Find job
Dette jobopslag er udløbet
Angerlarsimaffik Qasapermiut, immikkoortortami Aqutsisussarsiorpoq 1-mik
Angerlarsimaffik Qasapermiut, immikkoortortami Aqutsisussarsiorpoq 1-mik.
Atorfininnissamut ulluliussaq: 1.maj 2023 Imaluunniit isumaqatigiinneq aallaavigalugu.
Qasapermiut pillugu:
Qasapermiut Sisimiuniippoq, Kalaallit Nunaanni. Isumaginninnermut, Ilaqutariinnut Inatsisinillu Atuutsitsinermut Naalakkersuisoqarfik ataaniittoq Meeqqanut inuusuttuaqqanullu sumiginnagaasimasunut 13 aamma 17-inik ukiulinnut nunarput tamakkerlugu inissiiviuvoq.
Ulloq unnuarlu angerlarsimaffinnut immikkoortortaqarfik ukununnga: Angerlarsimaffik Pilutaq,aammalu Angerlarsimaffik Isikkivik-nut qanimut suleqatigiissuupput imiikkooraluarlutik atortorissaaratit soorlu angallatit assigisaallu ataatsimoorussaralugit sannaveqarlutik.
Inissitat meeqqat inuttut aqqusaagaqartuupput sumiginnaagaasimanermik tunngaveqarsinnaasumik, nunarput tamakkerlugu inissiisarfiuvoq.
Perorsaariaaseq Qasapermiuni tunngaviatigut perorsaariaaseqarpugut imaak; Tunngaviatigut eqqarsartariaatsikkut ilisarsisarnikkut, meeqqat piginnaasaat aallavigalugu aaqqissuussamik avatangiiseqartitsinissamik, pingaartitsillutalu ulluinnarni ataqqeqatigiinnermik akuersaarpalaartumik siunertalimmik meeqqanut inuusuttunullu. Ulluinnaat aalaakkaasut pingaartitaraagut, atuarneq, pinialuttarnerit,sunngiffimmilu soqutigisat ullup unnuarlu angerlarsimaffiup avataani inooqataaneq eqqarsaatigalugit. Weekend-ini atuanngiffinni ferie-nilu meeqqat periarfissikkumasarpagut misigisaqartinnissaannik asimut illuaqqiartillugit, piniariartillugit, sisorariartillugit allanulluunniit illoqarfiup iluani aaqqissuussanut peqataatillugit.
Takuuk; www.Socialstyrelsen.gl
Oqartussaaffik
Immikkoortumi aqutsisup qaninnerpaamik oqartussaaffeqassaaq Angerlarsimaffik Qasapermiuni pisortamut.
Atorfik pillugu:
Makku ilaatigut akisussaaffigissallugit piareersimaffigissavatit
- Ulluinnarni perorsaanikkut aqutsineq, aqutsisooqatigiit suleqatigalugit.
- Sulisut suliffissaat piareersaasiorlugit suliaralugit, isumaqatigiissutit malillugit.
- Immikkoortortap aningaasatigut atuinera nakkutigalugu, Pisortaq peqatigalugu.
- Immikkoortortami ataatsimiinnissanut pilersaarusiornerit, aalajangiussallu perorsaariatsikkut malitsiniaanerit suleqataaffigalugit.
- Immikkoortortami meeqqat ataatsimiinnerisa piareersaasiorneri, atuutsinnerilu.
- Immikkoortortami suleriutsit anguniakkallu sulinermi qularnaarneri.
- Immikkoortortami aaqqissuussamik sinaakkutinillu maleruagassanik atuutsitsineq.
- Tunniussiseqataasarnissaq immikkoortortani sulisunut supervisioninik iml. Illu tamaat eqqarsaatigalugu.
- Killiffik pillugu sullitanut nalunaarusiornerit suliarineri, ineriartortitsinermut
pilersaarutit, nalunaarutiginninnerillu, isumaginninnermi sullillisoq peqatigalugu, attaveqaallu ineqartunut.
- Tværfaglig-mik suleqateqarsinnaaneq.
- Angajoqqaanik oqartussaassuseqartunillu suleqateqarsinnaaneq.
- Meeqqanik isertertunik anisussanillu pilersaarusiuussisinnaaneq perorsaaniakkut.
- Suleqatissanik nutaanik tigusisinnaaneq ilisarititsisinnaanerlu.
- Ilisimaqasarneq ineqartunut 13-21 ukiulinnut, angallattagassassinnut
Makku ilaatigut ilinnut naatsorsuutigaagut:
- Perorsaasutut ilinniagaqarsimassasutit, aqutsisutut
ilinniagaqarsimassasutit.
- Misilittagaqarsimassasutit perorsariaatsikkut angerlarsimaffiup avataanut meeqqat
inissinneqarsimasut sullissereernikuullutit.
- Piginnaaneqartutit aqutsisutut, ersarissuusutillu ilinniakkat suleriaatsillu
tunuliaqutigalugit.
- Siumut isigisumik ilinniakkat tunuliaqutigalugu takorluuisinnaassuseqartutit.
- Ilinniaqqikkusussuseqartuusutit ilisimasatit suliffimmi ineriartortikkumallugit.
Makku ilaatigut ilinnut neqeroorutigaagut:
- Atorfik pissanganartoq, namminersorlunilu suliffik immersuiffiusoq.
- Suliffik ineriartornissamut pingaartitsisoq ulloq unnuarlu suliffik meeqqamut
qitiutitsiffiusoq.
- Suliffik sulisunik misilittagarluartunik piniarnikkut aammalu ilinniarsimalluartunik suleqateqarfiusoq, suliffigissaanermillu ukkassiffiusoq
Sap.ak. -eranut 40 timer suliffiusartussat
Pinerliisimannginnermut uppernarsaat/meeqqanik pinerliisimannginnermut uppernarsaat:
Atorfik una pinerlussimannginnermik allagartamik paasiniaanissamit inatsimmik pisussaaffiliivoq. Inatsit naapertorlugu Meeqqanut Inerisaaviup pinerlussimannginnermik allagartamik tigusinerata kingorna aatsaat atorfinittoqarsinnaavoq.
Atorfinitsitassamik toqqaaniarnermi meeqqanik pinerliisimannginnermut uppernarsaat Meeqqanut Inerisaavimmi naliliinermut ilaatinneqassaaq.
Paasissutissat allat Atorfik pillugu paasisaqarnerorusukkuit saaffiginnissinnaanernut tikilluaqquatsigit.Fortanderi Ânâ-Grethe Klein tlf: +299382095 email: anag@nanoq.gl.
Qinnuteqarneq; Atorfiit qinnuteqarfineqarsinnaapput uunga www.naaalakkersuisut.gl
Qinnuteqarfissap ullua kingulleq: 4/4-2023
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.
Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job