Sullissineq pitsaassuserlu ilisarnaatigaagit?
Sullisserusulluinnartuuit, attaveqaqateqarluarsinnaallutit aamma aaqqissuussinermut piginnaasaqarluartuullutit,  pisortani qarasaasiat imaasa atortuinik sullissinerup ersittumik angusaqarnermik pilersitseqataarusullutillu. 

Taava imaassinnaavoq illiusoq ujartugarput applikationssupport-teamitsinnut ilaasussaq taakkulu Namminersorlutik Oqartussat qitiusumik oqartussaaffianni sulisunik sullissisuupput.
Suliassatit ilaatigut makkuussapput:

• Sulianik ingerlatsinermut atortup F2 ESDH-p ingerlanneratut isumaginnittuussaatit aamma taassuminnga atuisut pilersuisullu sullisissallugit.
• MS Teams aamma NemKonto sullisissallugit – qarasaasiakkut ungasianiit aamma allaffiinut ornigullutit
• F2-mik aamma MS Teams-imik ilinniartitsineq
• 1st-level support opgavinik isumaginnissinnaaneq

Neqeroorfigisinnaavatsigit atorfimmik unamminartumik pissanganartumillu annertuumik ilikkagaqarfiusinnaasumik sulinermik ingerlatsivimmi aalaniarfiusumi nutaajusumilu, ilaanneeriarluni ulapaarfiusumi aalajangiinermiit aaliangikkap suliarineranut sivikitsuusartumi.

Piginnaasat:
Atorfimmut piukkutissavatsigit uku naammassisimagukkit:

• IT-mut tunngasumik ilinniarsimaguit imaluunniit tekniskimik assigisaanik tunuliaqutaqaruit
• Tamakkuninnga sulineq misilittagaqarfigigukku
• ITIL-imut allagartaqaruit, imaluunniit ilisimasaqarfigigukku (piginnikkaanni pikkorissarneq
• Pinerlussimannginnermut uppernarsaarteqassaatit

 
Neqeroorutigaarput
Suliffik tamatigoortoq, nammineerfiusoq, aamma unammillernartoq sulinerup tungaatigut inuttullu ineriartornissamut periarfissaqarluartoq. Suleqatigiinnermi pingaartorsiorfiunngitsumi peqataassaatit suleqatit pikkorissut tunniusimasullu suleqatigissallugit.   
Pingaartipparput Digitalimik Sullissinermut Aqutsisoqarfimmi sulisut imminnut tapersersoqatigiissinnaanerat sulinermut tunngasut misilittakkallu eqqarsaatigalugit, kisianni immikkut pingaaruteqarpoq maligassiuisinnaassasutit aqutsisoqarfiup anguniagai sammivialu aamma Digitalimik Sullissinermut Aqutsisoqarfiup naleqartitai malissinnaagukkit: Naammassisaqarluarsinnaaneq, Suleqatigiinneq, Akisussaassuseqarneq aamma Ilisimasanik avitseqatigiissinnaaneq.

Uagut pilluta
Digitalimik Sullissinermut Aqutsisoqarfiup siunertaraa inuiaqatigiinni digitalimik ineriartorneq siuarsassallugu IT-mik atuinerup annertunerusumillu digitalinngorsaanerup annertusarneratigut, tassunga ilaalluni pisortat ingerlatsinerata pisariillisarnera.  2023-mi sulinermi siunniunneqarpoq IT- kkut atortorissaarutit aamma aaqqissuussinerup ineriartortinneqarnissaa, taamaalilluni Kalaallit Nunaanni inuiaqatigiinni annertuumik  nutarterinerit ikorfartorneqarsinnaaqqullugit.  Digitalimik Sullissinermut Aqutsisoqarfimmi massakkorpiaq sulisut 32-upput.

Paasissutissat allat
Sukumiinerusumik paasissutissat immikkoortortaqarfimmi aqutsisoq, Aputsiaq Gudbrand Petersen saaffigalugu pineqarsinnaapput, ugguuna:
Mail: apu@nanoq.gl
Oqarasuaatikkut:  +299 345887.

Qinnuteqaatit ingerlaavartumik suliarineqassapput, kisianni tigoreersimassavagut kingusinnerpaamik ulloq qinnuteqarfik nallertinnagu.

Digitalimik Sullissinermut Aqutsisoqarfik inissisimavoq Naalakkersuisut Siulittaasuata Naalakkersuisoqarfiata ataani. Uagut pilluta uani atuaruk: Digitalimik.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk