Skip to main content
137

Dette jobopslag er udløbet

Aningaasaqarnermik aqutsissummut siunnersortissarsiorneq

Aningaasaqarnermik aqutsissummut siunnersortissarsiorneq
- Kalaallit Nunaannut tamarmut naatsorsuutinut aqutsissummut ataatsimoorussamut qitiusumik inissisimarusuppit?
Nunatsinni ataatsimoorussamik qarasaasialerinermi aningaasaqarnermik aqutsissummik suliaqartussanik siunnersortissarsiorpugut, ajornanngippat naatsorsuuserinermut aningaasanillu aqutsinermut tunngatillugu assigiinngitsutigut suliaqarnermik misilittagaqartunik.
Kalaallit Nunaanni pisortaqarfinni ataatsimut aqutsissummik ERP-mik ingerlatsinerup ikiorteqarnerullu qulakkeernissaannut tunngatillugu nunatsinni pisortaqarfinni ataatsimoorussamik qarasaasialerinermik suliassaqarfik akisussaasuuvoq. Kommuninut tamanut tallimaasunut aammalu Namminersorlutik Oqartussanut aningaasaqarnermik aqutsissutip assigiissarneqarnissaanut atatillugu siammarterinermi ikiorteqartitsinermilu illit suleqatitillu qitiusumik inissisimassaasi.

Illit suliassatit
Allaffimmi pisortaq qullersaralugu ukuninnga suliassaqassaatit:

  • Kommunini aningaasaqarnermik atuisunik ikiuineq – Kommunini aamma Namminersorlutik Oqartussani aningaasaqarnermi sulisunik ikiuineq
  • Aqutsissummi ERP-mi immikkoortunik pingaarutilinnik inissitsiterineq – Aningaasaqarnermik aqutsisumik AX-Prisme-mik inissitsiterineq misilittaanerlu
  • Kommunini aamma Namminersorlutik Oqartussani immikkoortortaqarfinnik naalakkersuisoqarfinnillu oqaloqateqarnermi attaveqateqarnermilu peqataaneq
  • Atuutilersitsinermi ilinniartitsinermilu sulinermut atatillugu angalaqataaneq
  • Allaffiup suliarisartagaanut attuumassuteqartut suliassat allat
  • Piffissap suliniuteqarfiusup kingorna ingerlatsineq/ikiorteqartitsineq aamma aqutsissutip ERP-ip pingaarnertut suliassaanik ineriartortitsineq.


Kinaassutsinnut ilisarnaat
Naatsorsuutigaarput suliassaqarfimmi ataatsimi imaluunniit suliassaqarfinni arlalinni ukunani misilittagaqartutit:

  • aningaasaqarnermik aqutsinermik aamma aningaasaqarnermik aqutsissummik suliaqarnermik, ajornanngippat AX2012-imik ajornanngippat sullissivimmeersumik,
  • naatsorsuuserinermik ilisimasaqarluartutit
  • paasissutissanut toqqorsivimmik paasisimasaqartutit
  • ilinniartitsinermi suliaqarnermik
  • paasissutissanik suliaqarnermik,
  • Kalaallisoorsinnaasutit danskisoorsinnaasutillu aamma tuluit oqaasiinik ilisimasaqartutit.


Tatituujusutit, tusarnaarsinnaasutit, tigooraasinnaasutit paasissutissanillu suliarinnissinnaasutit aammalu inuttut attaveqallaqqittuusutit attaveqaatinillu aalajaatsunik ineriartortitsillaqqissuusutit naatsorsuutigaarput. Aaqqissuussaanikkut qaffasissutsini tamani allakkatigut oqaluttariarsornikkullu attaveqarnissamut piginnaaneqarputit. Allanngortitsinissamut piareersimavutit, pingaarnersiuillaqqipputit ataatsikkullu arlalinnik suliaqarsinnaavutit.

Ilinniakkatit
Naleqquttumik suliamut attuumassutilimmik ilinniagaqarsimassaatit.

Uagut pilluta
Naalakkersuisut anguniagarivaat, annertunerusumik IT-mik digitaliseeriinermillu inuiaqatigiinni kalaallini atuinerulernissaq anguniarlugu ineriartortitsinissaq, tassunga ilanngullugu pisortat allaffissornerannik pisariinnerulersitsinissaq. Tamanna ERP-mik suliniutip annertuumik ilagaa. Suliniut eqqarsaatigalugu suliniuteqarnermiit ataavartumik ingerlatsinikkut ikiuinissamut ajornanngitsumik ikaarsaariarneq maannakkut ingerlanneqarpoq.

Neqeroorutigaavut
Neqeroorutigaagut suliffik assigiinngitsorpassuarnik suliassalik, namminersorfiusoq unammillernartulillu suliatigut inuttullu ineriartornissamut periarfissaqarluartoq. Suliffeqarfimmut persuarsiorfiunngitsumut suleqatinullu pikkorissunut pimoorussilluartunullu suleqataassaatit.
Aaqqissuussaanikkut pisortaqarfinni ataatsimoorussamik qarasaasialerinermik suliassaqarfiup ataani ingerlatsivimmi inissisimassaatit.

Atorfik pillugu sukumiinerusumik paasisaqarusukkuit allaffimmi pisortaq Svend Lynge Larsen oqarasuaatikkut  +299 346478-imut  imaluunniit mailadressekkut svll@nanoq.gl-imut attavigikutsoorsinnaavat.
Qinnuteqarnissamut killigititaq 25. maj 2021

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Aallaaviatigut isumaqatigiissutini atugassarititaasut malillugit atorfinitsitsisoqassaaq. Qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.
Sulinerup sivisussusaa aallaavittut sapaatip akunneranut akunnerit 40 tiimiupput, suliartoqquneqaratarsinnaanermut pisussaaffik atorfeqarnermut aamma ilaavoq. Ullunik sulinngiffiusussanik annaasaqarnermut ajunngitsorsiassat pillugit aalajangersakkat atuutinngillat. Qinnuteqartunut uppernarsarneqarsinnaasunik piginnaasalinnut misilittagalinnullu immikkut ittumik siunnersortitut atorfinitsinneqarnissaq neqeroorutigineqarsinnaavoq.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk