Pilersaarusiornermut inatsisinik, nuna tamakkerlugu pilersaarusiornermik, inatsisinut tunngasunik sullissinermik kiisalu pilersaarusiornermik ineriartortitsinermik nunaminertanillu aqutsinermik attassinnaasunik inerisaanerit soqutigisaraagit?  Namminersorlutik Oqartussani kommuninilu tallimaasuni sanaartugassanut tunngasunik pilersaarusiornermut inatsisitigut sinaakkuseeqataanissamut peqataarusuppit?  Taamaappat illiusinnaavoq suleqatissarput nutaaq.

Nuna tamakkerlugu pilersaarusiortarnermut immikkoortortaqarfik AC-fuldmægtigimik pissarsiorpoq 1. august 2023 aallarnerfigalugu isumaqatigiissuteqarnikkulluunniit sulilersussamik.  Atorfimmut tulluuttunik piukkunnaatilimmut immikkut ilisimasalittut siunnersortitut atugassarititaasut malillugit atorfinitsitsisoqarsinnaavoq.

Nuna tamakkerlugu pilersaarusiornermi suliarineqartarput pingaarnertut attanneqarsinnaasumik ineriartortitsineq kiisalu 2023-mi nuna tamakkerlugu immikkoortunut pilersaarutinik suliaqarneq ataqatigiissaarinerlu naammagittaalliutinik suliarinninnerit kiisalu kommuninut pilersaarutinut tapiliussanut nutaanut tusarniaanermi akissutit suliarineri.  Immikkoortortap aamma nunap assiliorneq geodatallu akisussaaffigai digitalinillu aaqqiissutit nutaat atorluarniartarlugit suliassamik suliarinninniarnermi pilersaarusiornermilu ataqatigiissakkanik sinaakkusersuisarluni Nunarput tamaat Geodata pillugu periusissiami 2018-2021-mi aalajangersagaasuniittut.

Immikkoortortaqarfik pillugu
Nuna tamakkerlugu pilersaarusiortarnermut immikkoortortaqarfik Aningaasaqarnermut Naligiissitaanermullu Naalakkersuisoqarfiup ataani immikkoortut sisamaasut ilagaat.  Naalakkersuisoqarfimmi sulisut 40-t missaanniipput. Naalakkersuisoqarfimmi aqutsiveqarfiit marluk ilaapput. Akileraartarnermut Aqutsisoqarfik aamma Aningaasaqarnermut Sulisoqarnermullu Aqutsisoqarfik pillugu Aammattaaq Naatsorsueqqissaartarfik naalakkersuisoqarfiup ataani immikkoortortaavoq.

Immikkoortortaqarfiuvugut anginngitsoq maanna pingasunik sulisoqartoq qanimullu suleqatigiilluinnarluta assigiinngitsorpassuarnik suliassaqarluta.  Immikkoortortami nukissaqarluarpugut neqeroorutigisinnaallugillu suleqatit ilakkuminartut suliffimmi persuarsiorfiunngitsumi qiimallutik sulisut.

Atorfimmi suliassat pillugit nassuiaatit
Nuna tamakkerlugu pilersaarusiornermi nunami tamarmi tamakkiisumik ataatsimoortumillu pilersitsinissaq naalakkersuinermi pingaartinneqartoq soqutigisaqaqatigiippassuarnut kalluaasoq – nunatsinni tamarmi aamma nunat tamalaat akornanni. Immikkoortortami immikkut ukkatarineqarpoq periusissiornermi inerisaanermi pilersaarusiorneq geodatalu ataatsimuulersitsineri kalaallillu inuiaqatigiivini annertusaanissamut pitsaasunik sinaakkusiisoqarnissaa qulakkeerneqartarluni.  Immikkoortortami assersuutigalugu qanittumi nuna tamakkerlugu nunap illoqarfiilu assingi 3D-mik sanaat nutaat saqqummiunneqarput.

Pilersaarusiorneq attanneqarsinnaasumillu ineriartorneq pingaartinneqarput.  Immikkoortortaq marlunnik annertuunik attaveqaqatigiiffinnik atuisarpoq:  Nuna tamakkerlugu geodatanut isaavik  www.nunagis.gl kiisalu nuna tamakkerlugu nunarsuarmi anguniakkanut isaaviusoq pisortatigoortoq www.anguniakkavut.gl.

Sanaartukkanik pilersaarusiornermik misilittagalimmik ajornanngippallu politikkikkut aaqqissuussaanermik aqutsinermit misilittagaqartumik immikkoortumi suleqatissarsiorpugut.  Pilersaarusiornermut inatsisinik soqutigisaqarputit pilersaarutinik aqutsinermik, suliniutinik ataqatigiissaarinermik attaveqaqatigiinnermillu suliaqarsinnaallutit naalakkersuisut kommunillu akornanni sulianik aqutsisinnaallutit, misissueqqissaarlutit ataatsimut katerisitsisinnaallutit.  Suliassat periarfissallu assigiinngeqaat, ineriartornissamullu periarfissaqarluarluni: naammagittaalliutinik suliaqarnermit, paragrafinik paasinninnernik suliaqarnerit, inatsisissanik inerisaaneq kiisalu sulianut tunngasunik ilitsersuinerit nutaat.

Suliassavut ineriartorput, pingaartumik inatsisinut oqartussanillu ilitsersuinernut tunngasut, taamaammat piumassuseqarluartuussaatit sulianillu inernissaannik ilisimanngisatsinnik suliaqarnissamut nuannarisaqartuussallutit. 

Suliassarpiaviit piginnaasatit apeqqutaallutik tulleriiaarneqassapput immikkoortumilu suliassaqarfiit allat suliarisinnaanissaat atorfinitsitsinermi isumaqatigiissutigineqassallutik. 

Ilinnut neqeroorutigisinnaavagut

• Atorfik tamatigoortoq allanngorartorlu, suleqatigiiffiulluartumi persuarsiorpalaanngitsumilu sorpassuarnik angusaqarfiusartoq.
• Naalakkersuisoqarfimmi naalakkersuinikkut aalajangiisartunut qanimut suliffiusoq
• Suliffik sulisunik pimoorussisunik ammasunillu sulisulik
• Inuttut sulianullu tunngasutigut unammilligassaqarpoq kiisalu ilinniaqqinnissamut periarfissaqassalluni

Illit piukkunnaatitit piginnaasatillu

• Ingerlariaqqiffiusumik ilinniagaqarputit, ass. illoqarfimmi pilersaarusiortutut, inatsisilerituutut, geograffitut assigisaanilluunniit
• Ajornanngippat pilersaarusiornermik, pilersaarusiornermut inatsisinik, inatsisitigut sulianik sullissinerit ilaatigullu pilersaarutinik aqutsinermik misilittagalimmik
• Tamakkiisumik isiginnissinnaassuseqarputit, aammalu ataatsikkut arlalinnik suliaqallaqqissuullutit
• Politikikkut allaffissornermillu pisortanit aalajangiisarnernit misilittagaqarlutillu ilisimasaqarputit 
• Aqutsinermik ataqatigissaarinermillu piginnaasaqarputit, aammalu pilersaarutinik annertunerusunik sunniuteqarluartumik ingerlatsinissaq suleqataaffigisinnaallugu.

Inuttut naatsorsuutigaarput

• Suleqatigiinneq nuannarigit suleqatigiinnilu minnerni sulilluartartoq
• Nammineerlutit suliaqarsinnaassuseqartutit, peqatigisaanillu allanik suleqateqarluarsinnaassuseqartutit,
• Allanngortitsinissamut piareersimasuuvutit
• Immikkoortortaqarfimmi suleqatigiinnut suleqataalluarnikkut sunniuteqaqataasinnaasoq

Suleqatissatsinnik eqqortumik toqqaaniarnitsinni inuppalaassuseq anguniagaqartuunerlu pingaartippavut. 

Paasissutissat sukumiinerusut
Atorfik pillugu annertunerusunik paasisaqarusukkuit, attaveqarfigisinnaavat Immikkoortortaqarfimmi pisortaq Thomas Gaarde Madsen oqarasuaatikkut +299 588159 imaluunniit E-mail: thga@nanoq.gl.

Ulloq qinnuteqarfissaq kingulleq
Qinnuteqarfissap killerititaa tassaavoq 16. juni 2023. Qinnuteqartut piukkunneqartut oqaloqateqarnissaat, qinnuteqarfiup piffissarititaata qaangiunneranit pisinnaanerat ilimagineqarpoq.

Ulloq atorfiniffissaq tassaavoq 1. august, 2023 imaluunniit isumaqatigiissuteqarnikkut.

Qinnuteqaat, CV, ilinniarsimanermut aamma pikkorissarsimanermut uppernarsaatit aammattaaq pappiaqqat attuumassutillit "Atorfik qinnutigiuk" toorlugu nassiutikkit.

E-mailikkut qinnuteqaatit tiguneq ajorpavut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk