Skip to main content
156

Dette jobopslag er udløbet

Aningaasaqarnikkut misissueqqissaarnernik, naatsorsuutinik aamma paasissutissanik nalunaarsukkanik suliarinninnermik soqutigisalimmik aningaasaqarnermik ilinniagartuumik ataatsimik-marlunnik Aningaasaqarnermut Naligiissitaaner-mullu Naalakkersuisoqarfik s

Aningaasaqarnikkut misissueqqissaarnernik, naatsorsuutinik aamma paasissutissanik nalunaarsukkanik suliarinninnermik soqutigisalimmik aningaasaqarnermik ilinniagartuumik ataatsimik-marlunnik Aningaasaqarnermut Naligiissitaaner-mullu Naalakkersuisoqarfik sulisussarsiorpoq
Misissueqqissaartarnermik piginnaasaqarlutit suleqatiginnilluarsinnaallutillu – naalakkersuinikkut aalajangiinernut tunngaviusussat kisitsitalersorusuppigit, aammalu sullivimmi suliassanut ilisimasaqarluarnermik ineriartortitsinermillu annertuumik pingaartitsisumi sulineq nuannaraajuk – taamaappat Aningaasaqarnikkut Pilersaarusiornermut Immikkoortoqarfimmi sulisussarsiorpugut.

Atorfik pillugu
Aningaasaqarnermut Naligiissitaanermullu Naalakkersuisoqarfik allallaqqissumik/-nik kisitsisinillu paasinnillaqqissumik/-nik, qaffasissumik pitsaassusilinnik aningaasaqarnikkut misissueqqissaarnernik kisitsisilerinermillu suliaqarsinnaasumik/-nik, sulisussarsiorpoq. Misissueqqissaarnertut ittunik aalajangiinernut tunngavissaliissaatit kiisalu aningaasanut inatsimmut tunngavigisap suliarineqarnerani peqataasassallutit. Ilaatigut pisortat aningaasartuutaasa, akileraartarnermut inatsisip isumaginninnermulluunniit ikiorsiissutit allannguutaasa iluanni misissueqqissaarnermik immikkut suliniutinik suliaqarsinnaassaatit. Suliffik annertussutsimik uuttortaanermik suliaqarfiussaaq, tamatumani paasissutissanik misissueqqissaarnermik annertuumik suliaqarnissaq naatsorsuutigineqarluni.
Suleqatigiinni ilinniarsimalluartuni aningaasaqarnikkut pilersaarusiorluarnerup aamma naalakkersuinikkut aalajangiinernut patajaatsunik aalajangiinissamut tunngavissanik qulakkeerinissaq pillugu ataatsimoorlutik siunnerfeqartuni, ilaalissaatit. Atorfik inuttut piginnaasanut naleqqussarneqarsinnaassaaq, naatsorsuutigineqarlunili suliassaqarfiit aningaasanut inatsisip missingersuusiorneqarnerata, naatsorsuutinik misissueqqissaarnerup, akileraarutit ikiorsiissutilluunniit allannguutaasa sunniutissaannik naatsorsuinerup iluini suliaqarnissaq.

Suliassatit
Suliassaniipput pingaarnertigut aningaasaqarnikkut pilersaarusiornermit sukumiisumik misissueqqissaarnermut kiisalu naalakkersuinikkut suliassanik suliarinninneq. Suliassatut naatsorsuutigineqartut, illilli piginnaasannut naleqqussarneqarsinnaasut, matuma kinguliani allattorsimapput:

  • Paasissutissanik misissueqqissaarneq
  • Aningaasanut inatsimmut atatillugu missingersuusiorneq
  • Akileraarutit allannguutaannik ikiorsiissutillu allannguutaannik aningaasaqarnikkut misissueqqissaarnernik sunniutaasussanillu naatsorsuinernik ingerlatsineq
  • Aningaasartuutinik misissueqqissaarnerit
  • Namminersorlutik Oqartussani aningaasaqarnikkut aqutsinermik ineriartortitsineq
  • Attassisinnaanermik periusissiamik DREAM-imit suliarineqartumik atuineq
  • Naalakkersuinikkut suliassanik suliarinninneq, ilanngullugit tusarniaanerit aamma § 37 naapertorlugu apeqquteqaatit
  • Suliassaqarfiit akimorlugit suleqatigiinneq, ilanngullugit EU-mut aamma Kalaallit Nunaanni Aningaasaqarnikkut Siunnersuisooqatigiinnut tunngatillugu suliassat
  • Aningaasaqarnikkut saqqummersitassanik suliaqarnermut atatillugu ikiuunneq
  • Aammalu pisariaqartitsineq malillugu Naalakkersuisoqarfiup suliassanik allanik isumaginninnerani peqataaneq.

Naatsorsuutigaarput:

  • Aningaasaqarneq pingaarnertut sammisaralugu inuiaqatigiilerinermik ilinniagaqartutit naleqquttumik
  • Allattariarsornikkut taamatullu oqaluinnarnikkut paasissutissiillaqqissuusutit
  • Misissueqqissaarnermik ilisimasaqarluartuusutit aammalu IT atorlugu misissueqqissaarnernut sakkussanik naleqquttunik misilittagaqaruit pitsaassalluni
  • Paasissutissanik suliaqarnermik ilisimasaqartutit, matumani atortorissaarummik R-imik ilisimasaqarnissaq iluaqutaassalluni
  • Prisme imaluunniit Microsoft AX-system atorlugit suliaqarsimasutit, tamanna iluaqutaasussatut isigineqarluni
  • Pingaartumik aaqqissuussaanermit politikikkut aqunneqartumit inuussutissarsiornermi misilittagaqarneq, tamannalu annertuumik iluaqutaasussatut isigineqarluni
  • Inuiaqatigiinnut kalaallinut oqaatsinullu ilisimasaqartutit kiisalu inuiaqatigiinnut kalaallinut tunngasunut paasisimasaqarneq, tamannalu iluaqutaalluinnartussatut isigineqassalluni
  • Minnerpaamillu qaffasissumik tuluttut oqalussinnaaneq.

Neqeroorutigaavut:

  • Suliffik pissanganartoq akisussaassuseqarfiusorlu
  • Paasissutissiissuseqatigiittarneq ukkataralugu suliaqarfimmi pitsaasunik avatangiisilinni ilaalernissaq aammalu iliuuseqarnissamut aqqutissaq sivikitsoq
  • Naalakkersuinermut tunngasunut qanittumiinnissaq
  • Suliassat allanngorartut aammalu suliassaqarfiit akimorlugit suliassaqarfiusut
  • Anguniakkat pingaarnerit iluanni annertuumik sunniuteqarneq
  • Persuarsiorfiunngitsumik suleqatigiinnermi periaaseqarneq

Uagut pilluta
Naalakkersuisoqarfik Naalakkersuisut ataanni qitiusumi allaffeqarfiup ilagaa. Sulinitsinni qitiusoq tassaavoq naalakkersuinikkut aningaasaqarneq. Naalakkersuisoqarfik maannakkorpiaq 32-nik  sulisoqarpoq immikkoortortaqarfinni arlalinni agguarsimasunik, taakkunani ilaallutik aningaasaqarneq, inatsisilerineq nunalu tamakkerlugu pilersaarusiorneq. Naalakkersuisoqarfiup ataaniipput Akileraartarnermut Aqutsisoqarfik, Aningaasaqarnermut Sulisoqarnermullu Aqutsisoqarfik kiisalu Naatsorsueqqissaartarfik.
Suliassarput pingaarneq tassaavoq Aningaasaqarnermut Naligiissitaanermullu Naalakkersuisup sullinnissaa siunnersornissaalu kiisalu aningaasaqarnermut naalakkersuinikkut oqaluuserisassanik ataqatigiissaarineq. Aningaasaqarnermut akileraartarnermullu inatsisinik suliaqarneq, nakkutilliinermik misissueqqissaarnermillu suliassat, aningaasaqarnikkut sanaartorfissanillu pilersaarusiornermik suliaqarneq kiisalu aningaasaqarnikkut iluarsaaqqinnerni isumaginninneq.

Aningaasarsiatigut atorfinitsitaanermilu atugassarititaasut
Piffissaq suliffiusoq sapaatip akunneranut nalunaaquttap akunnerinik 40-nik sivisussuseqarpoq.
Aningaasarsianut atorfininnermullu atugassarititaasut Namminersorlutik Oqartussat aamma kattuffiup isumaqatiginninniarsinnaatitaasup pineqartup akornanni isumaqatigiissut/sulisartut isumaqatigiissutaat atorfininnerup nalaani atuuttoq naapertorlugu pissapput.
Atorfiit aallaaviatigut AC-fuldmægtigitut inuttalerneqassapput. Kandidatinut naleqquttumik ilinniagalinnut kiisalu annertuumik naleqquttumik misilittagalinnut immikkut siunnersortitut atorfinitsinneqarnissaq periarfissaasinnaavoq.
Naalagaaffimmi tjenestemandit aamma AC-nut isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq Namminersorlutik oqartussanut innersuussutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/aappaannut aamma atuupput.
Suiaassuseq, inuiaassutsikkut tunuliaqutaq, upperisaq imaluunniit innarluuteqarneq apeqqutaatinnagu naligiissitsinissaq Naalakkersuisoqarfiup siuarsassallugu kissaatigaa. Taamatuttaaq inuunermi misilittagaqarneq inuttullu inerisimaneq iluaqutaasutut isigaavut.

Paasissutissat annertunerusut
Atorfik pillugu paasissutissat erseqqinnerusut piniarneqarsinnaapput immikkoortortaqarfimmi pisortaq Emil Garney saaffigalugu oqarasuaammut +299 34 51 62 imaluunniit e-mail egar@nanoq.gl.
Namminersorlutik Oqartussat pillugit paasissutissanut erseqqinnerusunut takuuk www.naalakkersuisut.gl.

Qinnuteqarneq
Qinnuteqarnissamut killigitinneqarpoq ulloq 18. august 2022 nal. 12:00.
1. oktober 2022 imaluunniit isumaqatigiinneq naapertorlugu atorfininnissaq siunertaralugu atorfinitsitsinissamut oqaloqateqarnerit 2022-mi augustip naajartornerani ingerlanneqassasut naatsorsuutigineqarpoq.
Qinnuteqaammut ilannguteqquneqarput CV aammalu soraarummeersimanermut uppernarsaatit tamakkiisut, ilinniarsimanermit tamarmiusumit karakterit pappialanngortinneri kiisalu oqaaseqaatit, inassutiginninnerit innersuussiviillu attuumassuteqartut ilanngullugit.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk