Skip to main content
130

Dette jobopslag er udløbet

Angerlarsimaffik Isikkivik perorsaasussarsiorpoq

Angerlarsimaffik Isikkivik perorsaasussarsiorpoq

Atorfininnissamut ulluliuussaq: 1. Aggusti 2022, imaluunniit isumaqatigiinneq aallaavigalugu.
Angerlarsimaffik Isikkivik allallu immikkoortortaqarfiit peqatigalugit allaffeqarfeqarpoq, sannavik taavalu socialrådgivereq. Immikkoortortaqarfiit marluk allat qanimut suleqatigineqarput.
Meeqqat angerlarsimaffiup avataanut inissinneqarnikut sullisissallugit soqutigaagiit? Taamatuttaaq allanngueqataarusussuseqarpit inuusuttut avatangiisaata inooriaasiannut?

Angerlarsimaffik Isikkivik:
Isikkivik Sisimiuniippoq. Angerlarsimaffik Isikkivik inuusuttunut meeqqanullu inissaateqarpoq 13-nut, 8-niik 17-inut ukiulinnut, periarfissaasinnaalluni 23-inik ukioqalernissap tungaanut sivitsuiffiusinnaasumik. Isikkivik immikkoortortaqarfeqarpoq pingasunik, matoqqasoq ammasorlu nukarleqarfillu, nukarlerni 8-niik 13-it tungaanut ukioqarput, ammasumi 13-niik 17-it tungaanut ukiullik. Niviarsiaqqat nukappiaqqallu tamarmik ataatsimut inisimasinnaapput. Ineqartut ilaatigut annertuumik sumiginnagaanikuupput, kalaallint nunaatalu sineriaaniik takkuttuusarlutik.
Perorsaariaaseq ulloq unnuarlu angerlarsimaffimmi tunngaviatigut perorsaariaaseqarpoq; tunngaviatigut eqqarsartariaatsikkut ilisarisarnikkut, Meeqqat piginnaasaat aallaavigalugit aaqqissuussamik avatangiiseqartitsinissamik, pingaartitsillutalu ulluinnarni ataqqeqatigiinnermik akuersaarpalaartumik siunertalimmik meeqqanut inuusuttunullu.
Pingaartipparput inuusuit aalajaatsumik atugarissaarnissat imatut paasillugu; atuarneq, suliffimmik misiliineq, sunngiffimmi ornittakkat, timersorneq ineqarfiullu avataani kammattaartorsinnaaneq peqqinnartunik anguniassallutigu. Sunngiffinni periarfissaqartilluta inuusuit misigisassarsiortittarpagut asimi pinialunneq sisoraarneq assigisaallu sammitinniartarlugit.

Ilinnut naatsorsuutigaarput:

  • Aalaakkaallutit naatsorsuutaasinnaasutit suliffinnullu tunniusimallutit.
  • Akisussaaffimmik tigusilluarsinnaasuusutit.
  • Ilinniagaqarsimasuunissat tulluartumik imaluunniit misilittagaqarluartutit inulerinermut.
  • Piareersaasiorsinnaassuseqartutit ineqartunut tulluartunik sammisaqartitsisinnaallutit.
  • Asimut ullut 14ikkaarlugit angalasarsinnaasutit, ineqartut peqatigalugit.
  • Piffissanik assigiinngiiaartuni sulisarsinnaasutit assersuutigalugu unnuarsiornerit ullaakkullu sulinerit.
  • Perorsaasutut nalunaarusiortarnernut allaaserinnissinnaanissat, aqutsisoq suleqatillu peqatigalugit.
  • Ineqartunut attaveqaataasinnaanissat.
  • Kalaallit periusaannut ilisimasaqartutit.
  • Suleqatigiinneq suleqatit akornanni pikkoriffigigit.


Naatsorsuutigisinnaasatit uagutsinniik:

  • Suliffik pissanganartoq, ilinniakkallu imarisaanut sulinermi ukkissiffiusoq.
  • Ilinniakkap imarisaanut suli ineriartorfiusoq. Ilinniaqqissinnaanerup saniatigut supervisionertarneq.
  • Suliffimmi isumassarsiarnik tunniussaqarsinnaasutit piviusunngortitseqataallutillu.
  • Sapaatip akunneranut 40 tiimi sulisarneq.


Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, NPK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq. Atorfinitsitsineq qaammatini pingasuni misiligutaaqqaassaaq.

Meeqqanik pinerliisimannginnermut aamma pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq aatsaat inissinneqassammat.

Inissiaq:
Atorfimmut atatillugu inissamik pisatsersorneqanngitsumik innersuussisoqarsinnaavoq, namminersornerulli oqartussap ataani ineqareeraanni nutaamut qinnuteqartoqarsinnaanngilaq ISikkivimmulli allaqqanera nuutsinneqarsinnaalluni.

Qinnuteqaat uunga nassiunneqassaaq apeqqutissaqaruillu attavigisinnaasatit ukuupput:
Forstander: Ole Benjaminsen
Afdelingsledere: Miacecilia Ingemann og Tønnes Olsen
E-mail: forst.isikkivik@ufb.gl
Tlf.: +299 52 19 38/+299 58 03 36
Ansøgningsfrist: 10/7 - 2022.
 

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk