Skip to main content
91

Dette jobopslag er udløbet

Aningaasaqarnermut siunnersortimik pissarsiorneq

Nunatsinni pisortat ataatsimut ERP allaffeqarfianni siunnersortitut sulissallutit piareersimavit?

Pisortat ataatsimut ERP-mi allatseqarfianni aningaasaqarnermut siunnersortinik sulisussarsiorpugut, aningaasaqarnermut siunnersortitut allami misilittagaqarnissaq iluaqutaassaaq.
ERP allaffeqarfiup Kalaallit Nunaanni tamani ERP systemit tamaasa allaffeqarnerat aqunneqarnerilu akisussaaffigaa. Kalaallit Nunaanni kommunini tallimani aamma Namminersorlutik Oqartussani, Kalaallit Nunaanni pisortat ataatsimut ERP-mi nalunaarsuiffimmik ingerlatsinissaq ERP allaffeqarfimmi suleqatitillu qularnaassavarsi.

Suliassatit
Allaffimmi pisortamut nalunaarsuisussaatitaallutit suliassanik ukuninnga akisussaaffeqassaatit:

  • Nalunaarsuiffimmik ERP-mik ikkussuineq
  • Atuisunik ikiuineq
  • Kommunini aamma Namminersorlutik Oqartussani immikkoortortaqarfinnut Naalakkersuisoqarfinnullu oqaloqateqartarnermi attaveqartarnermilu peqataaneq
  • Misileraanerni peqataaneq
  • Ilinniartitsinermi atortunik suliaqarneq ilinniartitsinerillu suliaralugit
  • Allaffimmi suliassanut tunngassuteqartunik suliaqarneq
  • Suliniutip kinorna ERP systemip allaffeqarnikkut aqutsisoqarnikkullu qitiusumik ingerlannera

Piginnaasatit
ilimagaarput immikkoortuni ataaniittuni ataatsimi arlalinniluunniit misilittagaqartutit:

  • aningaasaqarnermik aqutsinermik aningaasaqarnermilu nalunaarsuiffinnik
  • suliaqarneq, AX2012 suliaqarnermik misilittagaqartoq
  • ilinniartitsineq
  • ikiuilluni sullissineq
  • paasititsiniaaneq
  • suliniutinik suliaqarneq, sapinngisamik IT-lerinikkut 
  • kalaallisut danskisullu piginnaasaqarneq

Naatsorsuutigaarput inuttut piginnaasaqarluartutit, tusarnaarsinnaasutit, paasissutissanik paasisaqarsinnaasutit kiisalu ingerlateqqissinnaagitit, aamma attaveqartarnermik pikkoriffeqartutit aalaakkaasumillu attaveqaqalersinnaasutit. Suliffeqarfimmi tamanut attaveqallaqqissuusutit, allattariarsornikkut oqaluinnarnermilu.

Ilinniakkatit
Piginnaasatit qulaaniittunut naapertuuppata aaliangiisuussanngillat.

Uagut pilluta
Naalakkersuisut anguniagaraat IT-mik digitaliseriinermillu annertunerusumik atuinikkut Kalaallit Nunaanni inuiaqatigiit digitalikkut ineriartornerat siuarsarnissaa, pisortat allaffissorneranni pisariillisaaneq aamma anguniarlugu.Tamanna ERP-mik suliniuteqarnerup pingaaruteqartup ilagaa. Suliniut maannakkut suliniutinik aaqqissuussaanermit tapersiisussatut qitiusumik ataavartumik allaffeqarfinngornissamut ikaarsaarpoq.

Neqeroorutigaagut
Atorfik assigiinngitsunik suliaqarfiusoq tamatigoortoq, namminersorfiusoq unammillernartorlu neqeroorutigaarput, suliamik ingerlatsinermi inuttullu ineriartornissamik periarfissiisoq. Suleqatit pikkorissut tunniusimasullu peqatigalugit persuarsiorani suliffimmi avatangiiseqarfiusumi suleqataassaatit.
Aaqqissuussaanermi ERP allaffeqarfimmiissatit, taannalu maannakkut Digitalimik Sullissinermut Aqutsisoqarfiup ataaniippoq. Allaffimmi pisortamut nalunaarsuisussaatitaassaatit.

Atorfik pillugu annertunerusunik paasisaqarusukkuit allaffimmi pisortaq Svend Lynge Larsen attaveqarfigisinnaavat, oqarasuaatikkut +299 346478 mailikkulluunniit uunga: svll@nanoq.gl.

Qinnu

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk