Skip to main content
134

Dette jobopslag er udløbet

Aningaasaqarnermut siunnersortimik misilittagalimmik pissarsiorpugut

Peqqinnissaqarfimmi aningaasaqarneq pillugu qullersanut siunnersuisarfik, aningaasaqarnermut siunnersortimik, 2022-imi novembarip ulluisa aallaaqqaataanni immikkulluunniit isumaqatigiissuteqarnikkut atorfinittussamik, pissarsiorpoq.

Peqqinnissaqarfik peqqinnissamut tunngatillugu neqeroorutinut, isertitatigut aningaasartuutitigullu eqaallisaanermut nukissanik atugassiinissamut ineriartorpoq.

Peqqinnissaqarfik ataatsimoornerusoq ataqatigiissorlu immikkut qitiutillugu -1,5 mia. koruunillu atornissaannut missingersuutinik aqutsinermut tunngatillugu paasilertoruminarsaanissaq suliaraarput.

Aningaasaqarnermut siunnersuisarfik Peqqinnissaqarfimmi allafissornikkut ingerlatsinermi ilaasoq, 18-inik pimoorussisunik nammineersinnaassusilinnillu sulisoqarpoq. Immikkoortortaq Nuummi inissisimavoq, nunarpulli tamakkerlugu qitiusumik napparsimmavinnik peqqissaavinnillu sullissisuullunissaaq.
Nutaamik aningaasaqarnermut siunnersuisarfimmi allaffissornermi naatsorsuuserinermilu suliassanik akisussaaffimmik tigusisinnaasumik, ataqatigiissaarisinnaasumik suliallu naammassinissaannut malittarinnittussamik sulisoqalernissaq pisariaqartipparput.

Allaffissornikkut/naatsorsuuserinikkut suliassat ilaatigut makkuupput:

  • Pisortaqarfinnut sillimmasiisarfinnullu akiligassiineq
  • Aningaasanik tunniusseqqusissusiorneq soorlu angalanermi aningaasartuutinik siumuukkanillu naatsorsuuserineq assigisaallu.
  • Qammammut ukiumoortumillu naatsorsuutinik naligiissaarineq
  • Aningaasaliissutinik ass. pikkorissaanernut aningaasaliissutinik allafissornikkut ingerlatsineq
  • IRIS-imi takussutissianik/bilaginik naatsorsuutinut nalunaarsuineq
  • Mailikkut attavigisanik ataatsimoortunik suliaqarnermi ataqatigiissaarisuuneq
  • Suliniutini peqataaneq
  • Immikkoortortami namminermi suliffeqarfillu akimorlugu suliassat siunertamut aalajangersimasumut tunngasut.

Suliassat annertussutsimikkut nikerarput, ilinniagaqassutsinnullu soqutigisannullu naleqqussarneqarsinnaassallutik.

Naatsorsuutigaarput:

  • Minnerpaamik ukiut pingasit tallimallu akornanni naapertuuttumik aningaasaqarnermut /naatsorsuuserinermut/allaffissornikkut ingerlatsinermut tunngasunik misilittagaqarnissat
  • Peqqinnissaqarfimmi ilinniagalinnik immikkoortortanillu allanik attaveqateqarsinnaanissat
  • IRIS-ip Ledelsesinfo-ip, EXCEL-ip kiisalu F2-ip ilisimanerat iluaqutaassaaq
  • Sulianik ingerlatsinermi namminerisamik akisussaaffimmik tigusinissamut kajumissuseqarnissat
  • Ilinniakkat akimorlugit avatanngiisini, sulisut ataasiakkaat ataatsimut isiginnillutik aaqqiissuteqaqataaffianni sulinissamut kajumissuseqarnissat
  • Qiimasuunissat, sapiissuseqarnissat qungujunnartunillu nuannarisaqarnissat
  • Illugiinnik oqaaseqarnissat kissaataavoq piumasaqaataananili.



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Atorfik pillugu apeqqutissaqaruit qullersanut siunnersuisoqarfimmi aningaasaqarnermut immikkoortortami pisortaq Ann Kelsen oqarasuaatikkut: 299 34 45 77 imal. mailikkut: anke@peqqik.gl attavigisinnaavat

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk