Skip to main content
90

Dette jobopslag er udløbet

Aningaasaqarnermut Sulisoqarnermullu Aqutsisoqarfimmi (ASA) pisortanut allatsissarsiorneq

Allaffissornikkut suliassat assigiinngitsorpassuit suliarerusuppigit aamma ulluni ulapaarfiusuni suliatit naammassinissaasa tungaanut malinnaavigerusuppigit?  Taava Aningaasaqarnermut Sulisoqarnermullu Aqutsisoqarfimmi pisortanut allatsitut suliffissaqartippatsigit.

Immikkoortortaqarfiuvugut avammut sammisitanik sulialik uagullu suliassaraarput akisussaaffeqarfitsinni immikkoortortaqarfinnik allanik ilitsersuineq sullissinerlu. Ingerlatsinermut aaqqissuussaavugut Kalaallit Nunanni pisortat suliassaqarfiinut annertuumik akisussaaffeqarluta. Suliassatut qitiusutut isigaarput akisussaaffeqarfitsinni allaffissornikkut sulinerup pisariillisarneqarnissaa, taamaalillutik Namminersorlutik Oqartussani immikkoortortaqarfiit allat suliassaannik aamma inuiaqatigiinnut innuttaasunullu akisussaaffimminnik sammisaqarniassammata.

Pisortanut allatsitut allaffissornikkut suliassat arlalippassuit isumagisassavatit, taakku pisortaanernut tapersersuisuussapput – matumani aqutsisoqarfimmi pisortaq immikkoortortaqarfinnilu pisortat sisamat.
Aqutsisoqarfiup pisortaanut nalunaartartussaassaatit.

Aqutsisoqarfiup qullersaanik allaffissornikkut sullissisutut suliassatit:

  • Ullorsiutitigut pilersaarutinik aqutsisarnerit, ataatsimiittarfinnut inniminniinerit, angalanissanut inniminniinerit kiisalu aaqqissuussinernut ataatsimiinnernullu ataqatigiissaarineq ingerlatsinerlu
  • Aningaasaqarnikkut, inatsisitigut allaffissornikkullu suliassat.
  • Illup iluani avataanilu ataatsimiinnerni ataqatigiissaarineq matumani ullormut oqaluuserisassanik imaqarniliornernilu suliaqartarneq
  • Aqutsisoqarfimmiik avammut paasissutissat saqqummiunneqarnissaannut suliarinnittuussaatit
  • Naalakkersuisoqarfimmiik suliakkissutinik, tusarniaavigineqarnermilu ataqatigiissaarineq
  • Aqutsisoqarfiup ineriartortitsinerani suleqataaneq.
  • Suliassanik immikkut siunertalinnik suliarinnittarnerit.


Sulianut tunngasutigut piginnaasat:
Aqutsisoqarfimmi Politikkikkut aqunneqartumi, Aqutsisunik sullissinermik misilittagaqarnissat, tulluartumillu ilisismatusarsimanisssamik tunuliaqutaqarnissat takorluugaraarput.
Misissiueqqissaarsinnaaneq, politikkikkullu paasisimasaqarneq. Attaveqarnermi oqaatsitigut allattariarsornikkut Inuttullu qanilaassutsikkut, pikkoriffeqarnissaq.
Suleqatikkuminartuunissaq, ataqatigiissarluakkamillu sulisinnaanissaq.

Inuttut piginnaasat:

  • Inuttut ajunngitsuuvutit, kiffartuussinermut sammisuullutit, akuersaartuullutit akuliussinissarlu ersissutigisarnagu.
  • Sulerusussuseqartuuvutit namminersorsinnaassuseqarlutillu
  • Unammillernartumik suliaqassallutit naammassinnissallutillu tunuarsimaartuunngilatit
  • Ulluinnarni sunniuteqarluarfiusumi aaqqissuulluakkamillu sulinissat nuannaraat
  • Kalaallit Nunaanni inuiaqatigiinni pissutsinik oqaatsinillu ilisimasaqarneq iluaqutaassaqaaq


Ilaatigut makkua neqeroorutigaagut:
- Suliffik sulisunik pimoorussisunik sulisulik
- Pilersaarusiornikkut aaqqissuussaasumillu killiffimmi sulianik ilinniagaqarsimanikkut sunniivigeqatigiittarluni ataatsimoorneq
- Inuttut sulisutullu ineriartornissamut periarfissat
Ilioriusissanut tunngatillugu siunertarisatta anguniagassavut tassaapput: Inuiaqatigiinni nukissat Kalaallit Nunaata ineriartortinneqarneranut atugassanngortinneqassasut.
Suliffik una pingaartitanik pingasunik tunngaveqarpoq:

  • Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
  • Suleqatigiinneq - Suleqatigut sullitavullu pitsaasumik suleqatigaagut
  • Isumassuineq - Ikiuukkumatuujuvugut akunnitsinnilu paareqatigiilluta


Atorfik pillugu paasisimasaqarnerorusukkuit, uunga attaveqarnissanut tikilluaqquatsigit Aqutsisoqarfimmi Aqutsisuunermut sinniisoq Rikke Skram-Skuldbøl mailikkut risk@nanoq.gl attaveqarfigalugu imaluunniit oqarasuaatikkut: +299 34 64 29

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Siunnersorti misilittakkat tunngavigalugit atorfinitsinneqassaaq. Ukiut pingasut sinnerlugit, atorfimmik assingusumik misilittagalimmut, Immikkut Ilisimasalittut Siunnersortitut (specialkonsulent) atorfinittoqarsinnaalluni.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk