Skip to main content
159

Dette jobopslag er udløbet

Aqutsisunik ineriartortitsinermut siunnersorti

Piginnaasanik aaqqissugaanermillu ineriartortitsinermut, suliassaqarfiillu assigiinngitsut aqqutigalugit aqutsinermut tunngasunut  immikkoortortaqarfimmi pissanganartumi eqeersimaarfiusumilu sulerusuppit?
Namminersorlutik Oqartussat Qitiusumik allattoqarfiani sulisorpassuit pikkorissut assigiinngiiaartorujussuit naapissavatit, tamarmik sulianut tunngasutigut inuttullu assigiinngiiaartorpassuit?
Sulisut akornanni piginnaasanik ineriartortitsisarnernik aaqqissuussaanermik ineriartortitsinernik taamatullu HR-imik suliaqarusussuseqarpit? Taava qinnuteqaativit tigunissaa qilanaaraarput.

Siulersuisuniititaqarnermut Allattoqarfik aaqqissugaanikkut Naalakkersuisut Siulittaasuata Naalakkersuisoqarfiani inissisimavoq. Piginnaasanik ineriartortitsinermik, sulisussarsiortarnermik atugarissaarnermillu Namminersorlutik Oqartussani tamarmi suliaqartarpugut. Allaffimmi suleqatigiit arfineq pingasut peqatigalugit HR-imut tunngasunik Namminersorlutik Oqartussanut immikkoortortaqarfiup anguniagaasa anguneqarnissaannik suliaqartartussaassaatit.

Atorfinni aalajangersimasunik akisussaaffeqassaatit, kisiannili peqatigisaanik suliavit ilagissavaat suliffiup iluani aammalu naalakkersuisoqarfiit aqutsisoqarfiillu akimorlugit suleqatigisatsinnik sulianut tunngasutigut siunnersueqatigiittarnernik ikiorsiisarneq.

Pingaarnertut suliassatit:

  • Pikkorissaaneq aqutsisunillu inerisaaneq
  • Sulissutiginiakkanik Namminersorlutik Oqartussani sulisunik suliinnartitsiniarnermut qulakkeerinnissutaasunik pilersaarusiorneq ataqatigiissaarinerlu
  • Namminersorlutik Oqartussani naalakkersuisoqarfinni aqutsisoqarfinnilu allani HR-Partneritut sulineq
  • Sulisoqarnermut najoqqutassianik pilersaarutinillu ineriartortitsisarnerit, taakkununnga ilaallutik suliassaqarfiit assigiinngitsut aqqutigalugit aqutsineq aamma siunnerfilimmik politikkeqarneq
  • HR-ip ineriartortitsinermik suliassaanut, soorlu suliarisartagaanik ilisimannitsitsilerniarluni sulisussarsiorlunilu, ikiuunneq.
  • Naalakkersuisumut kiffartuussineq

Suliatigut piginnaasaqarfiit:

  • Suliffeqarfik politikkikkut aqunneqartumi misilittagaqassaatit
  • Aqutsisunik pikkorissaanermik misilittagaqarluarsaatit
  • Sulianik aqutsinermik aammalu pisussanik aqutsinermik, ilaatigut aaqqissuussaanernik suleriaatsinillu allannguinernik misilittagaqarputit
  • Suliassarnut tulluartumik ilinniarsimavutit, assersuutigalugu ilinniartitsinermik imaluunniit aqutsisutut ilinniarsimallutit.
  • Eqqarsartaatsikkut/tarnikkut  misilitsitsissutinut akuersissuteqarputit
  • Paaissutissiinermik oqaluttariarsornikkut allattariarsornikkullu pikkoriffeqarputit
  • Sulisunik inerisaanermik suliaqarsimaneq misilittagaqarfigivat
  • Suleriaatsit annertussususilikkat pitsaassusilikkalluunniit aallaavigalugit sulineq ilisimasaqarfigissavat


Inuttut piginnaasaqarfitit

  • Paasissutissiineq nukittuffigaat ingerlaavartumillu suliarisinnaavat
  • Pitsaasumik paasinartumik tatiginertumillu saqqumiisinnaavutit tusarnaarsinnaallutillu
  • suliat naammassiffiunissaat suliarilluarnissaat pingaartippat
  • Avatangiisit ulapaarfiusinnaasuni inissisimalluarsinnaavutit
  • Suliat katitigaasut aaliangiiffigisinnaallugit pitsaasuumik naammassinissaat pingaartitaerivat
  • suleqatigiinni sulianullu Inuttut alapernaatsuullutit ammasullutillu pissuseqartarputit, assigiinngitsuuneq ataqqillugu suleqatigiinnillu pilersitsisinnaasoq
  • Suleqatigiinneq nuannaraat ilaannilu kisimiillutit sulisinnaasarlutit.

Tamanna iluaqutaassaqaaq, kisianni piumasaqaataanngilaq

  • Kalaallit kulturiannik ilisimasaqarluarneq aammalu kalaallinik inuiaqatigiinni kiisalu pisortaqarfiit suliffeqarfiutaannik
  • Kalaallisut/danskisut marluinnik oqaatsitigut piginnaasaqarneq

Atorfinitsitsineq:
Ulloq 29. septembarip 2022 qinnuteqarnissamut killigititaavoq
Oqaloqatigiinneq pissaaq ataavartumik
Kissaatigineqarpoq HR-imi ineriartortitsinermi suleqatissaq piaarnerpaamik atorfinissasoq.

Apeqqutit qinnuteqaallu:
Atorfik pillugu apeqqutissaqaruit tikilluaqquneqarputit attavigissallugu suliamut tunngasunik aqutsisoq Jørgen Juel Jessen ugguuna jjje@nanoq.gl, oqa. +299 345222 imaluunniit oqarasuaat angallattagaq +299 531511.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk