Nuna tamakerlugu inuttut atukkatigut tarnillu pissusaatigut siunnersuisarfimmi – nalinginnaasumik ilinniartunik siunnersuisarfimmik taaneqartartumi Nuummiittumi sulisunut aqqaneq marlunnut  pisortanngorusuppit?
Ilinniartunut innuttaasunullu Majoriamiittunut siunnersuinermut- katsorsaanermullu  atatillugu neqeroorutinik inerisaarusuppit?

Nuna tamakkerlugu siunnersuisarfik, Aqqummi aaqqissuussaanikkut Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup ataani inissisimasoq, pisortanit neqeroorutaavoq. Siunnersuisarfiit tallimanik- illoqarfinni ilinniartoqarfinni annerni: Qaqortumi, Nuummi, Sisimiuni, Aasianni Ilulissanilu siunnersuisarfeqarpoq. Inuttut atukkatigut tarnillu pissusaatigut ilinniartunut ataasiakkaanut eqimattanullu akeqanngitsumik siunnersuisarnissaq katsorsaasarnissarlu siunertaavoq.

Atorfiup sap. ak. nal. ak. 40-ni suliffiusussatut naatsorsuussaasup piaartumik imal. isumaqatigiissuteqarnikkut inuttalerneqarnissaa kissaataavoq.

Pissarsiariniagarput tassaavoq ilinniagaqassutsikkut, aqutsinikkut inuttullu piginnaneqarluartoq.

Ineriartortitsinerup suliffeqarfimmi annertuumik sammineqarnissaa naatsorsuutigisariaqarpoq. Nuna tamakkerlugu ilinniartunut siunnersuisarfimmik ineriartortitsinermi pisortaq pingaarutilimmik inissisimavoq. Taamaammat pisortap katsorsaanermut-, ilinniartitaanermut-, isumaginninnermut –peqqissutsimullu tunngasut ilisimaarilluassavai.
Tarnip pissusaanik immikkut ilisimasalittut pisortap Aqqummi pisortaq qullersarissavaa Ilitsersuisarfimmilu aqutsisoqatigiinnut ilaassalluni.

Suliat aqutsinermut tunngasut ilaatigut makkuupput:

• Ilinniartunut siunnersuisarfimmi sulisunut akisussaasuuneq
• Ilinniartunut siunnersuisarfimmi sulisut suliassaannik ilinniagaqassutsikkut inerisaaneq ataqatigiissaarinerlu
• Ilinniartunut siunnersuisarfimmi sulisunut piginnaasanik ineriartortitsinissaq siunertaralugu oqaloqatigiittarnerit
• Aqutseqatigiinni suliniutinik aalajangersakkanillu piviusunngortitseqataaneq
• Siunnersuinermi periarfissanik nunalu tamakkerlugu neqeroorutinik tamatumunngalu atatillugu qarasaasiakkut siunnersuinermik inerisaaneq.

Naatsorsuutigaarput:

• Tarnip pissusaanik immikkut ilisimasalittut ilinniagaqarnissat taamatullu sulisinnaatitaanermut uppernarsaateqarnissat immaqalu immikkut ilisimasalittut ilinniaqqissimanissat- ajornanngippat tarnikkut nappaatinut tunngasunik ikorfartuinermillu misilittagaqarnissat.
• Avasissumiit aqutsinermik- ajornanngippallu suliniutinik aqutsinermik misilittagaqarnissat.
• Katsorsaanermi neqeroorutinik inerisaanermik misilittagaqarnissat.
• Ataasiakkaanik eqimattanillu katsorsaanermik misilittagaqarnissat.
• Ilinniagaqassutsikkut inuttullu sullissininni sunniuteqarluarsinnaanissat.
• Pingaartumik ilinniakkat akimorlugit suleqatiginnissinnaassuseqarluarnissat.
• Suliassat, pisariaqartitat isummallu assigiinngitsut naapiffianni kinguneqartussamik sulisinnaanissat.
• Ilinniartitsinermik ilisimasaqarnissat.
• Attaveqatigiinnermut ingerlatitseqqiinermullu piginnaasaqarluarnissat.
• Qarasaasiarsornermut piginnaasaqarluartuunissat.

Neqeroorutigaagut:

• Kalaallit Nunaanni ilinniartitaanerup siuarsarneqarneranut sunniuteqarsinnaaneq.
• Inuttut ilinniakkatigullu ineriartornissamut periarfissinneqarneq.
• Ikorfartorneqarneq.
• Suliffik eqeersimaartoq.
• Suliffik sukkasuumik ineriartortoq.
• Suleqatit tunniusimasut pikkorissullu.

Akissarsianut atorfininnermullu atatillugu atugassarititaasunut tunngasut.

Atorfik, akissarsiat immikkoortitigaaneranni/LR 36-imiippoq. Atorfininnerup nalaani Namminersorlutik Oqartussat kattuffiullu illuatungiliuttup isumaqatigiissutaat atuuttoq naapertorlugu, akissarsiat atorfininnermilu atugassarititaasut tamatumunngalu ilanngullugu angalanermut pisattanillu assartuinermut akiliunneqarnissaq pissaaq.

Atorfinititsineq tunngaviusumik isumaqatigiissutit naapertorlugit pissaaq, qinnuteqartoq tjenestemanditut atorfimmeersuuppat tjenestemanditut atorfinititsisoqarsinnaavoq.

Naalagaaffimmi tjenestemandit qaffasissumillu ilinniagallit (AC) isumaqatigiissutaat- ilaatigut DJØF-ip Finansministeriallu isumaqatigiissutaat naapertorlugu atorfinitsitat, Kalaallit Nunaanni Namminersorlutik Oqartussani atorfininnermut atatillugu akissarsiaqaratik sulinngiffeqarsinnaatitaapput.

Tunngaviusumik sap. ak. nal. ak. 40-it suliffiuvoq.

Qinnuteqarneq kingusinnerpaamillu qinnuteqaammik tunniussinissaq:
Qulaani pineqartut soqutiginnilersitsisimappata imal. atorfik pillugu paasisutissanik sukumiinerusunik pissarsinissaq kissaatigigukku Aqqummi pisortaq Christine Tønnesen, oqarasuaatikkut: +299 346880, e-mailikkulluunniit: chto@aqqut.gl attavigisinnaavat.

Qinnuteqaat kingusinnerpaamik oktobarip ulluisa 23-ianni Aqqummi tiguneqareersimassaaq, tamatumalu kinguninngua qinnuteqartunik oqaloqateqartoqassalluni.

Qinnuteqaat, CV, ilinniagaqarnermut pikkorissarnernullu uppernarsaatit allagaatillu allat naapertuuttut ilanngullugit ”Send ansøgning”toorlugu nassiutikkit.
Qinnuteqaatinik mailikkut nassiussanik tigusisanngilagut.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk