Skip to main content
92

Dette jobopslag er udløbet

Allorfik Nuummi Nutserisoq/Oqalutsi

Allorfik oqalutsimik/nutserisumik, sapinngisamik peqqinnissaqarfimmi oqaatsinik atugaasunik ilisimannilluartumik pissarsiorpoq.  Atorfiup 1 april 2019 aallanerfigalugu inuttalerneqarnissaa kissaatigineqarpoq.

Oqalutsi/Nutserisutut atorfik eqqarsaatigilluaqqissaakkanik nutserinermut suliassanik, aammalu nutsikkat misissoqqissaartarnissaannik imaqarpoq. Nutserinerit katsorsaanermi aammalu ilinniartitsinermi atortunik; soorlu atuakkanik, video-klipinik allanillu aallaaveqassapput.

Saniatigut aamma sullissinermi sulianik aaqqissuusseqataasassaatit, aammalu ataqatigiissaarisoq peqanngikkaagat paarlattarsinnaassallugu.
Pinngitsuuisinnaanermik Paasisimasaqarfimmi sulisut tallimat,aammalu katsorsaasut allatsillu, sumiiffinni katsorsaavinni suleqatigilerumaarpatit.

Naatsorsuutigaarput:

  • Marloqiusumik oqaaseqartuunissat.
  • Oqalutsi/Nutserisutut ilinniarsimasuunissat. (Kalaallisut/Danskisullu)
  • Tuluttut oqalussinnaanissat.
  • Namminerisamik sulisinnaanissat.
  • Ulapaarfinni suliat nakkutigilluarsinnaanissaat.
  • Sungiussilluarsimasumik  suliallu pitsaalluinnarnissaanni pingaartitsisuussaatit.
  • Inuppalaartumik inussiarnersumik suleriuseqassaatit.
  • MS-Officepakke (Word, Power Point aammalu Excel) piginnaasaqarfigissavatit.


Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqarfissaq kingulleq:
15. Februar 2019

Atorfimmut tunngatillugu apeqqutissaqaruit,  Allorfiup aqutsisua Birgit Niclasen tlf. 525343, bivn@allorfik.gl imaluunniit allaffeqarfiup pisortaa Keun Hwang tlf. 346687 keun@allorfik.glattavigisinnaavatit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk