Skip to main content
68

Dette jobopslag er udløbet

Aningaasaqarnermut Akileraartarnermullu Naalakkersuisoqarfimmi inatsilerituumik (cand.jur. imal cand.merc.jur.)

Soqutigisarivigit akileraartarnermut, akitsuusiisarnermut akiliisitsiniartarnermullu suliassaqarfiit, imaluunniit pisortat missingersuutaat naatsorsuuserinermullu malittarisassaanut tunngasut?
Sapiissuseqarfigaajuk suliassanut tunngasuni akisussaassuseqarnissat?
Eqqarsaatigisinnaassuseqarfigaagit inatsiseqarnermi suliassat qaffasissumik inissisimasut?
Piumassuseqarpit suliassaqarfimmi ilisimasanik nutaanik katersinissami kivitseqataanissat?
Kissaatigigaajuk suliffeqarfik suliassani kimittuumik imaqarluartoq inuillu akornani ataqatigiilluarfiusoq?
 
Taamaassimappat taava Aningaasaqarnermut Akileraartarnermullu Naalakkersuisoqarfimmi atorfik imaalluarsinnaavoq ilinnorpiaq tulluartuusoq!
 
Suliassat:
Piginnaasatit soqutigisatillu aallaavigalugit akisussaaffinnik tunineqarumaarputit. Suliassaqarfiit ingerlatassatit annerusumik akileraartarnermut,- akitsuusiisarnermut imaluunniit akiliisitsiniartarnernut tunngasunik imaqartinneqassapput, minnerunngitsumik suliani aallukkumaarpatit tulliuttut:

  • Inatsisinik suliaqarnermi piareersaataasunik suliaqarneq, ilanngullugit
    • Allakkiorneq
    • Inatsisiliorneq
    • Inatsisissamut siunnersuummut oqaaseqaasitit
    • Nalunaarusiat
  • Sulianik ingerlatsinerni Aningaasaqarnermut Akileraartarnermullu Naalakkersuisoqarfiup Akileraartarnermut Aqutsisoqarfimmik suleqateqarani immikkut nammineq sulianik ingerlatsineq (Akileraartarnermut Aqutsisoqarfiup ulluinnarni akileraartarnermut-, akitsuusiinermut-, aammalu akiliisitsiniartarnermut suliassaqarfiit ingerlatarai)
  • Politikkikkut akisussaasuusoq Naalakkersuisoq sullinneqarnera, ass. innuttaasunit politikerinit apeqquteqaateqartoqarnerani sullissineq.

Suliassat eqqartuussivikkoortut suliassavit ilagisinnaasassavaat, piumassuseqarlutillu piginnaasaqarfigigukkit.
 
Atorfinitsitassarput imatut pisinnaassuseqassaaq:

  • Cand. Jur. Imal. cand. merc.jur. allagartaqartutit
  • Allattariarsornikkut oqaaseqaasiullaqqissuussasutit
  • Inatsisilerinermut tunngasunik paasissutissanik inatsisilerisuunngitsunut paasiuminarsaallaqqillutit ingerlatitseqqillaqqiissuussutit
  • Nammineq sulisinnaassuseqartutit akisussaassuqartumillu periuseqarnissaq eqqumaffigigit
  • Tunniusimallutillu kivitseqataajumasuuneq
  • Politikkikkut ingerlatsiviusumi suliffeqarfiusumi suleqataanissap piareersimaffigissagit
  • Qerattakkajaaviunngitsumi pimoorussiviusumili suliffeqarfiusumi suleqataanissamik kissaateqarnissat
  • Kalaallitsut oqalussinnaallutillu allassinnaassasutit
  • Danskisut tuluttullu piginnaassuseqarluassaatit
  • Kalaallit Nunaanni inuiaqatigiinnik ilisimasaqartuunissat aammalu inuiaqatigiinni pissutsinik ilisimasaqarnissat
  • Akileraartarnikkut akitsuutillu pillugit suliassaqarfimmi paasisimasaqarnissat
  • Politikkikkut ingerlatsiviusumi suliffeqarfimmik misilittagaqareernissat.

 
Tassalu atorfinitsitassatta piukkunnaateqarnissaanik kissaatigisavut, kisianni piumasaqaatit tamakkerlugit naammassinngikkaluarikkilluunniit qinnuteqaateqarsinnaavutit.
 
Suliffeqarfik pillugu:

  • Naalakkersuisoqarfik ullumikkut 20-inik amerlatigisunik sulisoqarpoq, immikkoortortani assigiinngitsuni agguataarneqarlutik, tamatumani inatsisilerituut eqimissat. Naalakkersuisoqarfiup suliassaqarfiginerpaavaa Naalakkersuisumik politikkikkut akisussaasuusumik sullissinissaq siunnersuinissarlu, inatsisiliorneq, nakkutilliinermik ingerlatsineq, aammalu aningaasaqarnikkut ingerlatsinernilu pilersaarusiornerit.
  • Politikkikkut aalajangiinernik ingerlatsinerni qanimut sulianik imalinnik neqerooruteqarpugut, qerattakkajaaviunngitsumi pimoorussiviusumili suliffeqarfiusumi suliffeqarfiusumi suleqataanissaq, suleqatit tunniusimallutillu kivitseqataarusuttut akornani suliassaqarfinnilu allani suliaqarfiusunik suliassaqarfiit akimorlugit suleqatigiinnerit pisortanillu qanimut suleqateqarnerit neqeroorutigaavut. Sulianut attuumassuteqartunik immersoqatigiiffiulluarfiusumik suliffeqarfimmillu periarfissaqarluartumik kiisalu naalakkersuisoqarfiit akimorlugit suleqatigiittut suleqatigiilluarfiusumik suliffeqarfimmik aqutsisoqarfinnillu suleqateqarluarfiusumik suliffeqarfik neqerooruteqarpugut.

 
Aningaasarsiatigut atorfinitsitaanermilu atugassarititaasut:
Sapaatip akunneranut nalunaaquttap akunneri 40-it suliffiusussaapput.
 
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat DJØF-illu akornani isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
 
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Paasissutissat allat:
Atorfimmut tunngasunik paasissutissanik sukumiinerusunik paasissutissanik inatsisitigut siunnersortit pisortaanut Morten W. Selvejer aqqutigalugu pissarsiarineqarsinnaapput oqarasuaat  346528 imaluunniit e-mail mws@nanoq.gl aqqutigalugit.
 
Naalakkersuisoqarfimmut tunngasunik qitiusumillu naqitanngorlugit saqqummersitat pillugit link-i ataani allassimasoq aqqutigalugu pissarsiarineqarsinnaapput: http://naalakkersuisut.gl/da/Naalakkersuisut/Departementer/Finans
 
Qinnuteqaateqarfissaq:
Qinnuteqaat kingusinnerpaamik naalakkersuisoqarfimmi tiguneqareersimassaaq 11. oktober 2018.
 
Atorfinititsinissamik oqaloqatigiinnerit naatsorsuutigineqarput sap. ak. 42/43 ingerlanneqarnissai, aammalu atorfiniffissaq ulloq 1. december 2018 aallarnerfigalugu imaluunniit qanimut isumaqatigiissuteqarnikkut pinissaa naatsorsuutigineqarpoq.
 
Qinnuteqartut misiliutaasumik ingerlatsivimmik aqqusaagaqarnissartik sillimaffigissavaat.
 
Qinnuteqaammi ilanngunneqassapput inuunermit taasassat, siusinnerusukkut atorfeqarsimanermut uppernarsaatit, kiisalu ilinniagaqarnermut uppernarsaatit tamakkiilluinnartut kiisalu ilinniagaqarnermik naammassinermi angusat uppernarsaataat assigisaallu, ataanilu link-imut allassimasumut nassiunneqaqquneqarlutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk