Skip to main content
159

Dette jobopslag er udløbet

Aningaasaqarnermut siunnersorti USF-imut

Ilinniartitaanermut, Kultureqarnermut, Ilageeqarnermullu Naalakkersuisoqarfik, Ilinniagaqarnersiuteqarnermut ingerlatsivimmut aningaasaqarnermut siunnersortissarsiorpoq.
 
Ilinniartut ilinniagaqarnersiuteqarnerannut sullissinerup ineriartortinneqarnissaanut suleqataarusuppit? Ilinniagaqarnersiuteqarnermut ingerlatsivimmut nutaamik suleqatissarsiorpugut. Ilinniagaqarnersiuteqarnermut ingerlatsivimmi suleqatigiit qiimasut tallimaapput, ataqqinnillutik ilinniagaqartunik sullisserusuttut.
                        
Atorfimmut anguniakkat nalinginnaasut:                                                                 
Suliassat pingaarnertut akisussaaffigissavatit ilinniagaqarnersiutinik naatsorsuutinik ataavartumik allattuineq, naatsorsuutinillu killiffinnut kontunik nangitsineq. Taakkulu saniatigut anguniakkanut nalinginnaasut iluarsinissaannut aammalu Ilinniagaqarnersiuteqarnermut ingerlatsivimmut suliassanut peqataaneq.
Tassunga ilanngullugit:

  • Kalaallit Nunaanni avataanilu ilinniagaqartunik sullissineq
  • Ilinniagaqarnersiutinik aningaasaliisarnermut qinnuteqaatinik tapiissutillu ingerlaannarnissaat pillugu qinnuteqaatinik sullissisarneq, taakkununnga ilaalluni tapiissutit ingerlaannarnissaannut pisinnaatitaanermik nalilersuineq
  • Kalaallit Illutaannit Qallunaat Nunaanniituni, ilinniarfinnit ilaalu ilanngullugit ilinniarnermut ikiorsiissutit pillugit allakkatigut oqarasuaatitigullu saaffiginnissutinik akissuteqartarnerit.

Ilinniagaqarnersiuteqartitsivik ulluinnarni KAF-imik taagorneqartartoq Ilinniartitaanermut, Kultureqarnermut, Ilageeqarnermullu Naalakkersuisoqarfimmi aningaasaqarnermut, sulisoqarnermut Ilinniartunillu Kiffartuussinermut Immikkoortortaqarfiup ilagaa. Atorfik ilaatigut periarfissiivoq ilinniaqqinnissamut taamaalillutit siunnissaq isigalugu siunnersuisarnerit, siunnersuinerit, ilitsersuisarnerit ilinniartunik Kalaallit Nunaanni Danmark-imilu siunnersuisartunut tunngatillugu ilinniarnermi tapiissutinut ilinniartunillu apeqqutinut tamanut  Atorfiup ungasittoq eqqarsaatigalugu ingerlassinnaassagai .
 
Naatsorsuutigaarput, qinnuteqartoq:

  • Suliamut attuumassutilimmik ilinniagaqarsimasutit, assersuutigalugu allaffimmiutut ilinniarsimasutit assingusumilluunniit.
  • Naatsorsuuserinermut paasinnissinnaassuseqarluartutit, naatsorsuutinik allattuisinnaasutit, sullissinernillu tunngaviusumik paasinnissinnaassuseqarlutit
  • Arlalippassuarnik suleqateqallaqqissuusutit
  •  IT-mi ataqatigiimmik aaqqissuussinernut nutaanut paasinnillaqqissuusutit
  • Aaqqissuulluakkamik sulisinnaasutit ilaannaanillu sammisaqarsinnaallutit
  • Marlunnik oqaaseqartuusutit, kalaallisut qallunaatullu.

Atorfimmi ulluinnarni USF-imi immikkoortortaqarfimmi aqutsisumut suliassanut tunngasutigut nalunaartassaatit Atorfinitsitsinermut tunngasutigut pissutsitigut atorfik immikkoortortaqarfimmi pisortamut nalunaartassaaq
 
Atorfiup 1. april 2019 imaluunniit isumaqatigiissuteqarnikkut inuttalerneqarnissaa kissaatigineqarpoq.
  
Atorfik pillugu annertunerusumik paasisaqarusukkuit attavigisinnaavat immikkoortortaqarfimmi aqutsisoq Guluk Chemnitz, guch@nanoq.gl, oqarasuaat 346905.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk