Find job
Dette jobopslag er udløbet
Applikationskonsulenti
Suleriutsit pitsaassutsillu anguniagaraagit?
Ajornartorsiutini aaqqiissutissat takusinnaavigit? Suliassami ataasiusumi attuumassuteqartut suuneri takusinnaavigit? Ataatsikkut suliassat arlallit suliarisinnaavigit?
Pilersaarusiorsinnaavit, ataqatigiissaarisinnaavit kiisalu suliassaqarfiit akimorlugit suliaqarsinnaallutit?
Taava illit Namminersorlutik Oqartussat qarasaasialeriffianni IT-nut tunngatillugu suliniutinik suliassaqarfimmi pisariaqartippatsigit.
Ilaatigut suliarineqartartussat:
- F2 ESDH-systemimik suliaqarneq atuisut pilersuisullu peqatigalugit suliaqarneq
- F2-mi ilinniartitsinissamut atortussianik suliaqarneq aaqqissuinerillu
- F2-mi MS Teamsimilu ilinniartitsineq
- MS Teamsimi NemKontomilu kiffartuussineq – remoterlutit imaluunniit atuisumut ornigullutit
Atorfimmik unammillernartumik soqutiginartumillu neqeroorutissaqarpugut, atorfimmi suliassat assigiinngiiaarneri peqqutaallutik ineriartorfiusorujussuuvoq, sulisullu inuusullutik, taamaattumik aalajangiisoqarneranit iliuuseqartoqarnissaanut sukkasoorujussuusinnaasarpoq.
Piginnaanissatit:
Atorfinittussaq:
- IT-lerinerup iluani akademiskimik ilinniarsimassaaq imaluunniit allatigut tekniskiunerusumik ilinniarsimassalluni
- Misilittagaqassaaq
- Suliniummik ingerlatsisimassaaq
- ITIL certificereqqassaaq imaluunniit ilisimasaqassaaq (certificerertinnissamut pikkorissarnissaq neqeroorutaasinnaavoq)
Neqeroorutigisinnaasarput
Atorfik tamatigoortoq, namminersorfiusoq, unamminartoq aammalu suliatigut inuttullu ineriartornissamik periarfissagissaartoq neqeroorutigaarput. Sulisut suleqatigiilluartut, pikkorissut aallussisullu akornanni sulissaatit.
Pingaartittorujussuuarput Digitalimik Sullissinermut Aqutsisoqarfimmi sulisut suliat misilittakkallu tungaatigut suleqatigiilluarnissaat, immikkuullarissutullu pingaartitaraarput aqutsisoqarfiup anguniagarisaanut tunaartarisaanullu maligassiuisuunissat minnerunngitsumillu Digitalimik Sullissinermut Aqutsisoqarfimmi pingaartitanik, tassaasunik: Pitsanngorsaaneq, Suleqatigiinneq, Akisussaassuseq ilisimasanillu avitsineq, ingerlatsinissat.
Uagut pilluta
Digitalimik Sullissinermut Aqutsisoqarfiup anguniagaa tassaavoq inuiaqatigiit iluanni digitalimik siuarsaaneq kiisalu IT-mik digitaliseriinermillu atuinerup annertusarnissaa, tassunga ilanngullugu oqartussat allaffissorneranni pitsanngorsaaneq. 2022-mi it-qarnikkut systeminik aaqqissuussaanerullu iluani ineriartortitsinerit ingerlanneqarsimapput, suliarineqartullu Kalaallit Nunaanni inuiaqatigiinni aaqqissuussinerni anginerusuni iluaqutaassapput.
Maannamut Digitalimik Sullissinermut Aqutsisoqarfimmi sulisut 32-upput.
Neqeroorutigisinnaasarput
Atorfik tamatigoortoq, namminersorfiusoq, unamminartoq aammalu suliatigut inuttullu ineriartornissamik periarfissagissaartoq neqeroorutigaarput. Sulisut suleqatigiilluartut, pikkorissut aallussisullu akornanni sulissaatit.
Pingaartittorujussuuarput Digitalimik Sullissinermut Aqutsisoqarfimmi sulisut suliat misilittakkallu tungaatigut suleqatigiilluarniussaat, immikkuullarissutullu pingaartitaraarput aqutsisoqarfiup anguniagarisaanut tunaartarisaanullu maligassiusuunissat minnerunngitsumillu Digitalimik Sullissinermut Aqutsisoqarfimmi pingaartitanik, tassaasunik: Pitsanngorsaaneq, Suleqatigiinneq, Akisussaassuseq ilisimasanillu avitsineq, ingerlatsinissat.
Paasissutissat sukumiinerusut
Atorfik pillugu paasissutissat sukumiinerusut immikkoortortaqarfimmi aqutsisumut, Aputsiaq Gudbrand Petersenimut saaffiginnissutigineqarsinnaapput, uunga:
Mail: apu@nanoq.gl
Oqarasuaat +299 345887
Qinnuteqaatit ingerlaavartumik suliarineqassapput, killiliussamili kingusinnerpaamik tigoreerneqassallutik.
Aaqqissuussaaneq eqqarsaatigalugu Digitalimik Sullissinermut Aqutsisoqarfik Naalakkersuisut Siulittaasuata Naalakkersuisoqarfianit ingerlanneqarpoq. Uani atuarit: Digitalimik.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job