Skip to main content
153

Dette jobopslag er udløbet

Aqutsisoqarfimmi pisortaq

Aqutsisoqarfimmi pisortaq Atuarfeqarnermut ilinniartitaanermullu immikkoortortami ineriartortitserusussusilik

Nuna tamakkerlugu atuarfeqarnermut ilinniartitaanermullu immikkoortortaqarfimmi pitsaasumik allanngueqataanissat sunniuteqaqataallutillu ineriartortitsinissat anersaaqarfigaajuk – taava politikerinit inuussutissarsiornermilu suaarutigineqartut siuttutut allanngueqataaffiginissaannut periarfissaqarputit

Ilinniartitaanermut Aqutsisoqarfik siumut isiginneriaasilimmik ammasumillu Aqutsisoqarfimmi pisortassarsiorpoq, meeqqat atuarfiannut immikkoortortamik aamma ilinniarfinnik ineriartortitsinissamik qitiusutut inissisimanissamik takunnissinnaasumik. Pitsaasumik allannguinissamut qamuuna kajumissuseqassaatit angusaqarluarusussuseqassallutillu.

Atorfimmut tunngasoq
Aqutsisoqarfimmi pisortatut Ilinniartitaanermi Aqutsisoqarfimmi sulianut tunngatillugu  allaffissornikkullu aqutsinermut tunngatillugu qullersaassaatit. Aqutsisoqarfik Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani aaqqissuussaanikkut inissisimavoq, aamma Naalakkersuisoqarfiup pisortaanut  nuna tamakkerlugu atuarfeqarnermut ilinniartitaanermullu immikkoortortaqarfiit kivinnissaannut ineriartortinnissaannullu, Naalakkersuisullu ilinniartitaanikkut anguniagaannik piviusunngortitsisussatut pingaarnertut siunersiueqateqartartussatut inissisimassaatit

Aqutsisoqarfimmi pisortatut aningaasaqarnikkut akisussaasutut sulisunillu aqutsinikkut qajannaatsumik isumannaarinnissaatit – kisianni aaqqissuussaanikkut ineriartortitsisinnaassuseqarnermik piginnaaneqarnissat taamatulli pingaaruteqartigaaq aamma soqutigisaqaqatinut tunngatillugu naapigiaasinnaanermik ingerlatitsisinnaassallutit, tamatumunnga ilanngullugit kommunit ilinniarfeqarfiillu. Ataatsimut pilersitseqatigiissitsinissamik qitiutitaqarnissat, attaveqaqateqarsinnaanermik piginnaasaqarnissat aamma akimoortumik suleqateqarsinnaanissat piumasaqaataapput. Aqutsisoqarfik ullumikkumut naleqqiullugu annertunerusumik atuarfeqarnermut ilinniartitaanermullu immikkoortortap kivinnissaanut pingaarutilittut qitiussaaq.  

Ilinnut tunngasoq
Aqutsinermik misilittagaqassasutit pingaartipparput – aamma pingaartumik aqutsisutut nutaaliornermik allanngortitsinermillu pilersitsisinnaanissat. Anguniagassatut takorluugaqarputit aamma sunniuteqarluarsinnaallutit aammalu inuttut pimoorussillutit inunnik aaqqissuussaanernillu nuussisinnaallutit. Saqqumisuuvutit aamma alapernaatsoq aamma killiffimmik unammillerusussinnaasoq.

Inuiaqatigiinni pissutsinik, oqaasiinik aamma kulturiannik ilisimasaqarputit – pingaartumik atuarfeqarnermut ilinniartitaanermullu immikkoortortap iluani aamma anguniagassatut takorluugaqarputit pitsaasumillu allannguinissamut angusaqarluarusussuseqarlutit.

Tunaartaqarluni iliuusissanik pilersaarusiornermik qaffasissusilimmik aqutsinikkut misilittagaqarputit aamma ilinniaqqinnerit naleqquttuulluni politikkikkullu aaqqissuussaanermi sulinermik ilisimasaqarputit. Ilusilersorluakkanik sulisarputit aamma anguniakkanik aalajangiusimannittarputit aammalu allanut ilusilersuillutillu anguniagaqalersitsisarputit. Aningaasatigut akisussaassuseqarnermittaaq ilisimasaqarputit.

Aqutsisoqarfimmut tunngasoq
Ullumikkut Ilinniartitaanermi Aqutsisoqarfik qitiusumik allaffissornikkut suli atualinngitsunut, meeqqat atuarfiannut, atuarfinnut namminersortunut, Kalaallit Nunaanni efterskolinut aamma Qallunaat Nunaanni efterskolernermut aqutsisoqarfiuvoq. Ilinniartitaanermi Aqutsisoqarfiup pingaarnertut suliassarai inatsisit malinneqarnissaat aamma Naalakkersuisut ilinniarfeqarfinnut atortuulersinneqarsimasunut pilersaarutit aaqqissuusseqqinnerillu qularnaarneqarnissai. Ilinniusianik saqqummersitsinermi atuakkanik naqiterisitsisarfiusoq, kiisalu assiliartalersuinermut immikkoortortaqarfik Ilinniartitaanermi Aqutsisoqarfimmut atassuteqarput.     

Ilinniartitaanermi Aqutsisoqarfiup qularnaassavai suli atualinngitsunut-, meeqqat atuarfiinut- aamma  efterskolernermut immikkoortortap inatsisit malillugit pisussaaffiisa naammassineqarnissaannik nakkutilliinissaq aamma kommuninik isumatusaartumik suleqateqarnissaq ilinniarfeqarfiillu ilinniartitaanermi aaqqissuussaanikkut ineriartornissaat qularnaassavai. 

Suli atualinngitsunut immikkoortortaq Meeqqanut, Inuusuttunut, Ilaqutariinnullu Naalakkersuisoqarfiup suliassaqarfiiniippoq. Ilinniartitaanermi Aqutsisoqarfimmi sulisut suli atualinngitsunut immikkoortortami suliassat suliarisarpaat aamma suliassat attuumassutillit Meeqqanut, Inuusuttunut, Ilaqutariinnullu Naalakkersuisoqarfimmut nalunaarutigisarpaat. Ilinniartitaanermi Aqutsisoqarfik aamma Meeqqanut, Inuusuttunut, Ilaqutariinnullu Naalakkersuisoqarfik qanimut suleqatigiipput, kiisalu Paarisa pinaveersaartitsinermik suliniuteqartuusoq Isumaginninnermut Aqutsisoqarfiup immikkoortortaqarfianiippoq.

Akissarsiat atorfeqartitaanermilu atugassarititaasut:
Atorfik IMAK ataani isumaqatigiissutaani LR 39/40-mi inissisimavoq. (LR 39)-mi akissarsiat aalajangersimasut ilaat imaapput: 1. apriili 2021-imi qaammammut 79.085 kr.-upput ukiumullu 949.020 kr.-ullutik.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemandi-tut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassariti-taasut naapertorlugit atorfinitsinneqarsinnaavoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk