Skip to main content
106

Atorfik inuttassarsiuussaq – Attaveqaqatigiinnermut Immikkoortortaqarfimmi inatsisileritooq

Attaveqaqatigiinnermut tunngasunik aallutaqarnissat nuannaraajuk? Taamaappat illit amigaatigaatsigit.

Kalaallit Nunaanni attaveqaqatigiinnermut tunngasut ineriartupiloorput – aammalu attaveqaqatigiinnermut immikkoortortaqarfik ulapiffiuvoq. Taamaattumik immikkoortortaqarfimmi inatsisilerituutut atorfimmik nutaamik pilersitsivugut.

Inatsisilerituunik marlunnik, inatsisilerinermik piginnaaneqartunik, attaveqaqatigiinnermut immikkoortortaqarfimmi inatsisilerinermik, inatsisinik pioreersunik nassuiaanermik kiisalu immikkoortortaqarfimmi sulianut immikkut ilisimasalinnik suleqateqarnissamik allarpassuarnillu kajumissuseqartunik pissarsiorpugut. Attaveqaqatigiinnermut immikkoortortaqarfimmi ulluinnaat ulapiffiupput, suliassat assigiinngitsorpassuullutik.

Atorfik pillugu nassuiaat
Attaveqaqatigiinnermut Immikkoortortaqarfik Ineqarnermut Attaveqaqatigiinnermullu Naalakkersuisoqarfiup ataani inissisimavoq, aammalu Naalakkersuisoqarfimmi immikkoortortaqarfiit sisamaasut ilagalugu.

Attaveqaqatigiinnermut immikkoortortaqarfiup ”nunamut, immamut silaannarmullu” tunngasut iluanni suliassanik pilersaarusiorneq, ataqatigiissaarineq suliaqarnerlu isumagisarai, taamaattumillu imarsiornermi, silaannakkut angallannermi, mittarfeqarnermi, umiarsualiveqarnermi, attaveqaateqarnermi aammalu nunakkut imaatigullu assartuussinermi suliassaqarfinnut akisussaasuulluni.

Immikkoortortaqarfiuvugut mikisunnguaq assigiinngitsorpassuarnik suliaqartoq aammalu nuna isorartooq, siammasissunik najugaqarfeqartoq attaveqaatillu ingerlalluarnissaannik pingaartitsiviulluinnartoq sullitaralugu.

Attaveqaqatigiinnermut Immikkoortortaqarfimmi suliat politikkikkut eqqumaffigineqartorujussuupput, aammalu tamanit tusagassiorfinnillu soqutigineqarluni. Suliassat suleqataaffigisavut innuttaasut tamarmik ulluinnarni atugaannut pingaaruteqartorujussuupput, aammalu nunatsinni ineriartorfiusinnaasut piviusunngortinneqarnissaannut isumaqartorujussuullutik.

Ilinnut tunngasut

  • Cand.jur.-itut ilinniarsimasoq. Aamma ilinniakkamik naammassinneqammisinnaavoq.
  • Attaveqaqatigiinnermut suliassaqarfimmi inatsiliornissamik soqutigisalik.
  • Suleqatiginninnissamut, suleqateqarnissamut suleqatinullu ilisimasanik avitseqateqarnissamut piginnaanilik.
  • Oqaluinnarluni allakkatigullu atassuteqarnissamut piginnaanilik.
  • Isumagissaartoq aammalu sullivimmi avatangiisini pingaartorsiorfiunngitsuni sulisinnaasoq.

Danskisut/Kalaallisut marluinnik oqaaseqartuuneq iluaqutaassaaq.

Suliat avatangiisini ulapaarfiusuni suliatigullu unammillernartuni ingerlanneqarput, tassanilu sulinermik nuannarisaqarneq akisussaaffeqarnerlu angusanik pitsaasunik, tulluusimaarutigisinnaasatsinnik inerneqartarput.

Ataatsimooqatigiinneq pitsaasuuvoq pingaartorsiorfiunanilu, aammalu ulluinnaat amerlanertigut ulapaarfiusut isumagissaarnermik sunnersimaneqartarput. Suliffeqarfiuvugut inissaqartitsiviulluartoq, suleqatigiit nuannersumik ataatsimoorfigisaat aammalu sulinerup iluani ilaqutariittullu inuunerup ataqatigiinnissaannik ataqqinniffiusoq.

Inummik piukkunnaatilimmik inatsisilerinermik tunuliaqartumik, ajornanngippallu aaqqissuussaanermi politikkikkut aqunneqartumi ukiuni arlalinnik misilittagaqareersumik pissarsiorpugut.  Qinnuteqartoq piukkunnaateqarluartoq aamma inatsisiliornermik misilittagaqarsimassaaq, aammalu assartuussinermi pissutsinik attaveqaqatigiinnermillu ilisimasaqassalluni.

Atorfimmi umiarsualiveqarnermut nalunaarasuartaateqarnermullu inatsisit nalunaarutillu nutarterneqarnissaat immikkut aallunneqassapput, tassungalu ilassutigalugu Naalakkersuisut Siulittaasuata Naalakkersuisoqarfiani inatsisilerinermut allaffik suleqatigineqassalluni. Tamatuma saniatigut imarsiornermi silaannakkullu angallassinermi naalagaaffiup inatsisaannik atuutsitsilernissaq pillugu Rigsombud-i aamma naalagaaffimmi oqartussaasut suleqatigissavatit. Tamatuma saniatigut attaveqaqatigiinnermut oqartussaaffiup iluani inatsisinut nalunaarutit suliarineqartarnerinut akisussaasuussaatit.

Aamma inatsisit pillugit apeqqutini inatsisinillu nassuiaanermi immikkoortortaqarfimmi sulisut allat imminnut qanillutik suleqatigiinnerannut suleqataassaatit.

Tusarfiginissat qilanaaraarput, aammalu naalakkersuisuni sulineq, attaveqaqatigiinnermut immikkoortortaqarfiup suliai sullivippullu pitsaasoq pillugit paasissutissanik tunniussinissamut piareersimavugut.

www.nanoq.gl aqqutigalugu Namminersorlutik Oqartussani sulineq pillugu isumassarsiorsinnaavutit paasisaqarsinnaallutillu.
 
Akissarsiat atorfininnermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Inummik piukkunnaatilimmik, ukiuni arlalinni inatsisilerinermi sullissinermik, imaluunniit inatsisinik nassuiaanermik inatsisillu teknikkimut tunngasortaanik suliaqarnermik misilittagaqartumik atorfinitsitsinermi, aalajangersimasumik nalileereernerup kingorna immikkut ittumik siunnersortitut imaluunniit siunnersortaanertut atorfinitsitsisoqarsinnaavoq.


Inissiaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.


Soqutiginnippit?

Qinnuteqaat, CV, ilinniarsimanermut pikkorissarsimanermullu uppernarsaatit, kiisalu allagaatit attuumassutillit allat ”Qinnuteqaat nassiuguk” toorlugu nassiutikkit.
E-mail-ikkut qinnuteqaatinik tigusineq ajorpugut.

Apeqqutissaqaruit allaffimmi pisortaq Louise Restorff Jacobsen loja@nanoq.gl tlf.: 346909-mut attaveqarfigisinnaavat.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk