Skip to main content
128

Dette jobopslag er udløbet

Aqutsisunik ineriartortitsinermut siunnersorti

Immikkoortumi soqutiginartumi suliassaqarfiit akimorlugit aqutsinernik, piginnaasanik aaqqissuussaanermilu ineriartorfiusumi sulerusuppit?
Namminersorlutik Oqartussat Qitiusumik Allattoqarfianni, inuttut suliatigullu assigiinngitsorpassuarnik tunuliaqutaqartunik sulisunik pikkorissunik naapitserusuppit? Sulisunik pikkorissaaneq sulisunullu sammisunik suliaqarneq soqutigisaraajuk? Taamaappat qilanaaraarput qinnuteqaativit tigunissaa.
Sulisunik Ineriartortitsivik HR Naalakkersuisut Siulittaasuata Naalakkersuisoqarfiata ataani inissisimavoq. Maani piginnaasanik qaffassaaneq, ilinniartut, sulisussarsiorneq aammalu Namminersorlutik Oqartussat iluani suliffimmik suliffigissaaneq suliarisarpagut. Allaffeqarfimmi suleqatit arfineq pingasut peqatigalugit immikkoortortap anguniagai suliarisassavatit.
Atorfinni akisussaaffiit aaliangersimasut suliarisassavatit tamassumallu saniatigut immikkoortortaqarfiup suleqatai naalakkersuisoqarfiit aqutsisoqarfiillu ilisimasatigut ikorfartortassavatit.
Tamakkiisumik aaqqiisinnaneq siunertaralugu Naalakkersuisut Siulittaasuata Naalakkersuisoqarfiata ataani inissisimanerup immikkoortortaqarfipput periarfissippaa sulianut siumut aaqqiissutissanik pilersitsinermut peqataalluarsinnaanitsinnik. Immikkoortortaqarfiit aqutsisullu attaveqarfigilluarpagut qanimullu suleqatigilluarlugit. Qitiusumi Allattoqarfinni siuarsaaneq sulinitsinni sammisani pingaarnersat ilagaat. Minnerunngitsumik uagut immitsinnut ineriartortinnissarput aamma aallutaraarput.

Pingaarnertut suliassatit

  • Qitiusumik Allaffeqarfimmi sulisut sulisoriinnarnissaannut pitssaasunillu sinaakkuteqarnissaat qulakkerumallugu pilersaarusiorneq, ataqatigiissaarineq aammalu aaqqiissuussineq.
  • Naalakkersuisoqarfinnut aammalu Aqutsiveqarfinnut HR-Partner-iuneq
  • Sulisoqarneq pillugu sinaakkusiorneq ineriartortitsinerlu, akisussaaffiit akimorlugit aqutsineq aammalu siumut isigisumik sulisoqarnermi politikkinik ineriartortitsineq
  • Sulisut pillugit ineriartortitsinermi, assersuutigalugu nittarsaaneq sulisussarsiortarnermi suleqataaneq


Piginnaasatit

  • Ilinniagaq tulluartoq
  • Sulisoqarneq pillugu ineriartortsitsinermik sulisariaatsimik piginnaasaqarneq
  • Pitsaasumik ataqatigiissaarinermik suliaqarnermik piginnaasaqarneq
  • Sulisussarsiornermik aammalu sulisoriinnarnissamik suliaqarnermik piginnaasaqarneq
  • Allattariarsornikkut oqalunnikkullu piginnaasaqarluarputit
  • Suliat pitsaassusaannik aammalu amerlassusaannik naliliinermik piginnaasaqarneq


Inuttut piginnaasatit

  • Suleqatissasiornermut pikkoriffeqarputit
  • Suliffimmut tunniusimavutit naapikkuminartuullutillu
  • Akisussaaffinnik paarinnilluartoq
  • Suleriaaserni siumoortumik iliuusissanik takunnilluarsinnaasoq suleqatikkuminartuullutillu
  • Suleqatiseqallaqqissuuvutit
  • Suliarnik pitsaasumik naammassinninnissaq pingaartitaraat


Piumasaqaataanngilaq kisianni iluaqutaassaaq

  • Kalaallit kulturiannut oqaasiinullu, kiisalu Qitiusumik Allattoqarfimmi suliffimi misilittagaqarneq
  • Kalaallisut qallunaatullu oqaluttariarsornikkut allattariarsornikkullu piginnaasaqarneq


Qinnuteqarfissaq kingulleq 22. september 2023
Qinnuteqartunik oqaloqateqarneq sapaatip akunnera 39-imi pissaaq.
Aqutsisunik ineriartornermi siunnersorti 01. oktober 2023 aallartinnissaaa kissaataavoq.

Suliffimmut apeqquteqarusukkuit Jørgen Juel Jessen, HR Sulisunik Inerisaavik-mut saaffiginninnissarnut  tikilluaqqusaavutit uunga: jjje@nanoq.gl tlf. +299 345222 imal. Mobil +299 531511.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk