Skip to main content
75

Dette jobopslag er udløbet

Aquuteralannik qamuteralannillu mekanikerinngornianut ilinniartitsisussamik

SAQQUMMIUTEQQITAQ
KTI, Saviminilerinermik Ilinniarfik aquuteralannik qamuteralannillu mekanikerinngornianut ilinniartitsisussamik pissarsiorpoq


KTI, Saviminilerinermik Ilinniarfik Nuummiittoq ilinniartitsisumik aallussilluartumik, inuusuttut inersimasullu aquuteqaralannik qamuteralannillu mekanikerinngornianut ilinniartitserusuttumik pissarsiorpugut. Ilinniartitsisut allat peqatigalugit ilinniartut ilinniarnerminni ingerlanerat aaqqissuutissavat tassani siunertaralugu motoorilerinermik sulisussanik pikkorissunik piginnaaneqarluartunillu ilinniartinneqarnissaat aammalu atuarfimmi suliffittut misileraanerannut aaqqissuinernut peqataalluarsinnaasumik.
Ulloq sulilerfissaq: 1. august 2020 imaluunniit isumaqatigiissuteqarnikkut.
 
Kalaallit Nunaanni Teknikkimik Ilinniarfiup (KTI) EUD-mik ilinniartitaanerit (Saviminilerinermik Ilinniarfik) Nuummi, kiisalu EUD (Sanaartornermik Ilinniarfik), Aatsitassalerinermik aamma Ilinniarnertuunngorniarfik (GUX) Sisimiuniittut ingerlatarai.
 
Suleqatissatut ujartugarput tassaavoq

  • Biililerisutut, aquuteralalerisutut, imaluunniit qamuteralalerisutut ilinniarsimasuussapput, assigisaanilluunniit ilinniarsimasumik
  • sivikinnerpaamik ukiuni tallimani sulinermik misilittagaqartut suliatigut aamma atuagarsornikkut piginnaasanik uppernarsaateqartut
  • inuusuttunik aamma inersimasunik ilinniartitsinissamut piumassusillit suleqatigiinnermut ammasut kiisalu suleqatigisanik qanimut suleqateqarsinnaasut, ilinniartitsinermik aamma ineriartortitsinermik suleqataarusuttut ilinniakkamut aamma pædagogikkimut tunngasunik, tunngaviusumik ilinniartitsinermi, ilinniartitsinerup ingerlanerani pingaarnermi aamma ilinniarfiup pikkorissartitsisarnerini
  • Tunngaviusumik ilinniartitsinermik perorsaariaaseq ingerlanneqarsimassasoq
     
    Uagut neqeroorutigaavut
  • atorfik unamminartulik aamma suleqatigiit oqaloqatigiinnermik suleqatigiinnermillu pingaartitsisut
  • ilinniarfik annertuumik ineriartortitsiviusoq
  • sullivimmi avatangiisit pitsaasut suleqatit aallussilluartut peqatigalugit
  • piffissaq tamakkerlugu atorfeqarneq aamma pædagogisk grunduddannelse (PG)
  • ilinniaqqinnissaq
     
    Qinnuteqarnissamut killigititaq: 17. juni 2020.

Paasissutissat amerlanerusut Ilinniartitaanermut Pisortamut Ole Pedersenimut oqarasuaammut +299 348600 -mut sianerluni imaluunniit e-mailikkut ojp@kti.gl saaffiginninnikkut pissarsiarineqarsinnaapput. Aammattaaq  nittartagaqarput takuneqarsinnaavoq: www.kti.gl.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk