Skip to main content
152

Ammasumik suleqatissarsiorpugut

Angerlarsimaffik Uulineq ”ammasumik” sulisussarsiorpoq, Autisme-mik innarluutilinnut sullisserusuttunut.

Piumassuseqarpit soqutigalugulu nikerarfiusumik suleqatigiinni suleqataarusullutit, suliffeqarfiullu aaqqissuussaanerata inerisarneqarnerani suleqataruusullutit?

Angerlarsimaffik Uulineq ulloq unnuarlu angerlarsimaffiuvoq meeqqanut, inuusuttunut inersimasunullu Autisme Spektrum Forstyrrelse –mik (ASF) innarluuteqartunut.
Nikerartumik sulisinnaasunik perorsaasunik pingasunik sulisussarsiorpugut. Pitsaassaaq
autisme –mik tunngasumik ilisimasaqarnissaq, taamatullu kalaallisut qallunaatullu oqalussinnaanissaq.

Sullivinni periarfissaqarluarpoq ineriartornermi sunniuteqarsinnaanissamik, kiisalu inuttut ilinniarsimasatigullu inerikkiartornissamik.

Qinnuteqartut ilinniarsimanissaannik sapinngisaannillu tunuliaqutit:

  1. Isumaginninnermi ikiortitut assigisaanilluunniit ilinniarsimasuunissaq.
  2. Perorsaasutut immikkuullarissumik sulerusussuseqarneq.
  3. Qarasaasiamik nalinginnaasumik atuisinnaaneq.
  4. Akunniliulluarsinnaaneq attaveqaqatigiilluarsinnaanerlu.
  5. Suliffimmi timikkut tarnikkullu piginnaanernik pingaartitsineq.
  6. Allatut ittunik aaqqiinermi nassaarsiullaqqissusermik piginnaaneqarneq.
  7. Oqaluttariarsornikkut allattariarsornikkullu paasisitsiniaallaqqinneq.
  8. Tamakkiisumik isiginnissinnaaneq aaqqeeriataarsinnaanerlu.
  9. Suleqatigiissutinut arlaqarsinnaasunut piareersimaneq.

 

Sukumiinerusumik paasisaqarusukkaanni uunga saaffiginnittoqarsinnaavoq:
Pisortaq Lene Eriksen Lyberth, tlf. +299 34 26 10 / +299 52 96 91 
Email:  uulineq@uulineq.com, imaluunniit hjemmeside –rput www.uulineq.com alakkarlugu (taannali suli iluamik nutarsagaanngilaq).

Atorfiniffissaq: 1. August 2019 –imut inissinneqarpoq, imaluunniit allatut isumaqatigiissuteqarnikkut.
Oqaloqatigiinninnissaq sap. ak. 28–imi kingusinnerpaamik pinissaa ilimagineqassaaq.
Qinnuteqarnik ataavartumik nalilersorneqarsinnissaannik piginnatitsivugut.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk