Skip to main content
144

Dette jobopslag er udløbet

Angerlarsimaffik Uulineq immikkoortortami aqutsisussarsiorpoq

Uulineq ulloq unnuarlu Angerlarsimarfiuvoq pingasunik immikkoortortalik. Ulloq unnuarlu Angerlarsimaffiuvoq meeqqanik, inuusuttuaqqanik inersimasunillu autistertunit Autisme Spektrum Forstyrrelser (ASF) -ertunit najugaqarfiulluni. Immikkoortortani ukunani aqutsisunik amigaateqarpugut Suluppaluk.

Immikkoortortami aqutsisup suliassaatut akisussaaffigissavai, aqutsinermut ataqatigiissaarinermullu tunngasut, ulluinnarnilu immikkoortortaqarfimmi suliassani akuusassalluni. Nakkutilliinerit nikerartut takkussinnaasassapput.

Immikkoortortaqarfimmi forstander-imut saaffiginnittassaatit, aqutseqatigiinnilu forstander -iusumut aqutsisunullu marluusunut kiisalu tullersortimut ilaassallutit.

Immikkoortortaqarfinni ineriartornermut sunniuteqarnissannut, inuttut sulianullu ineriartornermut tunngasunut periarfissaqarluassaatit. Nunatsinni autisme -mut tunngasunik peroriartuutissanut suliniutit arlallit ineriartortillugit aallartinnikuuagut.

Qinnuteqartup suliamut tunngasunik piginnaasai tunuliaqutaalu:

  • Perorsaanermut/Socialrådgiver -itut assingusuanilluunniit naammassinnissimanissaq.
  • Specialpædagogik -ip iluani sulerusussuseq.
  • Qarasaasiamik atuisinnaaneq.
  • Akunnermiliulluni sullissisinnaaneq attaveqarluarsinnaanerlu.
  • Tarnikkut timikkullu sulisinnaanerup pingaartinnissaa.
  • Nutaanik pilersitsisinnaaneq, allatullu aaqqeeriarsinnaanermut piginnasaq.
  • Oqaaluttariarsornermut allattariarsornermullu piginnaasaqarluarneq.
  • Tamakkiisumik isiginnissinnaaneq, allannguisinnaanermullu piareersimalluarneq.
  • Suleqateqarluarnissanut arlaqarsinnaasunut piginnaasaqarneq.

Qinnuteqaat ilinniaqarsimanermik uppernarsaatinik imalik, siusinnerusukkullu suliaqarsimanernik imalik uunga nassiunneqassapput:

https://naalakkersuisut.gl/da/Naalakkersuisut/Job/Ledige-stillinger

Sukumiinerusumik paasissutissanik pissarsiniaraanni uunga saaffiginnittoqarsinnaavoq:
Forstander tlf. +299 342610 / 559691 mail: uulineq@uulineq.com  imaluunniit hjemmeside -put www.uulineq.com (ajuusaarnartumilli nutarterneqanngilaq).
Akissarsianut atorfinitsitsinermullu tunngasunut:

Atorfinitsinneqarnissaq: 1. juli 2019 imaluuniit isumaqatigiissuteqarnikkut.
Qinuuteqarnissamut killiffigititaq: 27. juni 2019. Atorfininnissamut oqaloqatiginninnissaq sap. ak. 26-mi pinissaanut naatsorsuutigineqarpoq. Qinnuteqartunut naliliinerup ataavarnissaanut pisinnaatippugut.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk