Isumaginninnermut Aqutsisoqarfik, Inulerinermut Immikkoortortaqarfimmi Alliami katsorsaanermut neqeroorutit tarnip pissusaanik ilisimasalimmik imaluunnit tarnikkut katsorssasumik, katsorsaasarnermik misilittagalimmik taamatulluunniit suliaqarnissamik soqutigisalimmik pissarsiorpoq. Tarnip pissusaanik ilisimasalimmik imaluunniit tarnikkut katsorsaasumik katsorsaanikkut suliaqarfimmi pitsaasumik allannguerusussuseqarluartumik pissarsiorpugut. Atorfik Isumaginninnermut Aqutsisoqarfik Inulerinermut Immikkoortortaqarfimmi aalajangersimasumik inissisimavoq, tassani suleqatigiit suliaminnut pikkorilluartut suleqatigilernissaannut periarfissaqarpoq, taamaalillunilu aamma suliassat atorfimmut tunngatitat ineriartortinnissaannut atuutilersinnissaannullu periarfissaqarluni.
Neqeroortutigaarput atorfik pissanganartoq unammillernartorlu.  Pikkorissunik suleqatitaassaatit, aamma suleqatit suliaqarfimmik pimoorussisut akornanniilissaatit. Tamatta akisussaaqataaffigisatsinnik pitsaasumik allanngorartumillu ulluinnaqarnissaq pingaartipparput. Uagutsinni inuttut sulisutullu qiimasuuneq assigiinngitsuunerlu inissaqartippavut, suleqatigiinnermilu ammasumik pitsaasumillu attaveqatigiittarneq pingaartillutigu.
Ataasiakkaatut eqimattatulluunniit ingerlanermi aqqutissiuunneqarnissaq periarfissat pitsaapput.

Suliassat
Assersuutigalugu suliassat makkununnga tunngasinnaapput: Katsorsaanermi neqeroorummut attuumassuteqartumik innuttaasoq peqatigalugu naliliilluni oqaloqatigiinneq aamma oqaloqatigiinnikkut katsorsaaneq (kisimiitillugu imaluunniit aappariiutillugit). Alliaq tassaavoq inunnut qanigisariittut attuumassutillit iluanni nakuusertartunut nuna tamakkerlugu katsorsarneqarnissamik neqeroorut akeqanngitsoq. Nakuuseriaatsit tamaasa katsorsartarpavut. Tamatuma saniatigut Alliami katsorsarneqartoq, aappaqarsimassappat, aappaasup katsorsarneqarnissaanik neqerooruteqartarpugut.
Sulineq aamma makkununnga tunngassuteqarsinnaavoq: Tarneq pillugu ilinniartitsineq, innuttaasut ataatsimiisinneqarneri, aqqutissiuussineq, siunnersuinikkut oqaloqatiginninnerit ataatsimiinnerillu assigiinngitsut.
Aammattaaq sapaatip akunnerani ullormi ataatsimi allaffissornikkut sulianik suliarinninnissamut piffissaliisarnissaq naatsorsuutigineqassaaq. Tamatumani innersuussinerit, Alliami paasititsinianermi atuartitsinermilu paasissutissanik ineriartortitsineq, tarnip pissusaanik ilisimasalittut ataqatigiissaarisumik aammattaaq suliniummik aqutsisumik avitseqateqartarneq ilaalu ilanngullugit. Piffinni ataasiakkaani allaffissornikkut suliassat ulapputigineqarnerulersinnaasarput. Sulinermut atatillugu angalanetaqarsinnaavoq.
Alliami sullinneqartut pingaarnertut oqarasuaatikkut sullinneqartarput - matumani Skype/Teams internetsikkut aammattaaq oqarasuaatikkut. Taamaattorli pisuni ataasiakkaani Nuummi inummiit inummut oqaloqateqarnissaq periarfissaqarpoq.

Takorluugaq
Innuttaasunut immikkoortortaqarfiup tarnip pissusaanik ilisimasalinnik aamma tarnikkut katsorsaasumik aalajangersimasumik atorfinititsinissaq kissaatigaa, immikkoortortaqarfimmi katsorsaasartut taamaalillutik suleqatigiinnut ataasiakkaanut immikkoortortamullu tamakkiisumik nukittuumik suleqatigiinneq ineriartornikkullu attaveqarfeqarneq pigiumallugit. Taamaattumik sulinikkut unammillernartut immikkoortortaqarfimmi suleqatitit qanimut suleqatiginerisigut kivitseqataaffigikkajuttarumaarpatit, aammattaaq ingammik suleqatigiit Alliamut attuumassutillit peqatigalugit.

Suleqammik

• Pikkorissumik oqimaaqatigiissaarillaqqissumik
• Namminersorsinnaasumik pisariaqaraangallu eqimattami sulisinnaasumik,
• ataatsimut isigalugu isumalluartumik, nukittuffiminik sanngiiffimminillu ilisimaarinnittumik
• Aaqqissuussamik sulisinnaasumik aamma misigeqataasumik,
• tarnikkut ajornartorsiutit pillugit inunnik sullissinermik siammasissumik misilittagalimmik - nakuusertarnerup tungaatigut misilittagalimmik,
• tulluartillugu imaluunniit pisariaqartillugu nalunaarsinnaasumik imaluunniit killiliisinnaasumik,
• unammillernartunik nutaanik pissanganartunillu suliaqarnissamut tunuarsimaanngitsumik innuttaasunullu ataasiakkaanut sunniuteqaqataarusuttumik, ataatsimullu isigalugu inuiaqatigiinnut sunniuteqaqataarusuttumik suleqatissarsiorpugut.

Kalaallisut oqalussinnaanissat orniginartinneqarneruvoq. Tamannali piumasaqaataanngilaq.

Uagut neqeroorutigisinnaavavut

• suliffik pingaarutilik isumaqarluartorlu
• suliassat pissanganartut assigiinngisitaartullu
• illit suliassannut atatillugu namminersuutigalugu sunneeqataanissamut periarfissat
• qaffasissumik suliaqarsinnaassuseq aamma suleqatit ataqatigiilluartut
• sulinikkut atugassat pitsaasut aamma suleqatit persuarsiorpalaanngitsut akornanniissinnaaneq
• sulinikkut ineriartornermik pingaartitsineq ataavartumik oqaloqatigiinnikkut aqqutissiuunneqarnissamik ilalik
• siunnerfilimmik piginnaasanik ineriartortitsineq aamma
• illit uagutsinnut tulluussarumallutit kissaatigisinnaasatit pisariaqartitatillu ajornanngippata ammaffigaavut.

Alliaq aamma Isumaginninnermut Aqutsisoqarfik pillugit ugguuna annertunerusumik atuagaqarsinnaavutit www.socialstyrelsen.gl.

Allagarsiussaq pillugu alapernaaseruit sukumiinerusunillu apeqqutissaqaruit taava una attavigiuk:

• Immikkoortortaqarfimmi pisortaq Naja Lund Kielsen, mail: nalk@nanoq.gl, oqarasuaat 562627 imaluunniit
• Katsorsaanermut akisussaasoq, mail: pilp@nanoq.gl oqarasuaat: 522430

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk