Skip to main content
67

Dette jobopslag er udløbet

Aningaasaqarnermut Naalakkersuisoqarfik Aningaasaqarnermut Pilersaarusiortarfimmut immikkoortortamut pisortassarsiorpoq

Aningaasaqarnermik suliaqarneq pikkoriffigaajuk, pilersarusiorsinnaallutit sulisunillu aqutsisinnaallutit, taava eqqama immikkoortortarmi pisortassaraatsigit!

Aningaasaqarnikkut pilersaarusiortarnermut Immikkoortortaqarfiup ataqatigiissaarinermik, aaqqis-suusseqqinnerit piviusunngortinnissaannik nakkutiginninnermik allaffissornikkut suliassat isumagisarpai, taakkulu aqqutigalugit nunatsinni aningaasaqarnikkut siunissami atasinnaassutsip qulakkeernissaa isumagisaralugu. Taakku saniatigut naalakkersuisoqarfiup aningaasaliissutinut inatsisiliornikkut kiisalu inatsisissatut siunnersuutinik tusarniaanernut akissutinik, isummernissamut tunngavissianik allanillu aningaasaqarnermut pingaaruteqarsinnaasunik suliaqarnerani immikkoortortaqarfik ikiuuttarpoq. Aammattaaq naalakkersuisoqarfiup aningaasaqarnermut inatsisilioriaasiata aserfallatsaaliornissaanut ineriartortinnissaanullu immikkoortortaqarfik akisussaavoq. Aammattaaq oqartussaaffittut naalakkersuisoqarfinni ataasiakkaani suliassaqarfiit aningaasartuutaannik misissueqqissaarnernik immikkoortortaqarfik ingerlatsisarpoq.
Aningaasaqarnermik pilersaarusiornermut Immikkoortortaqarfik tassaavoq ineriartortitsivik, aningaasaqarnermik aaqqissuusseqqiffiusartoq, ingerlatsiveqartoq, aningaasanik inatsisiliortarfiusoq kiisalu aningaasartuutinik nalilersuilluni kommunillu aningaasaqarnerannik nakkutilliilluni aningaasaqarnermik aqutsinermik ingerlatsiviusoq. Assersuutigalugu attaveqaatinik sanaartornerit annertuut ingerlanneqarneranni qitiusumik inissisimavugut tassungalu peqatigitillugu aningaasaqarnerup piffissamut sivisuumut imminut nappassinnaanera qulakkiissallugu.
Immikkoortortaqarfimmi pisortaq immikkoortortaqarfinni pisortat pingasut allat, sulianik ingerlatsinermi ataqatigiissaarisartoq, aammalu naalakkersuisoqarfimmi pisortaq, qullersaqarfinni aamma Aningaasaqarnermut Sulisoqarnermullu Aqutsisoqarfimmit, Akileraartarnermut Aqutsisoqarfimmit, Asiarmit, Naatsorsueqqissaartarfimmit kiisalu Aningaasaqarnermut sulisoqarnermullu tunngasunik qarasaasiakkut aqutsissutinut pisortat ataatsimut immikkoortortaanit aqutsisut peqatigalugit naalakkersuisoqarfimmi aqutsisoqatigiinni peqataassaaq. Atorfeqarnermi naalakkersuisoqarfimmi pisortaq pisortarineqassaaq.

Atorfik pillugu
Naalakkersuisoqarfiup suliassaa pingaarneq tassaavoq aningaasaqarnermik politikkimik pitsaasumik Naalakkersuisunut tunngaviissinissaq. Taamaammat pisortat aningaasaqarneranni immikkoortunik tamanik suliaqarpugut, taamaammallu immikkoortortaqarfimmipisortatut Naalakkersuisumut sullissinermi siunnersuisarnermilu qitiusumik inissisimassaatit.
Immikkoortortaqarfimmi pisortatut suliassat annertuut ajornakusoortullu suliarinissaannut sinaakkusiisarnermik piffissarlu eqqorlugu eqqortumillu pitsaassusilimmik tunniussisarnissap qulakkeertarnissaanik pingaarutilimmik suliaqassaatit.
Pingaartumik ukuninnga suliassaqassaatit:

  • Sulisunik aqutsineq
  • Pisortat ingerlatsineranni aningaasartuutinik aqutsinermut sinaakkutit
  • Namminersorlutik Oqartussanut kommuninullu tunngatillugu Missingersuisarneq Naatsorsuusiortarnerlu pillugit inatsisip nutaap atuutilersinnera
  • Kalaallit Nunaata EU-mut peqatigiinnermik isumaqatigiissutaani aningaasaqarnermut tunngasut ilaannik malinnaaneq, tassunga ilanngullugu pisortat aningaasaqarnikkut aqutsineranik aqqissuusseqqinnerit pillugit isumaqatigiissusiorneq
  • Naalakkersuisoarfimmi namminermi pilersaarusiorneq ataqatigiissaarinerlu, ilaatigut sulianik ingerlatsinermi aningaasaqarnermi pissutsit qulakkeernissaat siunertaralugu naalakkersuisoqarfiit akornanni suliniutini annertuuni naalakkersuisoqarfiup peqataanerani
  • Sulianik ingerlatsinermi isumasiueqataasarneq pitsaatsimillu qulakkeerinnineq
  • Avataanut attaveqartarneq suleqateqartarnerlu

Sulisunik aqutsinermik suliaqarninni naalakkersuisoqarfimmi Aqutsinermut Allatseqarfimmit imaluunniit Aningaasaqarnermut Sulisoqarnermullu Aqutsisoqarfimmit sulisoqarnernermik siunnersortinit taperserneqartassaatit.
Naalakkersuisoqarfimmi namminermi naammakkut 30-nik sulisoqarpoq, taakkunannga Aningaasaqarnermut Pilersaarusiortarfimmi suleqatigiit qulingiluaapput. Naalakkersuisoqarfimmut ilisarnaataavoq annertuumik persuarsiunngitsumik attaveqartarneq suliaqarfiillu akornanni attaveqartarneq, pingaaruteqarporlu immikkoortortaqarfimmi taamatut attaveqartarnissat pisariaqartumillu tamanik takunnissinnaanissat angusaqarnissamillu qulakkeerinninnissat.

Illit pillugit

  • Pitsaasumik aqqutsisinnaassuseqarputit ukiunilu arlalinni aqutsisuunikuullutit – sapinngisamik politikkikkut suliaqarfimmit.
  • Inuiaqatigiilerinermi naleqquttumik ilinniarnermik naammassisaqarsimassaatit, pingaartumik aningaasaqarnermik, assersuurtigalugu cand. oecon., cand. polit., cand. merc., HA aamma HD imaluunniit ilinniakkat ataatsimoortitat allat naleqquttut
  • Kajumilersitsisinnaanikkut attaveqarsinnaanikkullu suliassat suliarineqarnissaat qulakkiissavat. Pissusissamisoortumik paasisimasaqarnerit takutissinnaassavat, uteriitsuussaatit anguniagaqartuullutillu
  • Inuttut isummavit aalajangiusimasinnaanissaannut sapiissuseqarputit piginnaasaqarlutillu, taamaalilluni aamma suliassat akerlerineqartut naammassineqarsinnaaniassammata
  • Pisuni nalorniffiusuni siusinnerusukkut pisimanngitsuni sukkasuumik pitsaasumillu aalajangiisinnaassuseqassaatit angusaqartitsisinnaassuseqarlutillu
  • Sulianikingerlatsinermi qaffasissumik isumasiueqateqarsinnaavutit, aqutsinermilu aaqqiissuussamik ingerlatsilersitsisinnaallutit tamanillu takunnissinnaaginnarsinnaalluti kiisalu sulisunik aqutsisutut inissisimanerit ingerlassinnaallugu
  • Ilinnit allanullu piumasaqaateqarsinnaavuti
  • Suliffeqarfimmi inussiarnerpaluttumik oqaluuttarfiusumi, suliassat pisarnertut ingerlaviini naatsuni suleqatinilu pimoorussisuni sulisinnaavutit


Iluaqutaassaaq Kalaallit Nunaanni inuiaqatigiinnik oqaasiinillu ilisimasaqaruit.

Akissarsiat atorfeqartitaanermilu atugassarititaasut:
1. april 2019 LR 38-mi akissarsiat imak isumaqagitiissutigineqarnikuupput qaamammut Kr. 58.159 ukiumullu Kr. 697.904 tunngaviusumik aningaassarsiarititaasoq tapillu aalajangersimasut ilanngulugit.

Aallaavittut atorfinitsitsinermi isumaqatigiissut aallaaviussooq, qinnuteqartorlu tjenestemanditut atorfeqareersimaguni nunatsinni Oqartussat kommuninilu tjenestemandit pillugu Inatsisartut inatsisissaat malillugu atorfinitsitineq tjenestemanditut atugassarititaasut naapertorlugit atorfinitsitaasoqarsinnaavoq.

Naalagaafiup ataani atorfeqartut isumaqatigiissutaasimasut naapertorlugit aningaasarsiaqarnatik sulinngiffeqarnissamut periarfissinneqarnikuupput, Tjenestemanditut isumaqatigiissulluniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF Finansministeriap akornani isumaqatigiissut. Qallunaat nunaanni nunap iluani pissutsinut Naalakkersuisoqarfiusoq innersuussutigivaa Kalaallit Nunaanni Namminersorlutik Oqartussat ataanni atorfininnikkumallutit qinnuteqartut sapinngisamik akimisaarfigineqassanngitut akissarsiaqarnatik sulinngiffeqarniarlutit qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsitaapput.

Aallaaviusumik sapaatip akunnerani suliffiuvoq akunneri 40-t, atorfimmullu atuuppoq qaanngiuttornermusiaqarsinnaanginneq aammattaaq ulloq sulinngiffiusussaasoq annaagaani ajunngitorsiassaqarfiunngilaq.

Akissarsiatigut aamma atorfeqartitaanermi atugassarititaasut, taakkununga ilanngullugit atorfinikkiartorluni soraarlunilu angalasinnaatitaanermut aamma pequtit nuunneqarsinnaanerat akiliunne-qartarneq, Namminersorlutik Oqartussat aamma pineqartup kattuffiata isumaqatiginninniarsinnaa-titaasup akornanni atorfinitsitaanermi piffissami atuuttumi isumaqatigiissutaasa/sulisunut isumaqatigiissutaat naapertorlugit ingerlanneqartarput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Utaqqiisaasumik inigisami qimmeqartoqaqqusaanngilaq.Tamaattorli inini qimmeqarfiusinnaasuni utaqqiisaasumik initaarnissamut massakkut qinnuteqartoqarsinnaalerpoq. Sulinermut atatillugu atorneqartartumik imaluunniit politiitut/ilanngaaserisutullunniit qimmeqaraani Utaqqiisaasumik najugaqartitsinermi allaffik mail una bolig@nanoq.gl aqqutigalugu saaffigineqarsinnaavoq.


Danmarkimi sulinngiffeqarnissamut periarfissat
Naalagaaffimmi tjenestemandit aamma AC-t isumaqatigiissutaat arlallit malillugit atorfeqartut Kalaallit Nunaanni Namminersorlutik Oqartussani atorfininnermut atatillugu maannakkut atorfimminni sulinngiffeqarsinnaatitaapput. Indenrigsministeriaqarfik aamma kommuninut nunallu immikkoortuinut inassuteqaateqarnikuupput, Kalaallit Nunaanni Namminersornerullutik Oqartussani atorfininnermi akissarsiaqaratik sulinngiffeqarnissamik qinnuteqartunut akuersaartaqqullugit. Sulinngiffeqarneq pillugu aalajangersakkani aapparisat/inooqatit Kalaallit Nunaanni Namminersornerullutik Oqartussani atorfinitsinneqartut aamma ilaapput.

Paasissutissat sukumiinerusut
Atorfik pillugu paasissutissat sukumiinerusut naalakkersuisoqarfimmi pisortamut Nikolai S. Christensenimut saaffiginninnikkut pissarsiarineqarsinnaapput, tlf. 34 66 75 imaluunniit email nsch@nanoq.gl. Naalakkersuisoqarfik pillugu nittartakkami uani annertunerusumik atuarsinnaavutit:
https://naalakkersuisut.gl/kl-GL/Naalakkersuisut/Naalakkersuisoqarfiit/F...

Qinnuteqartut misiligarneqarnissartik piareersimaffigissavaat.

Qinnuteqarnissamut piffissarititaq atorfininnerlu
Qinnuteqaat Naalakkersuisoqarfiup kingusinnerpaamik ataasinngorneq ulloq 9. marts 2020 nal. 12:00 tigoreersimassavaa.

Qinnuteqaat CV aamma soraarummeernermi uppernarsaatit assilineri bacheloritut kandidatitullu ilinniarnermi karakterinik allattuiffik tassunga atasoq ilanngullugu kiisalu innersuussutit naleqquttut qinnuteqaammut ilannguteqquneqarput.

Atorfininnissaq 1. maj 2020-uvoq imaluunniit isumaqatigiissut piaarnerpaamik.

Oqaloqatiginninneq ingerlaarneqassaaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk