Skip to main content
144

Dette jobopslag er udløbet

Aningaasaqarnermut naatsorsuuserisoqarfimmi allaffimi pisortaq

Qitiusumik Naatsorsuuseriffik (DCR) 
Namminersorlutik Oqartussat Nunatta Karsiata naatsorsuutaanut qullersaalluni DcR akisussaavoq. DcR-i 40-nik sulisoqarpoq pingasunillu immikkoortortaqarfeqarluni; Akiligassalinnut/akiligassaqarfinnut naatsorsuuserivik. Aningaasaqarnermut immikkullu naatsorsuuserinernut immikkoortortaqarfik siunnersorteqarfillu.

DcR-ip akisussaaffigai:

  • Nunatta karsiata naatsorsuutaanik suliarinnittarnerit
  • Namminersorlutik Oqartussat akissarsianut aningaasaqarnermullu aqutsissutaat
  • Nunatta Karsiata Kommuninik suliffeqarfinnillu imminnut aquttunik aningaasaqarnikkut isumannaagassai
  • Namminersorlutik Oqartussat qitiusumik karsianik, akiliisinnaassusianik aqutsineq  pappiaqqanillu nalilinnik nakkutiginninnermik isumaginninnera
  • Namminersorlutik Oqartussat naalakkersuisoqarfiinut suliffeqarfiinullu naatsorsuutinik nalunaarsuinermik naligiissaarinermillu suliassat
  • Taarsigassarsisarnernut aqutsisoqarfik

Akiligassalinnut/akiligassaqarfinnut naatsorsuuseriviup suliassai
Allaffiup Namminersorlutik Oqartussat akiligassaqarfinnik akiligassaqartunillu isumannaagassai isumagisarpai, suliassaqarfimmi suleriaatsinik naleqquttunik qulakkeerinninnissaq kiisalu matumunnga tunngatillugu Namminersorlutik Oqartussat akiliisinnaassusaanik aqutsinermik misissuineq. Allaffeqarfik Namminersorlutik Oqartussat akiligassaqarfinnut akiligassalinnullu suliassaqarfiani suliassaanik siunnersuillunilu ikiuuttarpoq.

Naatsorsuutigaarput, piumasaqaatit ataani eqqaaneqartut amerlanerit naammassisinnaagitit:

  • Ajornanngippat naatsorsuutinik aningaasanillu aqutsinerup iluani akunnattumik sivisussusilimmik imaluunniit sivisuumik ilinniagaqarsimaneq
  • Akisussaaffeqarluarneq nammineerlunilu sulisinnaassuseqarneq
  • Aqutsinermik suliaqartarnermik misilittagaqarneq
  • Nalilersuilluni misissuisarnermut piginnaassuseqarneq kisitsisinillu paasisimasaqarluarneq
  • Sulisunik assigiinngitsunik tunngaveqartunik suleqateqarnissamut suleqateqarusussuseqarneq
  • IT-mik soqutigisaqarlunilu piginnaasaqarneq
  • Kalaallisut allassinnaallutillu oqalussinnaaguit iluaqutaassaqaaq.

Ulloq qinnuteqarfissaq kingulleq: 25. februar 2019
Atorfik pillugu apeqqutissaqaraanni, taava taakku pillugit naatsorsuuserinermi pisortamut nassiunneqassapput ugguuna e-mail thda@nanoq.gl imaluunniit attavigineqarsinnaavoq ugguuna oqa. 346726 imaluunniit mobil 546726.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk