Skip to main content
95

Dette jobopslag er udløbet

Aningaasaqarnermut Sulisoqarnermullu Aqutsisoqarfimmi (ASA-mi) Sullissisarfimmut Pisiortortarnermullu immikkoortortaqarfimmut pisortaq

Kalaallit Nunaanni Namminersorlutik Oqartussat suliarisartagaannut qitiulluinnartumik inissisimarusuppit? Aningaasaqarnermut Sulisoqarnermullu Aqutsisoqarfimmi Sullissisarfimmut Pisiortortarnermullu immikkoortortaqarfimmi pisortatut ullut tamaasa suliatigut inuttullu piginnaasatit atortarsinnaavatit!

Sullissinermut immikkoortortaqarfimmi allaffeqarfiit pingasuupput: pisiortortarnernut, sanaartornernut ineqartitsigallartarnernullu allaffik, illuutinut sullissinermullu allaffik aammalu nutserisoqarfik.

Allaffeqarfinni suliarineqartartut ilaatigut makkuupput:

  • Kalaallit Nunaanni Namminersorlutik Oqartussat pisiniartarnermut periusissiaat naapertorlugit Namminersorlutik Oqartussanut pisiortortarnerit suliarinnittussarsiuussisarnerillu
  • Namminersorlutik Oqartussat sulisuinut utaqqiisaasumik inissianik allatullu utaqqiisaasumik ineqartitsisarneq
  • Nuummi Namminersorlutik Oqartussat allaffissornikkut illuutaanik aserfallatsaaliuineq ingerlatsinerlu
  • Namminersorlutik Oqartussani nutserinermi oqaluttaanermilu sullissineq
  • Kalaallit Nunaanni Namminersorlutik Oqartussat kantiinaanik, TAMU-mik, ingerlatsineq.
  • Aningaasanut inatsimmi kontu pingaarnernik assigiinngitsunik aningaasatigut aqutsineq


Ilinnut tunngasut
Sullissinermi immikkoortortaqarfimmi allaffeqarfiit assigiinngiiaaqaat, taamaammat siamasissumik sulisinnaasariaqassaatit. Allaffimmi pisortat pingasut pikkorissorsuit sulisorissavatit, taakkulu sulininni tapersersussavaatsit. Taamaammat suut tamarmik pillugit suut tamaasa ilisimasariaqanngilatit, kisiannili suliarinnittussarsiornermi misilittagaqarnissat aammalu sullissinermut tunngasunik soqutigisaqarnissat qitiupput.

Makkuninnga suliatigut piginnaasaqarnissat pingaartipparput:

  • Aqutsinermik misilittagaqartutit
  • Kandidatitut qaffasissusilimmik naleqquttumik ilisimatusarsimavutit (Cand.jur assigisaallu)
  • Neqerooruteqarsinnaatitaanermi misilittagaqassaatit aammalu kiffartuussinissamik isumaqatigiissutinik suliarinnittussarsiornermi misilittagaqarlutit
  • Oqaatsitigut allattariarsornikkullu attaveqaqatigiillaqqipputit
  • Kisitsisit tungaatigut pikkorissuseqassaatit


Inuttut piginnaasatit:

  • Pissusilersornikkut tatiginnilersitsisinnaasuuvutit kajumissuseqalersitsisinnaallutillu
  • Kalaallit Nunaanni inuiaqatigiit, kalaallit kulturiat kiisalu kalaallisut oqaatsit ilisimasaqarfigivatit
  • Suleqatikkuminartuussaatit atuisullu paasinnittariaasiat aallaavigalugu sullissisinnaassaatit
  • Qasujaatsuuvutit, suliniutit iluatsinngitsoortarnissaat pinaveersaarniarlugu
  • Eqaatsumik sulisinnaavutit ulluinnarnilu allanngorartumi sulilluarsinnaavutit
  • Sunniuteqarluartuuvutit siuttuunissannullu tunuarsimanatit - aamma ulapaarfiup nalaani


Tamatuma saniatigut inuiaqatigiinnut kalaaliusunut tunngasunik ilisimasaqarluarneq aammalu inuiaqatigiinnut kalaaliusunut tunngasunik oqaasiinillu paasinnissinnaaneq iluaqutaassapput

Neqeroorutigaavut
Suliffeqarfimmi pissanganartumi ineriartortitsineq sulianullu tunngasunik piginnaasat qitiutillugit atorfik pissanganartoq Naalakkersuisoqarfiit Qitiusumik allaffeqarfiat akimorlugit sullillugit atorfiusoq neqeroorutigaarput. Aningaasaqarnermut Sulisoqarnermullu Aqutsisoqarfimmi Sullissinermut Pisiortornermullu immikkoortortaqarfimmut pisortatut inatsisilerituut, igaffinni ikiortit assigiinngitsorpassuillu pakkutarissavatit. Aningaasaqarnermut Sulisoqarnermullu Aqutsiveqarfimmi pisortamut nalunaartartussaassaatit.

Aningaasaqarnermut Sulisoqarnermullu Aqutsisoqarfik pillugu
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianut sulisunullu tunngasut, nutserisoqarneq kiisalu illuutinik ingerlatsineq aserfallatsaaliuinerlu akisussaaffigai. ASA-p tunngavia tassaavoq "ASA pisortani oqartussaaffiuvoq uppernassusilik takussaasorlu. ASA immikkoortortaqarfiit, suliffeqarfiit innuttaasullu suleqatigiinnerat ineriartortinniarlugit sulissuteqarpoq". ASA-p periusissanut tunngasutigut anguniagai tassaapput nunatsinni ineriartortitsisarnernut sulisunik tunniussinissaq, tamanna pisortat ingerlataqarfiinik pisariillisaaneq aqqutigalugu, piginnaasatigut ineriartortitsisarnernik pingaarnersiuineq kiisalu ASA-p pingaarnertut suliassaanut tamanut erseqqarissumik anguniagaqarnikkut pisinnaavoq.  ASA pillugu annertunerusumik paasisassarsiorsinnaavutit uani www.asa.gl

ASA-mi Naleqartitat:

  • Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut.
  • Suleqatigiinneq - Suleqatigut sullitavullu pitsaasumik suleqatigaagut
  • Isumassuineq - Ikiuukkumatuujuvugut akunnitsinnilu paareqatigiilluta


Atorfik pillugu annertunerusumik paasisaqarusukkuit, aqutsisoqarfiup pisortaanut André Guttesenimut, andg@nanoq.gl, imaluunniit sulisoqarnermut isumaqatiginninniartarnermullu pisortamut Frederik Schmidtimut, fsch@nanoq.gl, attaveqarsinnaavutit.
 

Atorfinitsitaanermi atugassarititaasut
Atorfik akissaateqarfimmi LR 38-misut qaffasissusilimmi maanna inissisimavoq.

Aningaasarsiat aalajangersimasunik aningaasarsianut ilallit LR 38-mi 1. april 2021-miit qaammammut  56.370 kr.-nik ukiumullu  676.441 kr.-nik amerlassuseqarput.

Aallaaviatigut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Naalagaaffimmi tjenestemandit aamma AC-mi isumaqatigiissutit arlallit, ilaatigut DJØF-ip Finansministeeriaqarfiullu akornanni isumaqatigiissutit malillugit sulisut Namminersorlutik Oqartussani atorfinitsinneqarnerminnut atatillugu aningaasarsiaqaratik sulinngiffeqarsinnaatitaapput. Aammattaaq Nunamullu namminermut Ministeriaqarfiup Kalaallit Nunaanni Namminersorlutik Oqartussani atorfinitsitaanerminnut atatillugu akissarsiaqaratik sulinngiffeqarallarnissamik qinnuteqaateqartunut akuersaartumik pissusilersortoqassasoq kommuninut nunallu immikkoortortaanut inassutigisimavaa. Sulinngiffeqarallarnissaq pillugu aalajangersakkat Kalaallit Nunaanni Namminersorlutik Oqartussani inuit atorfinitsinneqartut uiinut nuliaannut/ aappaannut aamma atuupput.

Atorfimmut atatillugu piffissap suliffiusussap sivisunerpaaffissaa aalajangersagaanngilaq, aamma qaangiuttoornermi ajunngitsorsiassaqarneq pillugu aalajangersakkat kiisalu ullunik sulinngiffiusussanik annaasaqarnermi ajunngitsorsiassat pillugit aalajangersakkat atuutinngillat, aallaaviatigut sap. akunneranut 40 tiimit sulisoqassaaq.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.


Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.


Qinnuteqarneq
Qinnuteqarnissamut killissarititaq tassaavoq 9. december 2021.
Isumaqatigiissuteqarnikkut atorfinittoqarsinnaavoq. Qinnuteqaat CV-mik ilalik aammalu ilinniakkamit tamarmiusumit soraarummeersimanermit uppernarsaatinik angusaasimasunillu tamanik ilalik nassiuteqquneqarpoq. Oqaloqatiginninnermut atatillugu misiligutinik atuisoqassaaq.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat attuumassuteqartut "qinnuteqaat nassiuguk" toorlugu nassiutikkit.

E-mailikkut qinnuteqaatinik tigusineq ajorpugut.


Naalakkersuisut pillugit
Suliassanik unammillernartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit, taava Namminersorlutik Oqartussani sulinissat tulluuppoq.

Suliamut tunngatillugu sulisutut piginnaasaqarnissaq, pissutsinut misissueqqissaarneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit ataatsimoortumillu takunnissinnaanerit pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut attuumassuteqarpugut. Naalakkersuisut aalajangernissaannut tutsuiginartumik tunngavissinnissaat kiisalu politikikkut aalajangikkat piviusunngortinnissaat Qitiusumik Allattoqarfiup suliassaraa.

Namminersorlutik Oqartussat pillugit uani paasisaqarnerusinnaavutit www.naalakkersuisut.gl/job

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk