaatsillu ilinniartunut ilinniartitsisunullu soqutiginarsarsinnaagukkit.    

Suliassat

  • Paasissutissiinermi sakkussanik pisiortorneq ingerlatitseqqiinerlu, taakkua iluanniillutik pisiortornerniit allaffissornerniillu nutarterinernut atorunnaarsitsinernullu.
  • Ilisimatusartunut, ilinniartitsisunut ilinniartunullu paasiniaavissanik innersuussinerneq atuakkanillu sammisamut aalajangersimasumut tunngasunik kalaallisut, qallunaatut tuluttullu siunnersuineq ilinniartitsinerlu.
  • Atuakkanik atorniartarfiup elektronikkimik atortorissaarutaanik siammarterineq.
  • Atuakkanik atorniartarfiup ammanerata nalaani saaffiginnitunik sullissineq kiisalu paarlakaajaattumik arfininngornernittaaq nakkutilliineq.
  • Paasissutissanik ujartuineq.
  • Atuakkanik atortunillu nalunaarsuineq.
  • Atorniakkanik avataaneersunik inniminniineq.
  • Atuakkanik inissitsiterineq.


Piginnaasat

  • Sammisamut naleqquttumik ilinniagaqarneq, soorlu paasissutissiinermut ilisimatusarneq, bibliotikaritut ilinniagaqarneq DB, Cand.Scient.Bibl. kiisalu/imaluunniit suliamut tunngatillugu immikkut ilisimasaqarneq.
  • Kalaallit, qallunaat tuluillu oqaasiinik piginnaasaqarluarneq.
  • Paasissutissiinermi sakkussanik piniarnermik suliaqarnermillu misilittagaqarneq.
  • Ilinniartitsinissamut, siunnersuinissamut siaruarterinissamullu kajumissuseqarneq.
  • Suliffiup ingerlanerani ilinniartut sulisullu sullinnissaannik soqutigisaqarneq.
  • Sullissillaqqissuuneq.
  • Piffissap ilaani suliffiup ulapaarfiusinnaanera piareersimaffigissavat – pingaartumik ilinniarnerup aallartinnerata nalaani




Piffissaq atorfiniffissaq
Februarip aallaqqaataani 2020 imaluunniit isumaqatigiissuteqarnikkut. Atorfik killiligaavoq julip naanerata 2020 tungaanut suliffiusussaalluni, sapaatsillu akunneranut 30 tiimit suliffiulluni.
Qinnuteqaat nassiuguk
Atorfik pissanganartikkukku suleqataarusukkuillu, aap, taava uagutsinnut qinnuteqarit (kiisalu CV ilinnut tunngasoq misissoruk).
Qinnuteqaatit nassiutsinnagu eqqaamasassat: Apeqqutissaqaruit e-mail-imik nassitsigit sianerlutilluunniit direktør Henriette Nolsøe Rosing-imut, oqarasuaat 38 56 03 uungaluunniit allallutit henr@uni.gl.               Apeqqutit annikippallaaratillu annertuallaarneq ajorput.
Qinnuteqarfissaq kingulleq 15. januar 2020.

Ilisimatusarfik pillugu

Aap, Ilisimatusarfiuvugut 750 missaannik ilinniartulik 100-nillu sulisulik, Issittullu misissuiffigineqarnerani qitiulluta.
Universiteti mikisunnguugaluarluta nukittoquterpassuaqarpugut, soorlu:
•                           Suliffeqarfiit namminersortut pisortanillu aqunneqartut sullippagut
•                          Humaniora, inuiaqatigiilerineq peqqinnissarlu ilisimatusaatigaagut
•                          Avatitsinnik suleqateqarneq pingaarteqaarput – maani nunatsinni aammalu Nunarsuup sinneranut
•                          Ilisimatusarfiup massuma, suliffeqarfiit pisortallu ingerlataasa akornanni attaveqarnissaq pingaartipparput
•                          Nunap immikkoortuani sukkasuumik ineriartorfiusumi ilisimasanik nutaaliornermillu pilersuivugut

Taamaattumik oqaasinnaaraarput: Through research, education and cooperation Ilisimatusarfik is Shaping the Arctic.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk