Skip to main content
91

Dette jobopslag er udløbet

Aningaasaqarnermut Naalakkersuisoqarfik Aqutsinermik allattoqarfimmi pikkorissumik pimoorussisumillu aqutsisussarsiorpoq

Peqqissaartoq, akiligassanik aqutsisinnaasoq, pisariaqarfiani kiffartuussisinnaasoq, ulapaarfimmi suliassanik ilisimaarinnissinnaasoq, pisariaqarfiini ikiuutaasinnaasoq qungujulasoq. Taannaaguit, taava immaqa illit allattoqarfimmi aqutsisussaraatsigit. 

Aqutsinermik allattoqarfimmi naalakkersuisoqarfiup iluani suliassanik arlalinnik suliaqartarpugut, taakkununnga ilaapput Naalakkersuisumik naalakkersuisoqarfimmilu pisortamik kiffartuussinerit. Aqutsinermik allattoqarfimmi aqutsisoq ”Forkontorimi” pingaarnertut sulissaaq.

Illit pillutit
Allaffimmiutut ilinniarsimasuuvutit imaluunniit allaffissornikkut naleqquttunik piginnaasaqarlutit, namminersorlutik oqartussanit imaluunniit kommunimi allaffimmiutut sulinermik misilittagaqareeruit pitsaaqutaassaaq.
F2, IRIS, XAL aamma Web-Tas ilisimasaqarfigigukkit pitsaassaqaaq, aamma Word aamma Excel sungiusimagukkit pitsaaqutaassaaq.
Suliassanik ilisimaarinnittuuvutit, suliallu piffissaq eqqorlugu naammassinissaannut pilersaarusiorluarsinnaavutit. Suliassanik aqutsilluarnissaq pingaartitaraat.
Suliffimmi persuarsiorfiunngitsumi, suliakkiisartumut qanittumik inissisimasumi pimoorussisunillu sulisulimmi sulisinnaavutit. Sullissilluarneq ilinnut nalinginnaasuuvoq.
Marluinnik, kalaallisut qallunaatullu oqaaseqartuuguit pitsaalluinnassaaq.

Atorfik pillugu
Makku pingaarnertut suliarisassavatit:

  • IRIS-imi akiligassanik isumaginninneq
  • Web-Tas-imi piffissanik suliffiusimasunik nalunaarsuutinik akuersineq
  • Angalanissanik inniminniinerit kiisalu angalasimanermi naatsorsuutinik nakkutiginninneq suliaqarnerlu
  • Naalakkersuisoqarfimmi sulinngiffeqarnissanik nakkutiginninneq
  • Ukiumoortumik naatsorsuutinut atatillugu nalunaaruteqarnerit assigiinngitsut
  • Naatsorsuinerit naligiissaarinerullu annikinnerusut, matuma ataani akissarsianik qaammammoortumik naligiissaarinerit
  • Naalakkersuisoqarfiup naatsorsuinermut ilitsersuutaanik nutarterisarneq
  • Naalakkersuisoqarfiup nalunaarsuineranut allagaataasivimmullu inississuineranut qulakkeerinneqataaneq
  • Sulisunik nutaanik atorfinittoqarneranut aamma sulisunik soraartoqarneranut atatillugu suliassat
  • Politikkikkut suliarinninnissamut naalakkersuisoqarfiup atortussanik tunniussinissaanut qulakkeerinneqataaneq
  • Naalakkersuisumik naalakkersuisoqarfimmilu pisortamik sullissineq
  • Immikkoortortaqarfimmut pisortamut sinniisuuneq
  • Suliassat allat


Aqutsinermik allattoqarfimmi suliassanik takkuttunik suugaluartunilluunniit ikioqatigiilluta suliaqartarpugut.
Suiaassuseq, inuiaassuseq, upperisaq imaluunniit innarluuteqarneq apeqqutaatinnagit naalakkersuisoqarfiup naligiissitaaneq annerusoq pilersikkusuppaa. Taamatullu inuunermi misilittakkat inuttullu inerisimassuseq pitsaaqutaasutut isigaagut, taamaattumik qassinik ukioqarneq apeqqutaatinnagu qinnuteqarnissamut kajumissaarivugut.

Paasissutissat allat 
Atorfik pillugu paasissutissat erseqqinnerusut pissarsiarineqarsinnaapput uunga saaffiginninnikkut: immikkoortortami pisortaq Preben Rasmussen, tlf. 34 51 12 imaluunniit e-mail prer@nanoq.gl. Namminersorlutik Oqartussat pillugit paasisaqarnerusinnaavutit nittartakkamut iserlutit www.naalakkersuisut.gl.

Qinnuteqarnissamut killigititaq atorfininnissarlu
Qinnuteqaat kingusinnerpaamik 22. maj 2019-imi naalakkersuisoqarfiup tigusimassavaa.Atorfininnissamut oqaloqatiginninnerit sapaatip akunnerini 21/22-mi ingerlanneqassasut naatsorsuutigineqarput.

Qinnuteqaammut ilanngullugit nassiuteqquneqarput CV, siusinnerusukkut atorfigisimasanit uppernarsaatit kiisalu soraarummeersimanermut uppernarsaat soraarummeernermilu karakterit kiisalu oqaaseqaatit il.il. ataanilu linki aqqutigalugu nassiunneqassallutik.

Atorfininnissaq isumaqatigiissutigineqassaaq, sapinngisamilli piaarnerpaamik pissalluni.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk