Skip to main content
91

Dette jobopslag er udløbet

Aningaasaqarnermut- aammalu Immikkut Naatsorsuuserivimmut Allaffimmi pisortaq

Namminersorlutik Oqartussat Qitiusumik Naatsorsuuserinermut Immikkoortortaqarfia naatsorsuutitigut suliaqartarnernut ilisimasaqarluartumik aqutsinermut misilittagalimmik pissarsiorpoq 

Aningaasaqarnermut- aammalu Immikkut Naatsorsuuserivimmut Allaffimmi pisortatut suliassarilissavatit akisussaaffigilerlugillu naatsorsuuserinerup iluani suliassat pissanganartut tamatigoortullu, taakkununnga ilaallutik suliffeqarfiit naatsorsuutaat, pappiaqqat nalillit, taarsigassarsiat aammalu immikkoortortaqarfiit naatsorsuutinut tunngasutigut apeqqutigisartagaannut akissuteqartarnerit.

Allaffimmi pisortatut allaffiup immikkoortortaqarfiini marluusuni pisortat marluk sulisut arfineq marluk ilinniartullu marluk akisussaaffigissavatit
Immikkoortortaqarfinni pisortat taakku marluk, ilaatigut sulisut akornanni suliassanik agguaassisassapput, kisiannili pingaarnertut aqutsinermut- sulisunullu akisussaasuunermik tigumminnittussaq illiussaaq. Taamaattumik neriuutigaarput, allat suliaasigut tapersersuisarnertigut kajumissaarisarnertigullu misilittagaqartuartutit.
Taassuma saniatigut ingerlatsinermi tapersersuutaasinnaanerit naatsorsuutigaarput.

Pingaarnertut suliassarissavatit Aningaasaqarnermut- aammalu Immikkut Naatsorsuuseriviup suliassaanut siuttuunissaq ilaatigut tassaasut:

  • DcR-imi immikkoortortaqarfiit sinneri suleqatigalugit Nunatta Karsiata naatsorsuutaanik suliarinnittarnerit.
  • Namminersorlutik Oqartussani aningaasaqarnikkut killiffinnik ingerlaavartumik malitseqartitsisarnerit aammalu Namminersorlutik Oqartussat aningaasaqarnermut tunngasunut tamanut ineriartortitsisarnerit.
  • Namminersorlutik Oqartussat qitiusumik karsianik, akiliisinnaassusianik aqutsineq pappiaqqanillu nalilinnik nakkutiginninnermik isumaginninneranut akisussaasuusoq
  • Namminersorlutik Oqartussat immikkoortortaqarfiini naatsorsuuserisarnertigut suleriaatsinik atuisunut piuminarsarlugit sunniuteqartumik ineriartortinnissaat qulakkiissallugu.
  • Namminersorlutik Oqartussat naatsorsuuserissummut nutaamut ikaarsaariartorput. Aammattaaq soqutiginartunik arlalinnik suliassaqarpoq, naatsorsuuserissummut nutaamut suliaraatsit pitsaasut atortussanngortissallugit iluarsisassat.

Suliassavit pingaarnertut ilagisassaat tassaassaaq naatsorsuutinik suliaqartarnertigut ilisimasanik misilittakkanillu tapersiisarneq, taamaasillutillu allaffimmi ilinniarnernut ineriartortitsisarnernullu ikorfartueqataasarneq'.

Naatsorsuutigaarput, piumasaqaatit ataani eqqaaneqartut amerlanerit naammassisinnaagitit:
Ilinniakkatigut piginnaasat

  • Naatsorsuutinik aningaasanillu aqutsinerup iluani akunnattumik sivisussusilimmik imaluunniit sivisuumik ilinniagaqarsimaneq
  • Sulisunik aqutsinermik misilittagaqartutit
  • Nalilersuilluni misissuisarnermut piginnaassuseqarneq kisitsisinillu paasisimasaqarluarneq
  • Naatsorsuutinik ajornakusoortunik annertuumik misilittagaqarluarneq
  • Ingerlatseqqillaqqissoq
  • IT-mik soqutigisaqarlunilu piginnaasaqarneq
  • Ilinniartitsillaqqissuuvutit
  • Namminersorlutik Oqartussat pillugit ilisimasaqarluarneq.
  • Kalaallisut allassinnaallutillu oqalussinnaaguit iluaqutaassaqaaq.

Inuttut piginnaasat:

  • Akisussaaffeqarluarneq nammineerlunilu sulisinnaassuseqarneq
  • Aaqqissuussaasumik suleriaaseqarputit, tamakkiisumillu isiginnissinnaassuseqarluartuuvutit.
  • Pilersaarusiornermut tunngasutigut eqqarsarnissamut piginnaasaqartuuvutit pingaarnersiuisinnaassuseqarluartuullutillu
  • Sulisunik assigiinngitsunik tunngaveqartunik suleqateqarnissamut suleqateqarusussuseqarneq
  • Akuersaartoq aammalu suliffiup iluani avataaniillu atassuteqarfinnik pilersitsisinnaassuseqartoq

Ilinnut neqeroorutigisinnaasavut:

  • Pissanganartunik unammillernartunillu suliaqarfiusoq
  • Suleqatit pitsaasut
  • Suleqatit pikkorissut aallussilluartullu
  • Suliassatigut ilisimannilluarfiusoq qaffasissumillu akisussaaffilik
  • Akisussaaffilimmik kiffaanngissuseqarneq

Qitiusumik NaatsorsuuserivikDcR Namminersorlutik Oqartussani Nunatta Karsiata naatsorsuutaanut qullersaalluni akisussaasuuvoq.
 DcR-i 40-nik sulisoqarpoq pingasunillu immikkoortortaqarfeqarluni; Akiligassalinnut/akiligassaqarfinnut naatsorsuuserivik, Aningaasaqarnermut immikkullu naatsorsuuserinernut immikkoortortaqarfik siunnersorteqarfillu.

Ulloq qinnuteqarfissaq kingulleq: 22. maj 2019.

Atorfik pillugu apeqqutissaqaruit, tikilluaqquneqarputit, naatsorsuuserinermut pisortaq Thomas Dam ugguuna e-mail thda@nanoq.gl imaluunniit attavigineqarsinnaavoq oqarasuaatikkut. 34 67 26 imaluunniit angallattakkakkut. 54 67 26.

Aningaasaqarnermut Sulisoqarnermullu Aqutsisoqarfik pillugu 
Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu.
ASA-mi pilersaarusiorneq aallaavigalugu suliniuteqartuuvoq: Inuiaqatigiit sillimmataataat peerlugit Kalaallit Nunaannik ineriartortitsinermut atorneqarlik..

ASA-p pingaartitai pingasut tassaapput:
Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut
Suleqatigiinneq - Suleqatigut sullitavullu pitsaasumik suleqatigaagut
Isumassuineq - Ikiuukkumatuujuvugut akunnitsinnilu paareqatigiilluta

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk