Skip to main content
140

Dette jobopslag er udløbet

Aningaasaqarnermut siunnersorti

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik Ilinniagaqarnersiuteqartitsivimmut aningaasaqarnermut siunnersortissarsiorpoq
Ilinniagaqarnersiuteqartitsivimmi aningaasaqarnermik aqutsinerata ineriartortinneqarneranut sulianillu sullissineranut siuttuusunut ilaarusuppit aammalu suleriaatsinik nutaanik pilersitserusuppit, Ilinniagaqarnersiuteqartitsivimmilu  aningaasaqarnermut ingerlarngani digitalinngorsaanerannut ilaarusuppit?  Taava immaqa tassa illit aningaasaqarnermut tunngasunik siunnersortitaassarput. Qinnuteqartut uppernarsaatitalinnik piginnaassallit qaammatit pingasut misiligummik atorfinitsinneqareernerminik kingorna immikkut siunnersortitut atorfinitsinneqarsinnaalissapput.
Ilinniagaqarnersiuteqartitsivik Kalaallit Nunaanni ilinniarfinnik assigiinngitsunik Danmarkimilu kalaallit illuanik qanimut suleqateqarpoq. Ilinniagaqarnersiuteqartitsivik tallimanik qiimasunik ilinniartunik sullissilluarnissaq pingaartitsisunik sulisoqarpoq.

Atorfimmut anguniakkat nalinginnaasut
Ilinniarnermi tapiissutit allattornissaat akisussaaffigissavat aammalu tassunga atatillugu allattuinermut periutsit inerisarlugit aammattaaq qitiusumik naatsorsuuserivik suleqatigalugu killiffinni kontunik malitseqartitsisarneq suliarissavat. Tamatumalu saniatigut aningaasaqarnermut inatsisaanut siunnersuusiornermi missingersuutinik suliaqarneq suliarisassavat. Anguniakkanut nalinginnaasut iluarsinissaannut aammalu Ilinniagaqarnersiuteqarnermut ingerlatsivimmut suliassanut peqataassaatit. Tassunga ilanngullugit:

  • Kalaallit Nunaanni avataanilu ilinniarniartunik qinnuteqartunik sullissinermik digitaliseeriineq.
  • Ilinniagaqarnersiutinik aningaasaliisarnermut qinnuteqaatinik tapiissutillu ingerlaannarnissaat pillugu qinnuteqaatinik sullissisarneq, taakkununnga ilaalluni tapiissutit ingerlaannarnissaannut pisinnaatitaanermik nalilersuineq
  • Ilinniagaqarnersiutit pillugit maleruagassanut tunngatillugu Kalaallit Illuutaannit, ilinniarfinnit allanit Danmarkimi kalaallit illuanit il.il. oqarasuaatitigut allakkatigullu saaffiginnissutinik akissuteqarneq.


Ilinniagaqarnersiuteqarnermut ingerlatsivik ulluinnarni aamma USF-imik taaneqartarpoq, taannalu Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmi aningaasaqarnermut, sulisoqarnermut Ilinniartunillu Kiffartuussinermut Immikkoortortaqarfiup ilagaa. Atorfik aqqutigalugu piffissaq ungasinnerusoq eqqarsaatigalugu, ilinniagaqarnersiutinut ilinniartunullu tunngatillugu apeqqutinik tamanik Kalaallit Nunaanni Danmarkimilu ilinniartunut siunnersuisarnermut atatillugu supervisioni, siunnersuineq ilitsersuinerlu isumagisalissavatit ilinniagaqaqqiffigisinnaallugillu.

Naatsorsuutigaarput, qinnuteqartoq:

  • Attuumassutilimmik ilinniarsimanissaq soorlu AU Aningaasaqarneq aamma isumalluutinik aqutsineq imaluunniit allaffissornermut ilinniarsimaneq assigisaanilluunniit.
  • Naatsorsuutinik, naatsorsuutinik allattuinernik, sullissinernillu tunngaviusumik paasinnissinnaassuseqartutit
  • Suleqatigiikkuutaani suleqateqarnissamut pikkoriffeqartutit
  • IT-mi ataqatigiimmik aaqqissuussinernut nutaanut paasinnillaqqissuusutit
  • Aaqqissuulluakkamik sulisinnaasutit ilaannaanillu sammisaqarsinnaallutit
  • Marluinnik oqaaseqartuuneq, kalaallisut – qallunaatut


Atorfimmi ulluinnarni USP-imi immikkoortortaqarfimmi aqutsisumut suliassanut tunngasutigut nalunaartassaatit Atorfinitsitsinermut tunngasutigut pissutsitigut atorfik immikkoortortaqarfimmi pisortamut nalunaartassaaq

Atorfik 1. januar 2023 imaluunniit isumaqatigiissuteqarnikkut ingerlaannaq inuttalerneqassaaq.

Atorfimmut ulloq qinnuteqarfissaq kingulleq tassaavoq 11. december 2022. Atorfik pillugu sukumiisumik paasisaqarnerorusukkuit suliassaqarfimmi aqutsioq Guluk Chemnitz attavigineqarsinnaavoq, ugguuna email guch@nanoq.gl, oqarasuaat 346905

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk